https://sputnik-abkhazia.info/20231208/agumanitart-proekt-missiya-dobro-aynt-raan-asny-imaysrany-ioup-1049362483.html
Агуманитартә проект "Миссия Добро" аҩынтә раан Аԥсны имҩаԥысраны иҟоуп
Агуманитартә проект "Миссия Добро" аҩынтә раан Аԥсны имҩаԥысраны иҟоуп
Sputnik Аҧсны
Апроект "Миссия Добро" Аԥсны иҟоу Россотрудничество имҩаԥнагоит. Иара раԥхьаӡакәны атәылаҿ имҩаԥган 2022 шықәсазы. 08.12.2023, Sputnik Аҧсны
2023-12-08T09:45+0300
2023-12-08T09:45+0300
2023-12-08T09:45+0300
аԥсны
ажәабжьқәа
ауаажәларра
агәабзиара
https://cdnn1.img.sputnik-abkhazia.info/img/103040/87/1030408787_0:104:2000:1229_1920x0_80_0_0_ba59eac24185d0533dd30c55b97bd7d5.jpg
АҞӘА, ԥхынҷкәын 8 – Sputnik, Асмаҭ Ҵәыџьԥҳа. Жәларбжьаратәи агуманитартә проект "Миссия Добро" Аԥсны имҩаԥгахоит ԥхынҷкәын 11 - 16 рзы, абри атәы Sputnik иазеиҭеиҳәеит Аԥсны иҟоу Россотрудничество анапхгаҩы Дмитри Федотов. Федотов иажәақәа рыла, 2022 шықәсазы аҳақьымцәа-волонтиорцәа ирылшеит 80-ҩык рҟынӡа ахәыҷқәа, зныҟәара, зҽыриашара, згылара проблемаз ргәаҭара. Сынтәа, апроект аҳәаақәа ирҭагӡаны имҩаԥгахоит аҟазара-классқәа, ахәыҷқәа аус рыдызуло арҵаҩцәа-апсихологцәа рзы астол гьежьқәа иҳәеит Федотов. Иара убасгьы иазгәаҭоуп зыртәашьа, зшьапсыргәыҵаҩызра еицаку ахәыҷқәа рзы аортопедиатә консультациақәа рымҩаԥгара. Ари Урыстәылеи Аԥсни рҳақьымцәа рыбжьара асистемала аинырра алнаршоит ҳәа иҳәеит Россотрудничество анапхгаҩы. "Амиссиа азырхоуп арезерв аԥҵара. Ҳақәгәыӷуеит иҷыдоу ахәыҷқәеи адуцәеи ирныруа ауаажәларра аинформациа нарҭбааны рыҭара алшап ҳәа, аҟазауаа рԥышәа еизҳап ҳәа", – иҳәеит Федотов. Апроект "Миссия Добро" Аԥсны иҟоу Россотрудничество имҩаԥнагоит агәабзиарахьчара аминистрреи, аҵара аминистрреи, ахәыҷтәы фонд "Ростоки" рыцхыраарала.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра, агәабзиара
ажәабжьқәа, ауаажәларра, агәабзиара
Агуманитартә проект "Миссия Добро" аҩынтә раан Аԥсны имҩаԥысраны иҟоуп
Апроект "Миссия Добро" Аԥсны иҟоу Россотрудничество имҩаԥнагоит. Иара раԥхьаӡакәны атәылаҿ имҩаԥган 2022 шықәсазы.
АҞӘА, ԥхынҷкәын 8 – Sputnik, Асмаҭ Ҵәыџьԥҳа. Жәларбжьаратәи агуманитартә проект "Миссия Добро" Аԥсны имҩаԥгахоит ԥхынҷкәын 11 - 16 рзы, абри атәы Sputnik иазеиҭеиҳәеит Аԥсны иҟоу Россотрудничество анапхгаҩы Дмитри Федотов.
Федотов иажәақәа рыла, 2022 шықәсазы аҳақьымцәа-волонтиорцәа ирылшеит 80-ҩык рҟынӡа ахәыҷқәа, зныҟәара, зҽыриашара, згылара проблемаз ргәаҭара.
"Ауснагӡатә алкаақәа иҟанаҵаз ала ҳара еилаҳкааит Аԥсны апроблемақәа абри аганахь ишыҟоу. Уи азы иҳаӡбеит амедицинатә усҳәарҭа аҳамҭа азыҟаҳҵарц – ашьапсыргәыҵаҩызра заанаҵы иаазырԥшуа амедицинатә мыруга – планкостоп", – иҳәеит иара.
Сынтәа, апроект аҳәаақәа ирҭагӡаны имҩаԥгахоит аҟазара-классқәа, ахәыҷқәа аус рыдызуло арҵаҩцәа-апсихологцәа рзы астол гьежьқәа иҳәеит Федотов. Иара убасгьы иазгәаҭоуп зыртәашьа, зшьапсыргәыҵаҩызра еицаку ахәыҷқәа рзы аортопедиатә консультациақәа рымҩаԥгара. Ари Урыстәылеи Аԥсни рҳақьымцәа рыбжьара асистемала аинырра алнаршоит ҳәа иҳәеит Россотрудничество анапхгаҩы.
"Амиссиа азырхоуп арезерв аԥҵара. Ҳақәгәыӷуеит иҷыдоу ахәыҷқәеи адуцәеи ирныруа ауаажәларра аинформациа нарҭбааны рыҭара алшап ҳәа, аҟазауаа рԥышәа еизҳап ҳәа", – иҳәеит Федотов.
Апроект "Миссия Добро" Аԥсны иҟоу Россотрудничество имҩаԥнагоит агәабзиарахьчара аминистрреи, аҵара аминистрреи, ахәыҷтәы фонд "Ростоки" рыцхыраарала.
