https://sputnik-abkhazia.info/20230930/aa-aiaaira-amsh-iazkny-ateatrt-gylara-maysit--1048393826.html

Абиԥарақәа реимадареи аӷа иқәцареи: Аиааира Амш иазкыз атеатртә қәгылара аҵакы

Абиԥарақәа реимадареи аӷа иқәцареи: Аиааира Амш иазкыз атеатртә қәгылара аҵакы

Sputnik Аҧсны

1992-1993 шш. рызтәи Аԥсны жәлар Рџьынџьтәылатә еибашьра иазку атеатртә анимациатә қәгылара мҩаԥысит Аҟәа астадион "Динамо" аҿы асабша цәыббра 30 рзы. 30.09.2023, Sputnik Аҧсны

2023-09-30T22:00+0300

2023-09-30T22:00+0300

2023-09-30T22:38+0300

аԥсны

ажәабжьқәа

аԥсны

https://cdnn1.img.sputnik-abkhazia.info/img/07e7/09/1e/1048395213_0:85:1620:996_1920x0_80_0_0_c665e9e20fb1ef79bdc8bb9f495c91ac.jpg

Бадраҟ Аҩӡба, SputnikАбдуи амаҭеи реицәажәара - абиԥарақәа реицәажәара асимволАиааира Амш иазкыз аусмҩаԥгатәқәа хыркәшан астадион "Динамо" аҿы атеатртә анимациатә қәгылара ала. Уи иахәаԥшырц ауаа рацәаҩны еизеит.Ашьапылампылтә дәаҿы асцена шьақәдыргылеит. Атеатртә қәгылара шьаҭас иаиуит абдуи амаҭеи реицәажәара. Аҷкәын иабду диазҵааит изакәызеи аибашьра ҳәа, аха абду иҭахӡамызт зегь шыҟаҵәҟьоу аиаҳәара, макьана дхәыҷцәоуп ҳәа иԥхьаӡаны.Ахәыҷы уеизгьы диҟәаҵуамызт. "Сабгьы дхәыҷын аибашьраан. Иара еснагь иҳәоит, ҳара иаҳдыруазароуп аиааира шҳауз ҳәа Саргьы исҭахәуп издыруазарц! Даду, уара сара исзеиҭаҳәала, сара уи схаҿы иаазгалап!" - ҳәа.Усҟан абду далагеит аиҭаҳәара. Иара иҳәеит Амшын еиқәа аԥшаҳәаҿы, ашьха ҳаракқәа ршьапаҿы, амра ашәахәақәа зхьыршоу адгьыл аҿы Аԥсны ҳәа тәыла ссирк шышьҭоу. Акыр ашәышықәсақәа аӷацәа иртәыртәырц иашьҭан, аха аӡәгьы илшомызт уи анапы аагара, избанзар уи иқәынхоз ажәлар ахақәиҭрада ԥсҭазаара рымамызт. Урҭ Нарҭаа дуқәа ирхылҵшьҭроуп - игәымшәақәоуп, ифырхацәоуп, рыԥсадгьыл азы рхы иеигӡом. Убас Аԥсынтәыла ажәлар нхон, аԥсҭазаара иеигәырӷьо, егьырҭ ажәларқәеи дареи пату еиқәҵо. Амра еснагь ари адгьыл иахалашон, аӡәгьы игәы иаанагомызт џьара рыцҳарак рзыҟалоит ҳәа рыгәгьы иаанагомызт. Аха ари атәыла ԥшӡа агәылара инхозаарын ацәгьа згәы иҭакыз шьоукы. Абри аниҳәоз абду, асцена алҩа еиқәара ықәчуа иалагеит. Ацәгьа ари атәыла иахаԥарц иаҿын.Аӷацәа рқәылараАбырг иажәабжь иацҵо иазгәеиҭеит, аӡәгьы даназԥшымыз, аԥхынтәи амшқәа руак азы Аԥсынтәыла аӷа дажәлеит ҳәа."Хәыҷи-дуи амшын аҟны рҽыркәабон, ихәмаруан, инеиааиуан, акрырфон, аус руан рыдгьыл амца иаалырҟьаны ианакы. Уи акгьы аанмыжькәа, аӡәгьы дымшаҭакәа зегьы ықәнахит", - иҳәеит иара.Дара аибашьра акыр рҽазыҟарҵон, ҳгәы ҳҽанӡамқәа иагьҳақәлеит. Акыр аамҭа аӷацәа ҳарҭахушәа, иҳашьцәоушәа ҳаԥсҭазаара иахәҭакын, аха дара ргәы иҭаз аҽакын - ҳақәхны, ҳадгьыл дара иртәыртәырц."Рыбџьармаҭәа иҟаԥшьы-еиқәаҵәазар ҟаларын, исхәмаруа ахәмарраҿы еиԥш! Аҳәа кны... мап... ҩ-аҳәак кны!" - иҳәеит иаҳауа џьашьо ахәыҷы.Уи ашьҭахь аекранқәа рҟны идырбан аӷацәа еилаԥырххааз ақалақь.Аԥсынтәыла иамаз уаанӡатәи аԥсҭазаара ацәыӡит. Аха ауаа ргәы камыжькәа аӷа иҿагылеит. Агәымшәара згымыз ахәыҷқәа абџьар аанкылан рыҩны, рҭаацәа, рџьынџь ахьчара иҩагылеит. Ус акәын дара ишыҟарҵоз ашәарҭара инҭагылоз.Аԥсынтәыла аӷа данақәла, зых иақәиҭаз адгьыл адунеи иалаԥсаз аԥацәа гьежьны иааны рыҩнқәа рыхьчеит. Аӷа иҿагылеит, дагьыԥхарцеит. Амаҭа иабду диазҵааит, илшома аӷа даҽазныкгьы зых иақәиҭу адгьыл ақәлара. Абырг имаҭа ииҭаз азҵаара аҭак абас иҟаиҵеит: аӷацәа рҽынҭынчны итәам, аха аҵабырги аиашареи есымша аиааира ргоит ҳәа.

2023

Ажәабжьқәа

ab_AB

ажәабжьқәа, аԥсны