https://sputnik-abkhazia.info/20230808/tskhinval-akhaitra-aakhy-uastyla-aibashra-aynti-arkhivt-fotosakhaa-1047391186.html
Цхинвал ахақәиҭтәраз: Аахыҵ Уаԥстәыла аибашьра аҟынтәи архивтә фотосахьақәа
Цхинвал ахақәиҭтәраз: Аахыҵ Уаԥстәыла аибашьра аҟынтәи архивтә фотосахьақәа
Sputnik Аҧсны
Нанҳәа 8 2008 шықәсазы Қырҭтәыла бџьарла Аахыҵ Уаԥстәыла ампыҵахаларазы иақәлеит, аха уи агәҭакы анагӡара иаԥырхагахеит Урыстәылеи Аԥсни. 08.08.2023, Sputnik Аҧсны
2023-08-08T18:39+0300
2023-08-08T18:39+0300
2023-08-08T20:39+0300
афотосахьақәа
аахыҵ уаԥстәыла
https://cdnn1.img.sputnik-abkhazia.info/img/101540/66/1015406613_0:17:1937:1106_1920x0_80_0_0_bd6fded234ab1e120e1fc05c8cbf2a30.jpg
Нанҳәа 8 ауха Қырҭтәыла Атәылахьчара аминистрра Аштаб еизга иаҵанакуа абжьаҟазаратә операциақәа рыдҵаҟаҵаҩ Мамука Курашвили ателеилахәра "Рустави-2" аҟны аҳәамҭа ҟаиҵеит ақырҭуа ган аӡбамҭа шаднакылаз "аимак ахьыҟоу аҭыԥқәа рыҟны аконституциатә зинеиҿкаара ашьақәыргылараз".Ақырҭуа авиациа ашьыжь шаанӡа Аахыҵ Уаԥстәыла иалахысуа иалагеит. Қырҭтәыла аган, Цхинвал иҟоу урыстәылатәи абжьаҟазаҩцәа рыштаб ҵакыраҿы игылаз аргыларақәа ауха иахьрылахысуаз иахҟьаны еилаԥыххаан. Иблын Аахыҵ Уаԥстәыла Апарламент ахыбра, еилаԥыххаан аиҳабыратә хыбрақәа, иблын аиланхарҭақәеи егьырҭ ақалақь аргыларақәеи. Цхинвал аганахь идәықәлеит еишьҭагылаз ақырҭуа танкқәеи ашьаҟауааи. Ашьыбжьон ақырҭуа ар, аахыҵуаԥстәылатәи архәҭақәа аҿагылара шаадырԥшуазгьы, Цхинвал ахәҭаки аа-қыҭаки рнапахьы аагара рылшеит. Нанҳәа 7 амш аҩбатәи ахәҭазы, ақырҭуа қыҭақәа Никозии Ергнетии рҟынтәи Цхинвали уи акәша-мыкәшеи артиллериала иалахысуа иалагеит.Аԥсны ахада Сергеи Багаԥшь ахәаша ауха Ашәарҭадаратә хеилак аилатәара мҩаԥигеит. Аԥсны аӡбра аднакылеит Аахыҵ Уаԥстәыла ацхыраара аҭаразы зықьҩык рҟынӡа ауаа рдәықәҵараз. Аахыҵ Уаԥстәыла иҟаз Урыстәыла атәылауаа рыԥсҭазаарақәа ашәарҭара иахьҭагылаз инамаданы, ахыхьчара азин амазаара инақәыршәаны нанҳәа 8 амш аҩбатәи ахәҭазы, Урыстәыла Аахыҵ Уаԥстәылаҟа амчрацҵақәа нанашьҭит уа игылаз абжьаҟазаҩцәеи аҭынч уааԥсыреи рыхьчараз. Нанҳәа 9 аҽны аимак аҭыԥахь иалагалан 58-тәи ар рырҟәшақәеи аҳауа-десанттә ар рырхәҭақәеи. Урыстәылатәи ар аибашьра рҽаладырхәит Зартәи ахырхарҭаҿ, аҩадантә Цхинвалҟа инеиуаз амҩа аҭарцәразы. Урыстәыла Арра-мшынтә флот аӷбақәа Аԥсны аҵакыраԥшаҳәаҿы аҷаԥшьара иалагеит. Ақырҭуа ган анота азынашьҭын. Аԥсны Кәыдрытәи аиҩхааҿы арратә операциа иалагеит. Нанҳәа 12 рзы Урыстәыла ахада Дмитри Медведев Қырҭтәыла аҭынчра мчыла азаагаразы аоперациа шхыркәшоу рылеиҳәеит. Урыстәылеи Франциеи аимак аҭышәныртәалараз ф-принципк еицрықәшаҳаҭхеит (Медведеви — Саркозии рыплан).
аахыҵ уаԥстәыла
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
фото, афотосахьақәа, аахыҵ уаԥстәыла
фото, афотосахьақәа, аахыҵ уаԥстәыла
Цхинвал ахақәиҭтәраз: Аахыҵ Уаԥстәыла аибашьра аҟынтәи архивтә фотосахьақәа
18:39 08.08.2023 (ирҿыцуп: 20:39 08.08.2023) Нанҳәа 8 2008 шықәсазы Қырҭтәыла бџьарла Аахыҵ Уаԥстәыла ампыҵахаларазы иақәлеит, аха уи агәҭакы анагӡара иаԥырхагахеит Урыстәылеи Аԥсни.
Нанҳәа 8 ауха Қырҭтәыла Атәылахьчара аминистрра Аштаб еизга иаҵанакуа абжьаҟазаратә операциақәа рыдҵаҟаҵаҩ Мамука Курашвили ателеилахәра "Рустави-2" аҟны аҳәамҭа ҟаиҵеит ақырҭуа ган аӡбамҭа шаднакылаз "аимак ахьыҟоу аҭыԥқәа рыҟны аконституциатә зинеиҿкаара ашьақәыргылараз".
Ақырҭуа авиациа ашьыжь шаанӡа Аахыҵ Уаԥстәыла иалахысуа иалагеит. Қырҭтәыла аган, Цхинвал иҟоу урыстәылатәи абжьаҟазаҩцәа рыштаб ҵакыраҿы игылаз аргыларақәа ауха иахьрылахысуаз иахҟьаны еилаԥыххаан. Иблын Аахыҵ Уаԥстәыла Апарламент ахыбра, еилаԥыххаан аиҳабыратә хыбрақәа, иблын аиланхарҭақәеи егьырҭ ақалақь аргыларақәеи.
Цхинвал аганахь идәықәлеит еишьҭагылаз ақырҭуа танкқәеи ашьаҟауааи.
Ашьыбжьон ақырҭуа ар, аахыҵуаԥстәылатәи архәҭақәа аҿагылара шаадырԥшуазгьы, Цхинвал ахәҭаки аа-қыҭаки рнапахьы аагара рылшеит.
Нанҳәа 7 амш аҩбатәи ахәҭазы, ақырҭуа қыҭақәа Никозии Ергнетии рҟынтәи Цхинвали уи акәша-мыкәшеи артиллериала иалахысуа иалагеит.
Аԥсны ахада Сергеи Багаԥшь ахәаша ауха Ашәарҭадаратә хеилак аилатәара мҩаԥигеит. Аԥсны аӡбра аднакылеит Аахыҵ Уаԥстәыла ацхыраара аҭаразы зықьҩык рҟынӡа ауаа рдәықәҵараз. Аахыҵ Уаԥстәыла иҟаз Урыстәыла атәылауаа рыԥсҭазаарақәа ашәарҭара иахьҭагылаз инамаданы, ахыхьчара азин амазаара инақәыршәаны нанҳәа 8 амш аҩбатәи ахәҭазы, Урыстәыла Аахыҵ Уаԥстәылаҟа амчрацҵақәа нанашьҭит уа игылаз абжьаҟазаҩцәеи аҭынч уааԥсыреи рыхьчараз.
Нанҳәа 9 аҽны аимак аҭыԥахь иалагалан 58-тәи ар рырҟәшақәеи аҳауа-десанттә ар рырхәҭақәеи. Урыстәылатәи ар аибашьра рҽаладырхәит Зартәи ахырхарҭаҿ, аҩадантә Цхинвалҟа инеиуаз амҩа аҭарцәразы. Урыстәыла Арра-мшынтә флот аӷбақәа Аԥсны аҵакыраԥшаҳәаҿы аҷаԥшьара иалагеит. Ақырҭуа ган анота азынашьҭын. Аԥсны Кәыдрытәи аиҩхааҿы арратә операциа иалагеит.
Нанҳәа 12 рзы Урыстәыла ахада Дмитри Медведев Қырҭтәыла аҭынчра мчыла азаагаразы аоперациа шхыркәшоу рылеиҳәеит. Урыстәылеи Франциеи аимак аҭышәныртәалараз ф-принципк еицрықәшаҳаҭхеит (Медведеви — Саркозии рыплан).
Нанҳәа 8 ауха қырҭтәылатәи ақыҭақәа рҟынтәи Цхинвал иалахысуа иалагеит.
Лассы-ласс ақырҭқәа имҩаԥыргоз ажәыларақәа ирыхҟьаны шәкыла аҩнқәа ааха ӷәӷәа рыҭан.
Рыԥсадгьыл ахьчара игылеит Аахыҵ Уаԥстәыла аруааи аҭынч уааԥсыреи.
Ақырҭуа архәҭақәа ирылшеит Цхинвал алалара, аха аҿагылара ӷәӷәа роуит.
Қырҭтәылатәи архәҭақәа рхымца изацәымцеит аҭынч уааԥсырагьы.
Аахыҵ Уаԥстәылатәи архәҭақәа аӷа ишиҿагылазгьы иара илшеит Цхинвал ахәҭаки аа-қыҭаки инапахьы аагара.
Цхинвалтәи аҩнқәа руак иаласоу иԥымжәаз ахеиҵаҵа.
Қырҭтәыла изныкымкәан аҽазнашәахьеит Аахыҵ Уаԥстәыла ампыҵахалараз ақәылара.
Аҭынч уааԥсыра Цхинвал иаларгеит, аха зегьы ахьымӡеит аҳҭнықалақь ааныжьра.
Қырҭтәыла иааҟәымҵӡакәан Аахыҵ Уаԥстәыла иахьалахысуаз Цхинвал ааха ӷәӷәа аиуит.
Шәҩыла ауааԥсыра хыҵакырҭада иаанхеит.
Цхинвал шьаҭанкыла ирхәашан, ахатәы ҩнқәа 500 еиларбган, 3000 хыбра ааха рыҭан, акыр асоциалтә ргыларақәа блын.
Зқьҩыла ауаа ахҵәара рықәшәеит.
Аҭынч уааԥсыра аӷәраҵақәа рыҟны ахырҭҟәацгақәа рҽацәырхьчон.
Цхинвал ахақәиҭтәраз ишьаарҵәыраз аибашьра ӷәӷәа цон.
Аибашьра ашьҭахь Цхинвал еиҿкаан адәаҿтәи агоспиталь.
Аахыҵ Уаԥстәылатәи аибашьра ӷьара зқәым шәахсҭан, ареспублика атоурых аҟны иаанхоит.
Уи аамҭазтәи Қырҭтәыла ахада Михаил Саакашвили ихымҩаԥгашьаз, аӡәырҩы афашисттә Германиа Гитлер зхадараҿы дыҟаз еидыркылон.
