https://sputnik-abkhazia.info/20230703/asharadara-aidnakyloit-aynavtoinspektsia-amsh-aayr-azy-asny-aktsia-mayrgeit-1046680171.html

"Ашәарҭадара ҳаиднакылоит": Аҳәынҭавтоинспекциа амш аҳаҭыр азы Аԥсны акциа мҩаԥыргеит

"Ашәарҭадара ҳаиднакылоит": Аҳәынҭавтоинспекциа амш аҳаҭыр азы Аԥсны акциа мҩаԥыргеит

Sputnik Аҧсны

"Ашәарҭадара ҳаиднакылоит" захьӡу акциа мҩаԥган Аԥсны Аҳәынҭқарратә автоинспекциа амш аҳаҭыр азы. 03.07.2023, Sputnik Аҧсны

2023-07-03T13:15+0300

2023-07-03T13:15+0300

2023-07-03T13:19+0300

аԥсны

ажәабжьқәа

ауаажәларра

https://cdnn1.img.sputnik-abkhazia.info/img/07e7/07/03/1046677379_0:85:1620:996_1920x0_80_0_0_2fcf6ec02b9d96c477218bbea38ba4b1.jpg

АҞӘА, ԥхынгәы 3 – Sputnik, Асмаҭ Ҵәыџьԥҳа. Аԥсны иҟоу Россотрудничество ахаҭарнакреи Аԥсны аҩнуҵҟатәи аусқәа рминистрреи Аҟәа ашәахьа ԥхынгәы 3 рзы акциа "Ашәарҭадара ҳаиднакылоит" еицымҩаԥыргеит.Акциа алахәылацәа "Аԥсны аҿар реиҿкаара" иалоу аволонтиорцәа рыцырхырааны ауаажәларратә транспорт аҿы "Ахәыҷқәа амҩа иануп - ҳара урҭ ҳнапы иануп" ("На дороге дети – мы за них в ответе") ҳәа аҩырақәа зныз абаннерқәа рыддырҷаблеит.Уи адагьы, Џьонуеи Арӡынбеи, Леони Арӡынбеи, Аиааира апроспекти Пушкини рымҩақәа реихысырҭаҿы иҟоу ашьаҟауаа рымҩеихҵәарҭақәа раԥхьа атрафаретқәа рыла ианҵан "Шәхәыҷы инапы шәкы" ("Возьми ребенка за руку"), "Алымҳахаҵақәа ухых" ("Сними наушники"), "Уҭел аҭаԥшра уаҟәыҵ" ("Отвлекись от телефона") ҳәа аҩырақәа. Имҩасуаз амашьынарныҟәцаҩцәа амҩатә ԥҟарақәа зныз абӷьыцқәа рырҭон.Аԥсны Аҩнуҵҟатәи аусқәа рминистр ицхырааҩ Баҭал Агрба иажәақәа рыла, ари аусмҩаԥгатә еиҿкаан ашьаҟауаа амҩа ашәарҭара рзаҵамкәа еихырҵәаларц азы."Ишаҳдыруа еиԥш, амҩа, уи иану амашьынақәа ауаҩы изы ашәарҭара рыцуп. Иахьа Аҳәынҭавтоинспекциа иамшуп, убри инамаданы амашьынарныҟәцаҩцәа иргәалаҳаршәар ҳҭахын амҩатә ԥҟарақәа рықәныҟәара акыр шаҵанакуа, уи иабзоуроуп ауаа рыԥсҭазаареи ргәабзиареи реиқәырхара", - иҳәеит иара.Аԥсны иҟоу Россотрудничество ахаҭарнак Руслана Гьергьедаааԥҳа иазгәалҭеит Аурыс Ҩны аԥхьаҟагьы арҭ рҩызцәа акциақәа рымҩаԥгара агәы ишҭоу."Иахьа идҳарбо аҿырԥшы зегьы ирызкуп. Ауаажәларраҿы ари апроблема аӡбара системала уазнеир, аиҭакрақәа ҟалоит. Ҳара ауаа аҿырԥшы раҳҭоит, атуристцәа идҳарбоит ҳара ҳгәы ишыҵхо Аԥсны амҩақәа рҿы иҟоу аҭагылазаашьа, уи аӡбараҟны аидгылара шааҳарԥшуа", - лҳәеит лара. "Ашәарҭадара ҳаиднакылоит" захьӡу акциа мҩаԥган Аԥсны Аҳәынҭқарратә автоинспекциа амш аҳаҭыр азы. Уи хықәкыс иамоуп амҩаҿы иҟоу ашәарҭара ауаажәларра разхьарԥшра.

https://sputnik-abkhazia.info/20230610/atskhyraara-lasy-aya-aadyrtueit-asny-arespublikat-madu-ayan-1046258049.html

2023

Ажәабжьқәа

ab_AB

ажәабжьқәа, ауаажәларра