https://sputnik-abkhazia.info/20230930/avavae-sashtsa-eibashra-imgylar-a-sgyron-1048331089.html
Ҷавҷаваӡе: сашьцәа еибашьра имгылар ҳәа сгәырҩон
Ҷавҷаваӡе: сашьцәа еибашьра имгылар ҳәа сгәырҩон
Агәымшәараз амедал занашьоу Замира Ҷавҷаваӡе лмилаҭ шылыԥсахыз, лҭаацәеи лареи аибашьра ишеиҟәнагаз, лашьцәа абџьар иаҵамгылар ҳәа дышшәоз, Аҟәа ахақәиҭтәраз... 30.09.2023, Sputnik Аҧсны
2023-09-30T10:50+0300
2023-09-30T10:50+0300
2023-09-30T10:50+0300
арадио
аԥсны
аподкаст
/html/head/meta[@name='og:title']/@content
/html/head/meta[@name='og:description']/@content
https://cdnn1.img.sputnik-abkhazia.info/img/07e7/09/1d/1048330925_0:0:1280:721_1920x0_80_0_0_3aa20d49b7116933e0b0d74617f278af.jpg
Дцон аԥҳәызба еибашьра: Замира Чавчаваӡе леибашьратә мҩа иазкны
Дцон аԥҳәызба еибашьра: Замира Чавчаваӡе леибашьратә мҩа иазкны
Сыжәла ақырҭоуп, аха милаҭла саԥсыуоп ҳәа ихацлыркит Замира аиҿцәажәара. Лҭаацәа зегьы милаҭла ишақырҭцәазгьы, ларазаҵәык ашкол даналга "аԥсуа" ҳәа ашәҟәы лҽанылҵеит. Аилаларақәа саргьы срылан, иубарҭан ак шыҟалоз, издыруан аибашьра шыҟалоз ҳәа азгәалҭеит лара.Замира аибашьра ианалага Аҟәа далахеит, анаҩс аибашьра зегьы илыцыз лҩыза ӡӷаб Анжела Оҭырԥҳаи лареи алҵра рылшеит."Гагра ргаанӡа Анжела лҭаацәа рҿы ҳаҟан. Аҷкәынцәа зегьы еибашьра ицеит, аҩны ацхыраара рҭахын. Аџьықәреи ҭагалатәын, ажь ҿыхтәын. Насоуп Гәдоуҭа агоспиталь аҿы ацхыраара рыҭара ҳаналага. Ашәҟәқәа рыла издыруан сашьцәа рыԥсы шҭаз, аха сшәон, еибашьра имгылар ҳәа, убри сгәырҩон. Аха дара иаразнак иалагылеит. "Стрелец" агәыԥ иалан рыҩџьагьы", - ҳәа еиҭалҳәоит Замира.Март азы ҳаҷкәынцәа анааргоз даара аџьабаа ҳбеит ҳәа лгәалалыршәоит аветеран. "Игәаҟуан дара хымш иахьышьҭаз, зыԥсы ҭаны иржызгьы дыҟан, абарҭ зегьы рыцқьаны рҭаацәа ираҳҭон. Исзычҳаӡом, абыржәгьы сыла ихгылоуп, изакәытә ҷкәынцәааз урҭ…", - ҳәа еиҭалҳәеит Замира.Замиреи Анжелеи афронт ахь ицеит амедиаҳәшьцәа аҭахуп ҳәа алаҳәара анраҳа."Ҳабналан ҳцеит ауаԥсаа ргәыԥ ахь Анжела, Аида, сара. Цугуровка ҳхаргалеит. Ахаан иҳамбацт аҭыԥ. Алашара ыҟам, акгьы ҳбом. Ауха абра шәышьҭал рҳәан адгьыл аҿы ҳиеит, аха ицәада. Ара ҳаԥсыргьы сҭаацәагьы сырбом ҳәа агәырҩара салагеит. Иаашон еиԥш Анжела лашьа абаталион ду аҿы амедиаҳәшьа дшыҟамызгьы ҳрымхны ҳаигеит, арҭ саҳәшьцәа роуп, шәахьааз ишшәарҭоу жәдыруама ҳәа. Адырҩаҽны ахәшәтәырҭахь ҳааргеит. Ара ҳахьааиз ауха ҳазцыз аҷкәынцәа ааргон ршьапқәа хыжәжәаны", - ҳәа еиҭалҳәеит лара.Сентиабртәи ажәылара атәы еиҭаҳәо Замира илҳәеит, уи шшьаарҵәырахаз, усҟан шакәу ларгьы ахәра ӷәӷәа анлоуз.Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, аподкаст, аудио
Ҷавҷаваӡе: сашьцәа еибашьра имгылар ҳәа сгәырҩон
Агәымшәараз амедал занашьоу Замира Ҷавҷаваӡе лмилаҭ шылыԥсахыз, лҭаацәеи лареи аибашьра ишеиҟәнагаз, лашьцәа абџьар иаҵамгылар ҳәа дышшәоз, Аҟәа ахақәиҭтәраз аҵыхәтәантәи ажәылараан ӷәӷәала дшырхәыз атәы арадио Sputnik аефир аҿы еиҭалҳәеит.
Сыжәла ақырҭоуп, аха милаҭла саԥсыуоп ҳәа ихацлыркит Замира аиҿцәажәара. Лҭаацәа зегьы милаҭла ишақырҭцәазгьы, ларазаҵәык ашкол даналга "аԥсуа" ҳәа ашәҟәы лҽанылҵеит. Аилаларақәа саргьы срылан, иубарҭан ак шыҟалоз, издыруан аибашьра шыҟалоз ҳәа азгәалҭеит лара.
Замира аибашьра ианалага Аҟәа далахеит, анаҩс аибашьра зегьы илыцыз лҩыза ӡӷаб Анжела Оҭырԥҳаи лареи алҵра рылшеит.
"Гагра ргаанӡа Анжела лҭаацәа рҿы ҳаҟан. Аҷкәынцәа зегьы еибашьра ицеит, аҩны ацхыраара рҭахын. Аџьықәреи ҭагалатәын, ажь ҿыхтәын. Насоуп Гәдоуҭа агоспиталь аҿы ацхыраара рыҭара ҳаналага. Ашәҟәқәа рыла издыруан сашьцәа рыԥсы шҭаз, аха сшәон, еибашьра имгылар ҳәа, убри сгәырҩон. Аха дара иаразнак иалагылеит. "Стрелец" агәыԥ иалан рыҩџьагьы", - ҳәа еиҭалҳәоит Замира.
Март азы ҳаҷкәынцәа анааргоз даара аџьабаа ҳбеит ҳәа лгәалалыршәоит аветеран.
"Игәаҟуан дара хымш иахьышьҭаз, зыԥсы ҭаны иржызгьы дыҟан, абарҭ зегьы рыцқьаны рҭаацәа ираҳҭон. Исзычҳаӡом, абыржәгьы сыла ихгылоуп, изакәытә ҷкәынцәааз урҭ…", - ҳәа еиҭалҳәеит Замира.
Замиреи Анжелеи афронт ахь ицеит амедиаҳәшьцәа аҭахуп ҳәа алаҳәара анраҳа.
"Ҳабналан ҳцеит ауаԥсаа ргәыԥ ахь Анжела, Аида, сара. Цугуровка ҳхаргалеит. Ахаан иҳамбацт аҭыԥ. Алашара ыҟам, акгьы ҳбом. Ауха абра шәышьҭал рҳәан адгьыл аҿы ҳиеит, аха ицәада. Ара ҳаԥсыргьы сҭаацәагьы сырбом ҳәа агәырҩара салагеит. Иаашон еиԥш Анжела лашьа абаталион ду аҿы амедиаҳәшьа дшыҟамызгьы ҳрымхны ҳаигеит, арҭ саҳәшьцәа роуп, шәахьааз ишшәарҭоу жәдыруама ҳәа. Адырҩаҽны ахәшәтәырҭахь ҳааргеит. Ара ҳахьааиз ауха ҳазцыз аҷкәынцәа ааргон ршьапқәа хыжәжәаны", - ҳәа еиҭалҳәеит лара.
Сентиабртәи ажәылара атәы еиҭаҳәо Замира илҳәеит, уи шшьаарҵәырахаз, усҟан шакәу ларгьы ахәра ӷәӷәа анлоуз.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.
