https://sputnik-abkhazia.info/20230628/asnazy-atsy-du-isazaara-dalit-arkheolog-aleksandr-skakov-1046604109.html
Аԥсназы ацәыӡ ду: иԥсҭазаара далҵит археолог Александр Скаков
Аԥсназы ацәыӡ ду: иԥсҭазаара далҵит археолог Александр Скаков
Sputnik Аҧсны
Аҭоурыхҭҵааҩ, археолог, аполитолог Александр Скаков алагала ду ҟаиҵеит Аԥсны аҭоурых аҭҵаареи уи адунеи аҿы аӡыргареи рус аҿы. 28.06.2023, Sputnik Аҧсны
2023-06-28T19:30+0300
2023-06-28T19:30+0300
2023-06-28T20:10+0300
ажәабжьқәа
https://cdnn1.img.sputnik-abkhazia.info/img/07e4/0c/17/1031509970_0:110:2147:1317_1920x0_80_0_0_b044b4930376014b334b2b1d62f8ffeb.jpg
АҞӘА, рашәара 28 – Sputnik, Бадри Есиава. Аҵарауаҩ Александр Скаков иԥсҭазаара далҵит илаҽыз ачымазараҟынтәи, абри азы Sputnik адырра ҟаиҭеит Аԥсуа ҳәынҭқарратә музеи аиҳабы, аҭоурыхтә ҭҵаарадыррақәа ркандидат Аркади Џьопуа.Џьопуа иажәақәа рыла, аԥснытәи аҵарауааи Александр Скакови рыжәҩахыр еибыҭаны аус руан ҩажәа шықәса инарзынаԥшуа. Ари аамҭа иалагӡаны дара ирылшеит ареспубликаҿы акрызҵазкуа археологиатә ԥшаахқәа адунеи дырбара. Арҭ аекспедициақәа ирыбзоураны иаарԥшын археологиатә артефактқәа рацәаны, урҭ зегьы ҭҵааны Аԥснытәи аҳәынҭқарратә музеи иаҭан.Аҵыхәтәантәи ашықәсқәа рзы Александр Скаков аԥснытәи иколлегацәеи иареи археологиатә жрақәа мҩаԥыргон Очамчыра араион аҿы анкьа иҟаз антикатәи ақалақь Гиуенос аҿы. "Ара иԥшаан иуникалтәу артефактқәа – аҭсатә ҭоубыҭ, абырзени арамеитәи ҩырақәа зныз аҵәаҟьақәа. Ҵыԥх иҳаԥшааит V-IV ашәышықәса ҳера ҟалаанӡа иатәу аныҳәарҭа, уа ахаҳәтә ҳаҭәараҷ ҳԥыхьашәеит. Иҵегьы ирацәаны аԥшаахқәа ҳбеит, ахьы, аџьаз, аиха уҳәа ирылху амаҭәарқәа", - иҳәеит Џьопуа.Аԥсуа ҵарауаҩ инаҵшьны иҳәеит Гиуенос археологиатә ҭҵаарақәа 2023 шықәса рзы иацырҵар акәын. Александр Скаковгьы урҭ уаанӡеиԥш дрылахәхар акәын.Александр Скаков Аркади Џьопуа игәалашәараҿы узықәгәыӷшаз, згәы аартыз уаҩны даанхеит, уи инапы злаикуаз аусқәа зегьы гәыҩбарада ишынаигӡоз ахаангьы иҩашьомызт.Скаков иара убас дыпрофессионалтә политологын. Ажурналистцәа ириҭоз аинтервиуқәа рҟны иҭҵаарадырратә усумҭақәа рҟни иара Аԥсны аҭоурых иашахаҭа рызнеигон, уи аӡбахә еснагь иӡыригон."Иара Аԥсназы ииашахаҭаз аинформациа ӡыригон. Аԥсны аҭоурых адагьы, Кавказ аҭоурых бзианы идыруан, арегион аҿы акыо шықәса аус иуан азы, уи лабҿабагьы ибарҭан, ҭоурыхҭҵааҩык, археологк, политологк иаҳасабала. Александр иԥсҭаазаара иалҵра Аԥсназы, ҳара - иара иҩызцәа изы ицәыӡ дууп", - иҳәеит Џьопуа.Скаков Александр Иури-иԥа диит абҵара 29 1971 шықәса рзы Москва. 1993 шықәса рзы далгеит М. В. Ломоносов ихьӡ зху Москватәи аҳәынҭқарратә университет аҭоурыхтә факультет, 1997 шықәса рзы – Урыстәыла аҭҵаарадыррақәа ракадемиа иатәу Археологиа аинститут аспирантура.1998 шықәса рзы ихьчеит аҭоурыхтә ҭҵаарадыррақәа ркандидат ҳәа аҩаӡара аԥсахаразы адиссертациа "Кобано-колхидские топоры как исторический источник". Иара авторс дрымоуп археологиа иазку 77 ҭҵаарадырратә кьыԥхьымҭа, Кавказ аполитологиеи аконфликтологиеи ирызку 30 ҭҵаарадырратә кьыԥхьымҭа, урҭ реиҳарак зызку ҳаамҭазтәи Аԥсни иааидкыланы Кавкази рпроблематика.
https://sputnik-abkhazia.info/20220815/giuenos-amaaa-ochamchyra-antikati-apolis-shyraaua-1040934979.html
https://sputnik-abkhazia.info/20220806/antikat-aama-iaanakua-aaz-ialkhu-aaara-ochamchyra-imaysua-azhraa-rny-ishaan-1040762989.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Аԥсназы ацәыӡ ду: иԥсҭазаара далҵит археолог Александр Скаков
19:30 28.06.2023 (ирҿыцуп: 20:10 28.06.2023) Аҭоурыхҭҵааҩ, археолог, аполитолог Александр Скаков алагала ду ҟаиҵеит Аԥсны аҭоурых аҭҵаареи уи адунеи аҿы аӡыргареи рус аҿы.
АҞӘА, рашәара 28 – Sputnik, Бадри Есиава. Аҵарауаҩ Александр Скаков иԥсҭазаара далҵит илаҽыз ачымазараҟынтәи, абри азы Sputnik адырра ҟаиҭеит Аԥсуа ҳәынҭқарратә музеи аиҳабы, аҭоурыхтә ҭҵаарадыррақәа ркандидат Аркади Џьопуа.
Џьопуа иажәақәа рыла, аԥснытәи аҵарауааи Александр Скакови рыжәҩахыр еибыҭаны аус руан ҩажәа шықәса инарзынаԥшуа. Ари аамҭа иалагӡаны дара ирылшеит ареспубликаҿы акрызҵазкуа археологиатә ԥшаахқәа адунеи дырбара.
"Аԥсны араионқәа зегьы рҿы 22 шықәса инарзынаԥшуа ҳара археологиатә ҭҵаарақәа мҩаԥаагон. Александр Иури-иԥеи ҳареи ҳусеицура иалҵшәаны иаарԥшын ихьшәоу аџьаз аамҭа иаҵанакуа абӷархықәтәи аиланхарҭақәа, Аҷандара археологиатә жрақәа мҩаԥган, аиланхарҭа Цоухәаҿы аартрақәа. Гьаргь Шамба Џьанҭыхә аԥсыжырҭаҿы дызлагахьаз аҭҵаарақәа ирыцаҳҵеит, уи иабзоураны ажәытәан иҟаз ҩынтәтәи аԥсыжра ақьабз аҭҵаара алыршахеит", - ҳәа азгәеиҭеит Џьопуа.
Арҭ аекспедициақәа ирыбзоураны иаарԥшын археологиатә артефактқәа рацәаны, урҭ зегьы ҭҵааны Аԥснытәи аҳәынҭқарратә музеи иаҭан.
Аҵыхәтәантәи ашықәсқәа рзы Александр Скаков аԥснытәи иколлегацәеи иареи археологиатә жрақәа мҩаԥыргон Очамчыра араион аҿы анкьа иҟаз антикатәи ақалақь Гиуенос аҿы.
"Ара иԥшаан иуникалтәу артефактқәа – аҭсатә ҭоубыҭ, абырзени арамеитәи ҩырақәа зныз аҵәаҟьақәа. Ҵыԥх иҳаԥшааит V-IV ашәышықәса ҳера ҟалаанӡа иатәу аныҳәарҭа, уа ахаҳәтә ҳаҭәараҷ ҳԥыхьашәеит. Иҵегьы ирацәаны аԥшаахқәа ҳбеит, ахьы, аџьаз, аиха уҳәа ирылху амаҭәарқәа", - иҳәеит Џьопуа.
Аԥсуа ҵарауаҩ инаҵшьны иҳәеит Гиуенос археологиатә ҭҵаарақәа 2023 шықәса рзы иацырҵар акәын. Александр Скаковгьы урҭ уаанӡеиԥш дрылахәхар акәын.
Александр Скаков Аркади Џьопуа игәалашәараҿы узықәгәыӷшаз, згәы аартыз уаҩны даанхеит, уи инапы злаикуаз аусқәа зегьы гәыҩбарада ишынаигӡоз ахаангьы иҩашьомызт.
"Зажәеи зуси еимадаз уаҩын. Иҟасҵоит ззиҳәаз ахаан дацәхьаҵуамызт. Иҟаиҵоз ҟаҵан, ииҳәоз ҳәан. Александр дҩыза бзиан, аиаша дацныҟәон, игәы иҭаз иҳәон. Иара убас иара ганрацәала адырра ҵаулақәа иман, изымдыруаз ҳәа ак ыҟамызт, уи ицныҟәара даара аинтерес аҵан, алафгьы ицааиуан", - иҳәеит Џьопуа.
Скаков иара убас дыпрофессионалтә политологын. Ажурналистцәа ириҭоз аинтервиуқәа рҟны иҭҵаарадырратә усумҭақәа рҟни иара Аԥсны аҭоурых иашахаҭа рызнеигон, уи аӡбахә еснагь иӡыригон.
"Иара Аԥсназы ииашахаҭаз аинформациа ӡыригон. Аԥсны аҭоурых адагьы, Кавказ аҭоурых бзианы идыруан, арегион аҿы акыо шықәса аус иуан азы, уи лабҿабагьы ибарҭан, ҭоурыхҭҵааҩык, археологк, политологк иаҳасабала. Александр иԥсҭаазаара иалҵра Аԥсназы, ҳара - иара иҩызцәа изы ицәыӡ дууп", - иҳәеит Џьопуа.
Скаков Александр Иури-иԥа диит абҵара 29 1971 шықәса рзы Москва. 1993 шықәса рзы далгеит М. В. Ломоносов ихьӡ зху Москватәи аҳәынҭқарратә университет аҭоурыхтә факультет, 1997 шықәса рзы – Урыстәыла аҭҵаарадыррақәа ракадемиа иатәу Археологиа аинститут аспирантура.
1998 шықәса рзы ихьчеит аҭоурыхтә ҭҵаарадыррақәа ркандидат ҳәа аҩаӡара аԥсахаразы адиссертациа "Кобано-колхидские топоры как исторический источник". Иара авторс дрымоуп археологиа иазку 77 ҭҵаарадырратә кьыԥхьымҭа, Кавказ аполитологиеи аконфликтологиеи ирызку 30 ҭҵаарадырратә кьыԥхьымҭа, урҭ реиҳарак зызку ҳаамҭазтәи Аԥсни иааидкыланы Кавкази рпроблематика.
