https://sputnik-abkhazia.info/20240330/amsh-asha-zbazi-akhaa-zbazi-a-akha-a-ala-ikhyrkshou-azhaaa-1050596316.html
"Амшә ашьҭа збази ахаҭа збази ҳәа": ахәҭаҷ "ҳәа" ала ихыркәшоу ажәаԥҟақәа
"Амшә ашьҭа збази ахаҭа збази ҳәа": ахәҭаҷ "ҳәа" ала ихыркәшоу ажәаԥҟақәа
Sputnik Аҧсны
Ахәҭаҷ "ҳәа" ала ихыркәшоу ажәаԥҟақәа жәпакы ҳзеидылкылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа. 30.03.2024, Sputnik Аҧсны
2024-03-30T09:20+0300
2024-03-30T09:20+0300
2024-04-01T11:27+0300
жәлар рдоуҳа
аԥсны
https://cdnn1.img.sputnik-abkhazia.info/img/07e8/04/01/1050642308_0:493:2665:1992_1920x0_80_0_0_79a810b7132b7cf3ef6aeb09071c194c.jpg
Ажәаԥҟақәа – ҳәаа змаӡам ҟәыӷароуп. Абиԥарақәа рыԥсҭазааратә ԥышәа иахылҿиааны, аӡәы даҽаӡәы иҿиҵаауа, еиқәырханы, ашәышықәсақәа рӡеибафара иргәылсны иахьанӡа иааӡеит. "Ажәаԥҟа – иҭышәынтәалоу, ишәа-иза зҳәареи згәынкылареи мариоу, ихшыҩрҵагоу, амилаҭ рышьақәгылареи рбызшәа аҿиареи иациуа, ажәлар рыбзазара, рдоу¬ҳа, рҟәышра зныԥшуа, иса-иԥҟа игәылыршәоу ажәоуп" - абас лыҩуеит абызшәадырҩы Ева Ҭаниаԥҳа "Иахьатәи аԥсуа бызшәа" захьӡу лышәҟәаҿы. Ахәҭаҷ "ҳәа" ала ихыркәшоу аԥсуа жәаԥҟақәаАԥсуаа ражәаҳәаҿы лассы-лассы хархәара арҭоит ахәҭаҷ "ҳәа". Ахәҭаҷ "ҳәа" абзоурала ажәаҳәаҩ иажәақәа, игәаанагара, ихәыцра, ицәанырра, ихықәкы аарԥшхоит. Жәлар ражәаԥҟақәа ахәҭаҷ "ҳәа" анрыцло, иарала ианхыркәшо аҿырԥштәқәа рацәаӡоуп. Иааҳгап аҿырԥштәқәа: Иҟалаша аныҟалалак, амашәыр рҽацәырыхьчарц иалаго рзы ирҳәоит. Ауаҩы ԥсыцәгьа игәы иҭеикыз ҟаиҵарц, дзышьҭоу иԥшаарц данаҿу, иԥынгылақәа дызрызхәыцӡом, изгәаҭаӡом. Ауаҩы иара игу-ибзоу зегьы аныҟаиҵалак, иусқәа зегьы анеиқәиршәалак, иуа-иҭынха акы рзыҟаиҵарц иҭахушәа дцәажәо даналагалак, абас рҳәоит. Аԥхьа узыниаз аиакәым, азалымдара, амашәыр аҵкыс еицәоу уанақәшәалак абас рҳәоит. Ауаҩы ииҭахым даниқәшәалак, даниԥылалак, абас иҳәоит. Данудгылоу уиҭахушәа, дуцәнымхошәа узырбо, дануԥырҵлак уцәа ухызхуа ауаҩы изынархоу жәаԥҟоуп. Ауаҩы иџьабаа зду иаарыхра, иусумҭа инапала иԥхасҭеитәыр абас рҳәоит. Аус ӷәӷәа, аус хьанҭа иаармарианы, џьабаа адымбалаӡакәа иҟазҵарц зҽазыркуа изырҳәоит. Акы иумыхәац, ак узыҟазымҵац иҿы аџьабаабара ануқәшәо абас рҳәоит. Шьоукы ахьцо дмыцхәны, даҭахӡамкәа ирыцу изы ирҳәоит. Имаҷу иахырҟьаны, крызҵазкуа аус ԥхасҭазтәуа изы ирҳәоит. Кырун – цәаӷәан, лаҵан, рашәан – зусқәа ҟазымҵаз, иӡынхәы шимоуа ҳаилнаркаауеит ицәыргоу ажәаԥҟа. Излымшо иалаго, ианаамҭам, ианизыҟамҵаша аус напы азыркуа ихҳәаауп ажәаԥҟа. Аӷар имоу-ихӡу ахәыҷы дамеигӡакәа хыда инихуа даналагалак абас изырҳәоит. Ахҭыс збаз, иалахәыз, уи атәы уҳәан-сҳәанны изаҳаз иаасҭа еиӷьны идыруеит. Убри атәы ҳаилнаркаауеит ари ажәаԥҟа. Мыцхәы ацәажәара, абарбарра бзиа избо, иус маншәалахаӡом, ибжамҽамхоит. Аашьаҩ ауаа реиҳа ианеилахоу, иааиулакгьы ҽыцгак ҟаҵаны, аусура ихы ахигоит. Маҭәала-ҩыҭәала зыгра зҵәахырц иаҿу изы ирҳәоит. Еиҳа зхыҵуа ҳәа акәым, еиҳа здыруа ҳәа ауп. Адырра, ахшыҩ қәрала иҟам. Зны-зынла ақәра ду змоу иаҵкыс ақәыԥш еиҳа адырра, ахшыҩ имазар ауеит. Ауаҩы амал, аԥара дашьҭазар аҵкыс, акы абасҵари, исзымдыруа абеилыскаари ҳәа дыҟазар еиӷьуп. Ауаҩы дыхҵәаны хара дымцакәа, ԥыхьа дахьынхоз ааигәа дынхар, ма дыхҵәаны данцо, уахь ииго мал-шьал анимам абас рҳәоит. Уара иуҳәаша, узхашшааша даҽаӡәы (ихы ирқьиарц) иҳәарц иҽаназиклак ма ианиҳәалак, абас рҳәоит. Еиӷьу, еиҳа зыхә дуу ҭины, уиаҟара акгьы зҵазымкуа, акы зыхәҳауа абас изырҳәоит.
https://sputnik-abkhazia.info/20210524/Eioumaz-ala-aara-marioup-abzhgara-labzharat-aky-zmou-azhaaa-1032483819.html
https://sputnik-abkhazia.info/20240217/abazaa-dukhagylazargy-aiasha-a-zkharkhara-ku-azhaa-zlou-asyua-zhaaak-iryzkny-1050176515.html
https://sputnik-abkhazia.info/20210822/Afyrkhaarei-agymsharei-iryzku-asua-zhaaa-1033082777.html
https://sputnik-abkhazia.info/20191020/Gymaa-rysakasa-akaatyk-ianizhlon-asyua-zhaaak-raki-rkharkhashei-1028651885.html
Sputnik Аҧсны
media@sputniknews.com
+74956456601
MIA „Rossiya Segodnya“
2024
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Сусанна Ҭаниаԥҳа
https://cdnn1.img.sputnik-abkhazia.info/img/07e5/04/09/1032182915_625:0:2361:1736_100x100_80_0_0_20fdbae083b5d4c73ddeaa0f8d48a43b.jpg
жәлар рдоуҳа, аԥсны
"Амшә ашьҭа збази ахаҭа збази ҳәа": ахәҭаҷ "ҳәа" ала ихыркәшоу ажәаԥҟақәа
09:20 30.03.2024 (ирҿыцуп: 11:27 01.04.2024) Сусанна Ҭаниаԥҳа
Аԥсуаҭҵааратә институт афольклортә лабораториа аусзуҩ
Ахәҭаҷ "ҳәа" ала ихыркәшоу ажәаԥҟақәа жәпакы ҳзеидылкылеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Ажәаԥҟақәа – ҳәаа змаӡам ҟәыӷароуп. Абиԥарақәа рыԥсҭазааратә ԥышәа иахылҿиааны, аӡәы даҽаӡәы иҿиҵаауа, еиқәырханы, ашәышықәсақәа рӡеибафара иргәылсны иахьанӡа иааӡеит.
"Ажәаԥҟа – иҭышәынтәалоу, ишәа-иза зҳәареи згәынкылареи мариоу, ихшыҩрҵагоу, амилаҭ рышьақәгылареи рбызшәа аҿиареи иациуа, ажәлар рыбзазара, рдоу¬ҳа, рҟәышра зныԥшуа, иса-иԥҟа игәылыршәоу ажәоуп" - абас лыҩуеит абызшәадырҩы Ева Ҭаниаԥҳа "Иахьатәи аԥсуа бызшәа" захьӡу лышәҟәаҿы.
Ахәҭаҷ "ҳәа" ала ихыркәшоу аԥсуа жәаԥҟақәа
Аԥсуаа ражәаҳәаҿы лассы-лассы хархәара арҭоит ахәҭаҷ "ҳәа". Ахәҭаҷ "ҳәа" абзоурала ажәаҳәаҩ иажәақәа, игәаанагара, ихәыцра, ицәанырра, ихықәкы аарԥшхоит. Жәлар ражәаԥҟақәа ахәҭаҷ "ҳәа" анрыцло, иарала ианхыркәшо аҿырԥштәқәа рацәаӡоуп. Иааҳгап аҿырԥштәқәа:
Аӡә ижә анырӡа ижәҭра ашә ирӷәӷәон ҳәа.
Иҟалаша аныҟалалак, амашәыр рҽацәырыхьчарц иалаго рзы ирҳәоит.
Акамбашь ахәыл абон, аанда абомызт ҳәа.
Ауаҩы ԥсыцәгьа игәы иҭеикыз ҟаиҵарц, дзышьҭоу иԥшаарц данаҿу, иԥынгылақәа дызрызхәыцӡом, изгәаҭаӡом.
Аӡәы изхара анифа, иԥсцәа игәалашәеит ҳәа.
Ауаҩы иара игу-ибзоу зегьы аныҟаиҵалак, иусқәа зегьы анеиқәиршәалак, иуа-иҭынха акы рзыҟаиҵарц иҭахушәа дцәажәо даналагалак, абас рҳәоит.
Узынҟьаз аҵкыс узынԥаз еицәахеит ҳәа.
Аԥхьа узыниаз аиакәым, азалымдара, амашәыр аҵкыс еицәоу уанақәшәалак абас рҳәоит.
Аҵыбра зцәымӷу иԥынҵа иҭиаауеит ҳәа.
Ауаҩы ииҭахым даниқәшәалак, даниԥылалак, абас иҳәоит.
Арма лацәҟәыс, арӷьа ҿачча ҳәа.
Данудгылоу уиҭахушәа, дуцәнымхошәа узырбо, дануԥырҵлак уцәа ухызхуа ауаҩы изынархоу жәаԥҟоуп.
Аҩсҭаа иҭәа рхны амца ацреиҵон ҳәа.
Ауаҩы иџьабаа зду иаарыхра, иусумҭа инапала иԥхасҭеитәыр абас рҳәоит.
Абаа нацәкьысла иагәаз ҳәа.
Аус ӷәӷәа, аус хьанҭа иаармарианы, џьабаа адымбалаӡакәа иҟазҵарц зҽазыркуа изырҳәоит.
Зыбзиара узымдыруам рыцәгьара уалаҳауеит ҳәа.
Акы иумыхәац, ак узыҟазымҵац иҿы аџьабаабара ануқәшәо абас рҳәоит.
Шьоукы ахьцо дмыцхәны, даҭахӡамкәа ирыцу изы ирҳәоит.
Аӡ ирызгәааны зцәарҭа збылыз ҳәа.
Имаҷу иахырҟьаны, крызҵазкуа аус ԥхасҭазтәуа изы ирҳәоит.
Кырун кәаша – чан млашьы ҳәа.
Кырун – цәаӷәан, лаҵан, рашәан – зусқәа ҟазымҵаз, иӡынхәы шимоуа ҳаилнаркаауеит ицәыргоу ажәаԥҟа.
Алашә мзала дҵаарҷҷон ҳәа.
Излымшо иалаго, ианаамҭам, ианизыҟамҵаша аус напы азыркуа ихҳәаауп ажәаԥҟа.
Мамгәду ҽырбаҟьантаз ҳәа.
Аӷар имоу-ихӡу ахәыҷы дамеигӡакәа хыда инихуа даналагалак абас изырҳәоит.
Амшә ашьҭа збази ахаҭа збази ҳәа.
Ахҭыс збаз, иалахәыз, уи атәы уҳәан-сҳәанны изаҳаз иаасҭа еиӷьны идыруеит. Убри атәы ҳаилнаркаауеит ари ажәаԥҟа.
Мыцхәы барбар – ура хәаԥса ҳәа.
Мыцхәы ацәажәара, абарбарра бзиа избо, иус маншәалахаӡом, ибжамҽамхоит.
Нхан знапы амаҭ азырцҳаз ҳәа.
Аашьаҩ ауаа реиҳа ианеилахоу, иааиулакгьы ҽыцгак ҟаҵаны, аусура ихы ахигоит.
Хаҿсақә рацәа – лымт ҵәахы ҳәа.
Маҭәала-ҩыҭәала зыгра зҵәахырц иаҿу изы ирҳәоит.
Еиҳа зхыҵуа ҳәа акәым, еиҳа здыруа ҳәа ауп.
Адырра, ахшыҩ қәрала иҟам. Зны-зынла ақәра ду змоу иаҵкыс ақәыԥш еиҳа адырра, ахшыҩ имазар ауеит.
Ахьы зыҟәшәаз иаҵкыс ахшыҩ иашьҭаз ҳәа.
Ауаҩы амал, аԥара дашьҭазар аҵкыс, акы абасҵари, исзымдыруа абеилыскаари ҳәа дыҟазар еиӷьуп.
Ацгәы хҵәан алаӷәра иқәлеит ҳәа.
Ауаҩы дыхҵәаны хара дымцакәа, ԥыхьа дахьынхоз ааигәа дынхар, ма дыхҵәаны данцо, уахь ииго мал-шьал анимам абас рҳәоит.
Аҽы иаҳәаша акәадыр иаҳәон ҳәа.
Уара иуҳәаша, узхашшааша даҽаӡәы (ихы ирқьиарц) иҳәарц иҽаназиклак ма ианиҳәалак, абас рҳәоит.
Аџьма ҭины ажьа аазхәаз ҳәа.
Еиӷьу, еиҳа зыхә дуу ҭины, уиаҟара акгьы зҵазымкуа, акы зыхәҳауа абас изырҳәоит.
