РУСДРАМ 42-тәи атеатртә сезон анаркит
10:50 30.11.2023 (ирҿыцуп: 11:03 30.11.2023)
© Sputnik
Анапаҵаҩра
42-тәи асезон ахыркәшаратә спектакль акәны иҟалеит "Кьиоџьаа рҭыӡшәа".
АҞӘА, абҵара 30 - Sputnik. Фазиль Искандер ихьӡ зху Аурыс драматә театр 42-тәи атеатртә сезон хнаркәшеит. 42-тәи асезон ахыркәшаратә спектакль акәны ахәаԥшцәа идырбан "Кьиоџьаа рҭыӡшәа".
Абри ашьҭахь имҩаԥган итрадициатәу ахәаԥшцәа рыбжьыҭира. Атеатр абзиабаҩцәа иалыркаауан иреиӷьу аспектакль, иреиӷьу актиор, иреиӷьу арежиссиор. Абжьыҭира мҩаԥысуан РУСДРАМ асаит аҿи атеатр афоие аҿи быжь-номинациак рзы.
Иреиӷьу аԥҳәыс лроль даԥсахеит Ирина Делԥҳа - Мариа Киури лроль азы, аспектакль "Амрашәахәа зхьыршоу".
Иреиӷьу ахаҵа ироль - Осман Абыхәба – Аполлон Окоиомов ироль азы, аспектакль "Ахаҵа ԥшӡа".
Аҩбатәи аплан иатәу иреиӷьу ахаҵа ироль - Емиль Петров – Фиодор Олешунин, аспектакль"Ахаҵа ԥшӡа".
Аҩбатәи аплан иатәу иреиӷьу аԥҳәыс лроль даԥсахеит Милана ЛамиаԥҳаТиотиа Маша лроль азы, аспектакль "Софичка".
Иреиӷьу арежиссиор - Роман Кочержевски, аспектакль "Акокаини сареи ҳроман".
Иреиӷьу аспектакль - аспектакль "Акокаини сареи ҳроман".
Иреиӷьу асахьаҭыхыҩ - Роман Кочержевски, аспектакль "Акокаини сареи ҳроман".
Адиректор хада иаԥхьахә ҷыда - Лоида Ҭырқьԥҳа, 42-тәи асезон аԥхьарбаратә спектакльқәа рҟны лрольқәа рзы.
Атеатр адиректор хада Иракли Хынҭәба иҳәеит 42-тәи асезон аҿы 270 спектакль ахәаԥшцәа ишдырбаз, ари ирекордтәу хыԥхьаӡараны ишыҟалаз.
"Иааиуа асезон аан ари арбагагьы иаԥаагарц ҳгәы иҭоуп, 300 спектакль рырбара ҳагәҭакуп. Сааҭқәак рышьҭахь аҳаирплан ҳҭалоит, Санкт-Петербургҟа амҩа ҳақәлоит. Ԥхынҷкәын 1 азы уа идҳарбоит аспектакль "Зегь рцасҳәа агәырӷьара", - ҳәа иҳәеит Хынҭәба.
Уаанӡа ахәаԥшцәа иалыркааз аҳамҭақәа рырҭон акультура аусзуҩцәа, сынтәа – уи ахәаԥшцәа инарыгӡеит. Иааидкыланы абжьыҭара иалахәын 350-ҩык ахәаԥшцәа.
