https://sputnik-abkhazia.info/20231124/bzhania-asny-ashytsa-reidgyla-alakhylatsa-aikaara-aiubilei-rydinyaleit-1049207180.html
Бжьаниа Аԥсны Ашәҟәыҩҩцәа реидгыла алахәылацәа аиҿкаара аиубилеи рыдиныҳәалеит
Бжьаниа Аԥсны Ашәҟәыҩҩцәа реидгыла алахәылацәа аиҿкаара аиубилеи рыдиныҳәалеит
Sputnik Аҧсны
Аԥсны Ашәҟәыҩҩцәа реидгыла аԥҵан 1933 шықәсазы. Аԥхьа иара иахьӡын Аԥсны Асовет шәҟәыҩҩцәа реидгыла ҳәа. 24.11.2023, Sputnik Аҧсны
2023-11-24T17:45+0300
2023-11-24T17:45+0300
2023-11-24T17:45+0300
аԥсны
ажәабжьқәа
https://cdnn1.img.sputnik-abkhazia.info/img/07e7/02/07/1044011257_0:0:2551:1435_1920x0_80_0_0_2da405bba77f5070ba2419fe25de79e6.jpg
АҞӘА, абҵара 24 - Sputnik. Аԥсны ахада Аслан Бжьаниа Аԥсны Ашәҟәыҩҩцәа реидгыла алахәылацәа риубилеи рыдиныҳәалеит ҳәа аанацҳауеит ахада ипресс-маҵзура. "Аԥсны Ашәҟәыҩҩцәа реидгыла, 1933 шықәсазы иаԥҵаз, ареспубликаҿы реиҳа ақәра змоу рҿиаратә еиҿкаароуп. Иара активла ирылахәуп атәыла акультуратә, аполитикатә ԥсҭазаара, аҿар реиҵааӡараҿ алшамҭақәа дууп", - ҳәа аҳәоит адныҳәалараҟны.Ахада иазгәеиҭеит алитература алахьынҵеи аԥсуа жәлари аԥсуа ҳәынҭқарреи, ахатәы бызшәеи, амилаҭтә культуреи, рлахьынҵеи узеиҟәымыҭхо ишеидҳәалоу, урҭ руак ыӡыр, егьырҭгьы шыӡуа. Алитература раԥхьатәи ашьаҿақәа анеихнагоз ашәҟәыҩҩцәа маҷын, имаҷын арҿиаратә интеллигенциа, аха агәыларатә ҳәынҭқаррақәа рԥышәа рхы иархәо рҽазыршәеит рхатәы еиҿкаара аԥҵара. Ашәҟәыҩҩцәа иаку реиҿкаара еиднакылон амилаҭ литература азҵаарақәа зыӡбашаз арҿиарауаа, ақәыԥшцәа ацхыраара рнаҭон. "Сталин ихаантәи арепрессиақәа рыхганы, зыԥсы ҭаны еиқәхаз аԥсуа шәҟәыҩҩцәеи абџьар кны Аџьынџьтәылатә еибашьра Ду иалахәыз ашәҟәыҩҩцәеи ргәы камыжькәа, уаҵәтәи амш иақәгәыӷуа амилаҭ литература аҿымрцәаараз ирылшо зегь ҟарҵон. Иуҳәар ҟалоит Аԥсны 1920–1950-шықәсқәа рызтәи алитературатә процесс мариамызт ҳәа. Хыԥхьаӡарала имаҷыз аԥсуа жәлар аҟазаареи аҟамзаареи рҳәааҿы ихықәгылан. Абри аҭагылазаашьа уадаҩ аан алитературагьы, ажәлар зегь реиԥш, ахы еиқәнархар акәын", - ҳәа азгәеиҭоит Бжьаниа. Атәыла ахада агәыӷра ааирԥшит еиҵагылаз апоетцәеи ашәҟәыҩҩцәеи ирылшап ҳәа амилаҭтә литературатә процесс аизырҳара.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Бжьаниа Аԥсны Ашәҟәыҩҩцәа реидгыла алахәылацәа аиҿкаара аиубилеи рыдиныҳәалеит
Аԥсны Ашәҟәыҩҩцәа реидгыла аԥҵан 1933 шықәсазы. Аԥхьа иара иахьӡын Аԥсны Асовет шәҟәыҩҩцәа реидгыла ҳәа.
АҞӘА, абҵара 24 - Sputnik. Аԥсны ахада Аслан Бжьаниа Аԥсны Ашәҟәыҩҩцәа реидгыла алахәылацәа риубилеи рыдиныҳәалеит ҳәа аанацҳауеит ахада ипресс-маҵзура.
"Аԥсны Ашәҟәыҩҩцәа реидгыла, 1933 шықәсазы иаԥҵаз, ареспубликаҿы реиҳа ақәра змоу рҿиаратә еиҿкаароуп. Иара активла ирылахәуп атәыла акультуратә, аполитикатә ԥсҭазаара, аҿар реиҵааӡараҿ алшамҭақәа дууп", - ҳәа аҳәоит адныҳәалараҟны.
Ахада иазгәеиҭеит алитература алахьынҵеи аԥсуа жәлари аԥсуа ҳәынҭқарреи, ахатәы бызшәеи, амилаҭтә культуреи, рлахьынҵеи узеиҟәымыҭхо ишеидҳәалоу, урҭ руак ыӡыр, егьырҭгьы шыӡуа.
"Иугәаламшәарц залшом Аԥсны раԥхьатәи ахада В. Г. Арӡынба иажәақәа: "Аԥсуа бызшәа, аԥсуа литература ҟамлар, урҭ аԥеиԥш рмоур – аԥсуа ҳәынҭқаррагьы ԥеиԥшдахоит", - ҳәа", - азгәаҭоуп адныҳәалараҿы.
Алитература раԥхьатәи ашьаҿақәа анеихнагоз ашәҟәыҩҩцәа маҷын, имаҷын арҿиаратә интеллигенциа, аха агәыларатә ҳәынҭқаррақәа рԥышәа рхы иархәо рҽазыршәеит рхатәы еиҿкаара аԥҵара. Ашәҟәыҩҩцәа иаку реиҿкаара еиднакылон амилаҭ литература азҵаарақәа зыӡбашаз арҿиарауаа, ақәыԥшцәа ацхыраара рнаҭон.
"Сталин ихаантәи арепрессиақәа рыхганы, зыԥсы ҭаны еиқәхаз аԥсуа шәҟәыҩҩцәеи абџьар кны Аџьынџьтәылатә еибашьра Ду иалахәыз ашәҟәыҩҩцәеи ргәы камыжькәа, уаҵәтәи амш иақәгәыӷуа амилаҭ литература аҿымрцәаараз ирылшо зегь ҟарҵон. Иуҳәар ҟалоит Аԥсны 1920–1950-шықәсқәа рызтәи алитературатә процесс мариамызт ҳәа. Хыԥхьаӡарала имаҷыз аԥсуа жәлар аҟазаареи аҟамзаареи рҳәааҿы ихықәгылан. Абри аҭагылазаашьа уадаҩ аан алитературагьы, ажәлар зегь реиԥш, ахы еиқәнархар акәын", - ҳәа азгәеиҭоит Бжьаниа.
Атәыла ахада агәыӷра ааирԥшит еиҵагылаз апоетцәеи ашәҟәыҩҩцәеи ирылшап ҳәа амилаҭтә литературатә процесс аизырҳара.
