https://sputnik-abkhazia.info/20231017/aseria-asny-asakhaykhytsa-iatu-akhati-ashy-yrgoup-1048651130.html

Асериа "Аԥсны асахьаҭыхыҩцәа" иатәу ахԥатәи ашәҟәы ӡыргоуп

Асериа "Аԥсны асахьаҭыхыҩцәа" иатәу ахԥатәи ашәҟәы ӡыргоуп

Sputnik Аҧсны

Аҟәа Ашәҟәы автор – Аԥсны акультура зҽаԥсазтәыз аусзуҩ, Амилаҭтә сахьатә галереиа аусзуҩ Аза Аргәынԥҳа. 17.10.2023, Sputnik Аҧсны

2023-10-17T16:00+0300

2023-10-17T16:00+0300

2023-10-17T16:27+0300

аԥсны

ажәабжьқәа

акультура

https://cdnn1.img.sputnik-abkhazia.info/img/07e7/0a/11/1048648195_0:85:1620:996_1920x0_80_0_0_99e9fded01c63b544e8c09c498b0d5e3.jpg

АҞӘА, жьҭаара 17 - Sputnik, Бадраҟ Аҩӡба. Асериа "Аԥсны асахьаҭыхыҩцәа" иатәу ахԥатәи ашәҟәы ӡыргоуп Аҟәа, Асахьаҭыхыҩцәа реидгыла Ацәыргақәҵатә зал хадаҿы жьҭаара 17 рзы. Асахьаҭыхыҩцәа реидгыла Ацәыргақәҵатә зал хада аиҳабы Ельвира Арсалиаԥҳа ашәҟәы ӡырго, иазгәалҭеит Аԥсны аҿыханҵатә ҟазара аҭҵаараз аматериал шмаҷу, убри азы арҭ ашәҟәқәа рыхԥагьы Аза Аргәынԥҳа лџьабаа ду ишахылҿиааз. "Ҳсахьаҭыхыҩцәа рыхьӡала иҭабуп ҳәа шәаҳҳәоит, Аза. Ҳгәыӷуеит шәылшара аҽа ҭыжьымҭакгьы иазхап ҳәа", - лҳәеит Арсалиаԥҳа. Амилаҭтә сахьатә галереиа аиҳабы Сурам Сақаниа асериа "Аԥсны асахьаҭыхыҩцәа" иатәу ашәҟәқәа зегьы еизакны иҭыжьзар бзиан ҳәа. Ашәҟәы автор Аза Аргәынԥҳа иазгәалҭеит ашәҟәы ишагәылоу иахьа Аԥсны инымхо асахьаҭыхыҩцәагьы рбиографиақәеи ирызку аочеркқәеи, иҭабуп ҳәа ралҳәеит апроект анагӡара иалахәыз зегьы. Асериа "Аԥсны асахьаҭыхыҩцәа" иатәу ахԥатәи ашәҟәы атираж 400 екземплиар ыҟоуп, 142 даҟьа амоуп. Аҭыжьразы афинанстә цхыраара ҟанаҵеит аилахәыра "Аҟәафон".

https://sputnik-abkhazia.info/20150927/1015790896.html

2023

Ажәабжьқәа

ab_AB

ажәабжьқәа, акультура