https://sputnik-abkhazia.info/20231020/kyniaa-assha-zzymdyrua-dyrarazy-irkua-rymazaroup-1048672160.html
Кәыҵниаԥҳа аԥсшәа ззымдыруа дырҵаразы: иркуа рымазароуп
Кәыҵниаԥҳа аԥсшәа ззымдыруа дырҵаразы: иркуа рымазароуп
Абызшәатә политиказы аҳәынҭқарратә усбарҭа аиҳабы Гәында Кәыҵниаԥҳа арадио Sputnik аефир аҿы еиҭалҳәеит хәыҷи-дуи аԥсшәа дырҵаразы ицо аусура атәы, аметодикеи... 20.10.2023, Sputnik Аҧсны
2023-10-20T11:30+0300
2023-10-20T11:30+0300
2023-10-20T11:30+0300
арадио
аԥсны
аподкаст
/html/head/meta[@name='og:title']/@content
/html/head/meta[@name='og:description']/@content
https://cdnn1.img.sputnik-abkhazia.info/img/07e7/0a/13/1048671996_0:0:1281:720_1920x0_80_0_0_4e4cb28aecf1667b24721d3d1972b6e7.jpg
Кәыҵниаԥҳа аԥсшәа ззымдыруа дырҵаразы: иркуа рымазароуп
Кәыҵниаԥҳа аԥсшәа ззымдыруа дырҵаразы: иркуа рымазароуп
Абызшәатә политиказы аҳәынҭқарратә усбарҭа аиҳабы Гәында Кәыҵниаԥҳа арадио Sputnik аефир аҿы еиҭалҳәеит хәыҷи-дуи аԥсшәа дырҵаразы ицо аусура атәы, аметодикеи аусмҩаԥгареи реиқәыршәара иацу ауадаҩрақәа ртәы, ҳаамҭо иақәшәо ахархәагақәа ахәыҷқәа рзы аԥсышәала ицәажәартә еиԥш аԥшьгамҭақәа ртәы.Гәында Кәыҵниаԥҳа дазаааҭгылеит сынтәа аилак иазоужьыз 5 миллион мааҭ рыла иҟаҵаз аусура атәы."Аметодика ҿыцла иаартын акурсқәа абызшәа ззымдыруа дырҵаразы. Иара еиқәыршәан иреиӷьу аметодистцәа адԥхьаланы. Ирццаку курсқәоуп, ҩ-курск иаразнак аусура иалагеит. Аԥсуа тәылауаҩра зоурц зҭаху абызшәа ахьырҵаша аҭыԥ ыҟамызт. Уи еиҿкаауп. Ҽааны аԥсуа бызшәа дырҵара ацентрқәа аартхоит Аԥсны ахьынӡанаӡааӡо. Иҟалоит акурсқәа ахәыҷқәеи адуцәеи рзы. Ауаа рзы ихәыда-ԥсадахоит", – ҳәа еиҭалҳәеит Кәыҵниаԥҳа.Иара убасгьы аилак аҿы ицоит аусура аусмҩаԥгара аԥсшәахь аиагаразы."Атерминологцәа адыԥхьаланы анапхгага аиқәыршәара иаҿуп. Иара убас абланкқәа, арзаҳалқәа, аиқәшаҳҭрақәа роума, аилыркаагакәа роума, ҩ-бызшәак рыла иҟалоит, ԥсышәалеи урысшәалеи еиҵаргыланы. Аелектронтә вариант ҟаҳҵоит, анаҩс аусбарҭақәа рҿы ауаҩы данааилак, иаҳҳәап арзаҳал аҩразы, иааҭыган ирҭалоит", - ҳәа азгәалҭеит лара.Гәында Кәыҵниаԥҳа далацәажәеит аԥыза-министри лареи реиԥылараҿы излацәажәаз азҵаарақәа ртәы. Ҿыц иаагаз ашәыҟәқәа ахәыҷқәа рнапаҟны ишыҟало атәы еиҭалҳәеит. Иара убасгьы илҳәеит аԥыза министр ирезервтә фонд аҟынтә ишоужьу миллионки 500 нызықь мааҭ аԥара, ахәыҷқәа рзы аԥсышәала ицәажәо апланшетқәа Китаи раахәаразы.Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, аподкаст, аудио
Абызшәатә политиказы аҳәынҭқарратә усбарҭа аиҳабы Гәында Кәыҵниаԥҳа арадио Sputnik аефир аҿы еиҭалҳәеит хәыҷи-дуи аԥсшәа дырҵаразы ицо аусура атәы, аметодикеи аусмҩаԥгареи реиқәыршәара иацу ауадаҩрақәа ртәы, ҳаамҭо иақәшәо ахархәагақәа ахәыҷқәа рзы аԥсышәала ицәажәартә еиԥш аԥшьгамҭақәа ртәы.
Гәында Кәыҵниаԥҳа дазаааҭгылеит сынтәа аилак иазоужьыз 5 миллион мааҭ рыла иҟаҵаз аусура атәы.
"Аметодика ҿыцла иаартын акурсқәа абызшәа ззымдыруа дырҵаразы. Иара еиқәыршәан иреиӷьу аметодистцәа адԥхьаланы. Ирццаку курсқәоуп, ҩ-курск иаразнак аусура иалагеит. Аԥсуа тәылауаҩра зоурц зҭаху абызшәа ахьырҵаша аҭыԥ ыҟамызт. Уи еиҿкаауп. Ҽааны аԥсуа бызшәа дырҵара ацентрқәа аартхоит Аԥсны ахьынӡанаӡааӡо. Иҟалоит акурсқәа ахәыҷқәеи адуцәеи рзы. Ауаа рзы ихәыда-ԥсадахоит", – ҳәа еиҭалҳәеит Кәыҵниаԥҳа.
Иара убасгьы аилак аҿы ицоит аусура аусмҩаԥгара аԥсшәахь аиагаразы.
"Атерминологцәа адыԥхьаланы анапхгага аиқәыршәара иаҿуп. Иара убас абланкқәа, арзаҳалқәа, аиқәшаҳҭрақәа роума, аилыркаагакәа роума, ҩ-бызшәак рыла иҟалоит, ԥсышәалеи урысшәалеи еиҵаргыланы. Аелектронтә вариант ҟаҳҵоит, анаҩс аусбарҭақәа рҿы ауаҩы данааилак, иаҳҳәап арзаҳал аҩразы, иааҭыган ирҭалоит", - ҳәа азгәалҭеит лара.
Гәында Кәыҵниаԥҳа далацәажәеит аԥыза-министри лареи реиԥылараҿы излацәажәаз азҵаарақәа ртәы. Ҿыц иаагаз ашәыҟәқәа ахәыҷқәа рнапаҟны ишыҟало атәы еиҭалҳәеит. Иара убасгьы илҳәеит аԥыза министр ирезервтә фонд аҟынтә ишоужьу миллионки 500 нызықь мааҭ аԥара, ахәыҷқәа рзы аԥсышәала ицәажәо апланшетқәа Китаи раахәаразы.
Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.
