https://sputnik-abkhazia.info/20230712/avolontiortsa-gagra-araion-ay-akhyra-zyrkhagakhaz-kh-aatsarak-irytskhraait-1046910762.html
Аволонтиорцәа Гагра араион аҿы аӡхыҵра зԥырхагахаз хә-ҭаацәарак ирыцхрааит
Аволонтиорцәа Гагра араион аҿы аӡхыҵра зԥырхагахаз хә-ҭаацәарак ирыцхрааит
Sputnik Аҧсны
Ԥхынгәы 8-9 руха Гагра араион аҿы иҟалаз аӡхыҵраан 1100 нхамҩа аӡы рыҵалеит. 12.07.2023, Sputnik Аҧсны
2023-07-12T21:50+0300
2023-07-12T21:50+0300
2023-07-12T21:52+0300
аԥсны
ажәабжьқәа
https://cdnn1.img.sputnik-abkhazia.info/img/07e7/07/0a/1046819928_0:85:1620:996_1920x0_80_0_0_6678c9c225ecac5d222510daee344da2.jpg
АҞӘА, ԥхынгәы 12 – Sputnik, Бадри Есиава. Аволонтиорцәа Гагра араион аҿы аӡхыҵра зԥырхагахаз хә-ҭаацәарак ирыцхрааит.Аволонтиор Рада Харчлааԥҳа лажәақәа рыла, ацхырааразы еизеит 25-ҩык Аԥсны араионқәа рҟынтәи ауаа. Урҭ гәыԥ-гәыԥла рҽыршан, Лӡаа, Ԥсахара, Гагра агәы ицеит."Аиҳараҩык Ԥсахара аус руан, избанзар уа аԥхасҭа зауз ауаа рхыԥхьаӡара даара ирацәан, урҭ рахьтә аӡәырҩы тәанчаҩцәан. Аволонтиорцәа махәҿала аус руит - аҩнқәа еилдыргон, аӡы ҩныртон, алыкь дрыцқьон, ирԥссон, амахәқәа хырҵәон, икажьыз аҵла шьапқәа ықәыргон, ачеи аӡрыжәтәи ауаа ирзыршон", - лҳәеит Харчлааԥҳа.Лара лажәақәа рыла, аҭыԥантәи ауааԥсыра иџьаршьеит аваолотиорцәа цхыраара ишнеиз анырба, аха иреигәырӷьеит."Ауаа ргәы камыжькәа рынқәа реилыргара иаҿуп. Ироуз аԥхасҭа амҽхак ҭбаауп. Ҳаргьы иҳалшоз ала ҳрыцхрааит. Уажәшьҭа атехника хьанҭа неины агәамсам ықәыргароуп", - лҳәеит Харчлааԥҳа.Аволонтиор иахьатәи амш баша имҩамсит ҳәа лгәы иахәаны илҳәеит, избанзар ирылшоз ала ауаа ацхыраара рырҭеит. Иара убас лара илҳәеит Агуманитартә программақәа рцентр аԥхасҭа ахьыҟалаз араионқәа рахь ахәыҷқәа рыфатә, аҵаршәқәа, ахәшәқәа шынарышьҭыз.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Аволонтиорцәа Гагра араион аҿы аӡхыҵра зԥырхагахаз хә-ҭаацәарак ирыцхрааит
21:50 12.07.2023 (ирҿыцуп: 21:52 12.07.2023) Ԥхынгәы 8-9 руха Гагра араион аҿы иҟалаз аӡхыҵраан 1100 нхамҩа аӡы рыҵалеит.
АҞӘА, ԥхынгәы 12 – Sputnik, Бадри Есиава. Аволонтиорцәа Гагра араион аҿы аӡхыҵра зԥырхагахаз хә-ҭаацәарак ирыцхрааит.
Аволонтиор Рада Харчлааԥҳа лажәақәа рыла, ацхырааразы еизеит 25-ҩык Аԥсны араионқәа рҟынтәи ауаа. Урҭ гәыԥ-гәыԥла рҽыршан, Лӡаа, Ԥсахара, Гагра агәы ицеит.
"Аиҳараҩык Ԥсахара аус руан, избанзар уа аԥхасҭа зауз ауаа рхыԥхьаӡара даара ирацәан, урҭ рахьтә аӡәырҩы тәанчаҩцәан. Аволонтиорцәа махәҿала аус руит - аҩнқәа еилдыргон, аӡы ҩныртон, алыкь дрыцқьон, ирԥссон, амахәқәа хырҵәон, икажьыз аҵла шьапқәа ықәыргон, ачеи аӡрыжәтәи ауаа ирзыршон", - лҳәеит Харчлааԥҳа.
Лара лажәақәа рыла, аҭыԥантәи ауааԥсыра иџьаршьеит аваолотиорцәа цхыраара ишнеиз анырба, аха иреигәырӷьеит.
"Ауаа ргәы камыжькәа рынқәа реилыргара иаҿуп. Ироуз аԥхасҭа амҽхак ҭбаауп. Ҳаргьы иҳалшоз ала ҳрыцхрааит. Уажәшьҭа атехника хьанҭа неины агәамсам ықәыргароуп", - лҳәеит Харчлааԥҳа.
Аволонтиор иахьатәи амш баша имҩамсит ҳәа лгәы иахәаны илҳәеит, избанзар ирылшоз ала ауаа ацхыраара рырҭеит.
Иара убас лара илҳәеит Агуманитартә программақәа рцентр аԥхасҭа ахьыҟалаз араионқәа рахь ахәыҷқәа рыфатә, аҵаршәқәа, ахәшәқәа шынарышьҭыз.
