https://sputnik-abkhazia.info/20231218/avokal-instrumentalt-ansambl-gynda-akontsert-maysit-aa-1049505200.html
Авокал-инструменталтә ансамбль "Гәында" аконцерт мҩаԥысит Аҟәа
Авокал-инструменталтә ансамбль "Гәында" аконцерт мҩаԥысит Аҟәа
Sputnik Аҧсны
Авокал-инструменталтә ансамбль "Гәында" ԥхынҷкәын 18 2023 шықәса рзы 45 шықәса ахыҵит. Уи Аԥснытәи Аҳәынҭқарратә филармониаҿы 1977 шықәсазы иаԥҵан. 18.12.2023, Sputnik Аҧсны
2023-12-18T22:00+0300
2023-12-18T22:00+0300
2023-12-18T22:03+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e7/0c/12/1049500840_0:85:1620:996_1920x0_80_0_0_78ef19d443c93394263157d7ea0baaef.jpg
АҞӘА, ԥхынҷкәын 18 – Sputnik, Бадраҟ Аҩӡба. Авокал-инструменталтә ансамбль "Гәында" 45 шықәса ахыҵра аҳаҭыр азы Аԥснытәи Аҳәынҭқарратә филармониаҿы иқәгылеит ашәахьа, ԥхынҷқәын 18 рзы.Бзиа еицырбо аколлектив ирзыӡырҩырц азы аконцерт ахь инеит ауаа рацәаны. Ансамбль "Гәында" жәлар рмузыкатә арҳәагақәа рҿы ихәмарны инанагӡеит еицырдыруа ашәақәа реиԥш, ааигәа иаԥҵаз автортә композициақәагьы. Ашәақәа рҳәон аԥсышәала, урысшәала, Нхыҵ Кавказ ажәларқәа рбызшәақәа рыла.Уи адагьы, ахәаԥшцәа раԥхьа иқәгылеит Аҳәынҭқарратә акультуратә ҵараиурҭа астудентцәагьы, урҭ инарыгӡеит "аԥсуа кәашара". Иара убас ансамбль "Гәында" асахьаркыратә напхгаҩы Роза Чамагәуаԥҳа лҵаҩцәа ашәақәа рҳәеит, жәлар рмузыкатә арҳәагақәа адырҳәеит. Ансамбль риубилеи рыдызныҳәалаз дреиуоуп акультура аминистр инапынҵақәа назыгӡо, ансамбль раԥхьатәи аилазаара иалаз Динара Смырԥҳа. Лара иазгәалҭеит "Гәында" анаԥырҵаз инаркны амҩа ду ишанысыз аԥсуа милаҭтә культура ӡырго, ашәаҳәаратә традициеи жәлар рарҳәагақәеи еиқәырхо, еихаҳауа. Абри аус аҟны ллагала дуӡӡоуп уи асахьаркыратә напхгаҩы Роза Чамагәуаԥҳа. Анаҩс Динара Смыр ансамбль алахәылацәа аҳаҭыртә шәҟәқәа раналшьеит амилаҭтә ҟазареи жәлар рмузыкатә арҳәарагақәа раларҵәареи рзы рџьабаазы.Ансамбль ашьаҭаркҩы, Аԥсны Жәлар рартистка, "Ахьӡ-Аԥша" аорден III аҩаӡара занашьоу Роза Чамагәуаԥҳа иҭабуп ҳәа ралҳәеит риубилеитә рыцхә азлымҳара азҭаз зегьы. Лара иазгәалҭеит дара рырҿиара - жәлар рбаҩхатәра, ркультура, рдунеихәаԥшышьа ишахаҿырбагоу. Аԥхьаҟагьы рколлектив ахәаԥшцәа ашәа ҿыцқәеи амелодиақәеи рыла ишдыргәырӷьало."Гәында" лассы-лассы аԥсуа культура аҳәаанырцә иӡырнагоит. Уи изныкымкәа Урыстәыла, Болгариа, Ҭырқәтәыла гастрольла ирҭаахьеит. Адунеизегьтәи афестиваль "World Folk" аҿы ахьтәы медал, "Ахьтәы Орфеи" аԥхьахә иаиааихьеит, асахьаркыратә напхгаҩы ахьӡ "Маэстро" даԥсахахьеит.
https://sputnik-abkhazia.info/20231215/ayatsa-shaoit-ansambl-gynda-iazkny-1049464750.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Авокал-инструменталтә ансамбль "Гәында" аконцерт мҩаԥысит Аҟәа
22:00 18.12.2023 (ирҿыцуп: 22:03 18.12.2023) Авокал-инструменталтә ансамбль "Гәында" ԥхынҷкәын 18 2023 шықәса рзы 45 шықәса ахыҵит. Уи Аԥснытәи Аҳәынҭқарратә филармониаҿы 1977 шықәсазы иаԥҵан.
АҞӘА, ԥхынҷкәын 18 – Sputnik, Бадраҟ Аҩӡба. Авокал-инструменталтә ансамбль "Гәында" 45 шықәса ахыҵра аҳаҭыр азы Аԥснытәи Аҳәынҭқарратә филармониаҿы иқәгылеит ашәахьа, ԥхынҷқәын 18 рзы.
Бзиа еицырбо аколлектив ирзыӡырҩырц азы аконцерт ахь инеит ауаа рацәаны. Ансамбль "Гәында" жәлар рмузыкатә арҳәагақәа рҿы ихәмарны инанагӡеит еицырдыруа ашәақәа реиԥш, ааигәа иаԥҵаз автортә композициақәагьы. Ашәақәа рҳәон аԥсышәала, урысшәала, Нхыҵ Кавказ ажәларқәа рбызшәақәа рыла.
Уи адагьы, ахәаԥшцәа раԥхьа иқәгылеит Аҳәынҭқарратә акультуратә ҵараиурҭа астудентцәагьы, урҭ инарыгӡеит "аԥсуа кәашара". Иара убас ансамбль "Гәында" асахьаркыратә напхгаҩы Роза Чамагәуаԥҳа лҵаҩцәа ашәақәа рҳәеит, жәлар рмузыкатә арҳәагақәа адырҳәеит.
Ансамбль риубилеи рыдызныҳәалаз дреиуоуп акультура аминистр инапынҵақәа назыгӡо, ансамбль раԥхьатәи аилазаара иалаз Динара Смырԥҳа. Лара иазгәалҭеит "Гәында" анаԥырҵаз инаркны амҩа ду ишанысыз аԥсуа милаҭтә культура ӡырго, ашәаҳәаратә традициеи жәлар рарҳәагақәеи еиқәырхо, еихаҳауа. Абри аус аҟны ллагала дуӡӡоуп уи асахьаркыратә напхгаҩы Роза Чамагәуаԥҳа.
Анаҩс Динара Смыр ансамбль алахәылацәа аҳаҭыртә шәҟәқәа раналшьеит амилаҭтә ҟазареи жәлар рмузыкатә арҳәарагақәа раларҵәареи рзы рџьабаазы.
Ансамбль ашьаҭаркҩы, Аԥсны Жәлар рартистка, "Ахьӡ-Аԥша" аорден III аҩаӡара занашьоу Роза Чамагәуаԥҳа иҭабуп ҳәа ралҳәеит риубилеитә рыцхә азлымҳара азҭаз зегьы. Лара иазгәалҭеит дара рырҿиара - жәлар рбаҩхатәра, ркультура, рдунеихәаԥшышьа ишахаҿырбагоу. Аԥхьаҟагьы рколлектив ахәаԥшцәа ашәа ҿыцқәеи амелодиақәеи рыла ишдыргәырӷьало.
"Гәында" лассы-лассы аԥсуа культура аҳәаанырцә иӡырнагоит. Уи изныкымкәа Урыстәыла, Болгариа, Ҭырқәтәыла гастрольла ирҭаахьеит. Адунеизегьтәи афестиваль "World Folk" аҿы ахьтәы медал, "Ахьтәы Орфеи" аԥхьахә иаиааихьеит, асахьаркыратә напхгаҩы ахьӡ "Маэстро" даԥсахахьеит.
