https://sputnik-abkhazia.info/20240430/opua-atskhyraara-las-ausurazy-agrafik-anyakha-ausura-aanyzhny-itsazgy-daleit-1050927427.html
Џьопуа ацхыраара лас аусуразы: аграфик аныӷәӷәаха, аусура ааныжьны ицазгьы дҟалеит
Џьопуа ацхыраара лас аусуразы: аграфик аныӷәӷәаха, аусура ааныжьны ицазгьы дҟалеит
Sputnik Аҧсны
Ацхыраара лас иахьатәи аҭагылазаашьа, аԥхын аамҭазы русура еиҳагьы ианеиҳахо, уадаҩрақәас ирызцәырҵуа атәы арадио Sputnik иазеиҭеиҳәеит, аҳҭнықалақь ацхыраара... 30.04.2024, Sputnik Аҧсны
2024-04-30T16:00+0300
2024-04-30T16:00+0300
2024-04-30T16:33+0300
арадио
аԥсны
аподкаст
атәылауаҩи аиҳабыреи
https://cdnn1.img.sputnik-abkhazia.info/img/07e8/04/1e/1050927263_0:0:1280:721_1920x0_80_0_0_bb060e10daed1f3fcf30e92e8fa184b9.jpg
Атәылауаҩи аиҳабыреи: Џьопуа Аҟәа ацхыраара лас аусура иазкны
Sputnik Аҧсны
Атәылауаҩи аиҳабыреи: Џьопуа Аҟәа ацхыраара лас аусура иазкны
Ҳусура иаҳа-иаҳа иацлеит, убри аан ақалақь аҿы амашьынақәа узрылымсуа ирацәахеит ҳәа азгәеиҭеит аиҿцәажәараҿы Џьопуа. Иҳәеит, аусзуҩцәа разымхара шыҟоу, акурортә аамҭазы русура ааныжьны ҽаџьара ишцо."Ҳмашьаныақәагьы ажәит. Иаарласны ақалақь ахадара иаархәаз ҩ-машьынак аараны иҟоуп. Аха уи маҷуп. Сынтәа аԥсшьара иаауа рхыԥхьаӡара рацәахоит ҳәа ҳарҳәеи, убри аҟнытә ҳусгьы рацәахоит. Ацхыраара ласы аҿы аусура хьанҭоуп. Аҷаԥшьара уахыки-ҽнаки ауаҩы ианихигалак, хымш аԥсшьара изхаӡом ишьара дықәлартә еиԥш. Аџьабаа ду баны, аҟәрышь маҷны ианиоуа, дцоит иаҳа еиӷьуп ҳәа иахьиԥхьаӡо аусурҭахь. Уаанӡа ари аҩыза апроблема ҳақәзыршәоз аԥсҟы зкыз ракәын. Дара ес-ԥхынра иҳагхон. Уажәы афельдшерцәа маҷхо иалагеит. Аграфик аныӷәӷәаха, аусура ааныжьны ицазгьы дыҟоуп", - ҳәа иҳәеит Џьопуа.Аҳҭнықалақь ацхыраара ласы аҳақьым хада иажәақәа рыла, азҵаара аӡбаразы астудентцәа адырра рырҭеит, аусурҭатә ҭыԥқәа шыҟоу ала, аха сынтәа иалгаран иҟоу 25-ҩык рахьынтә аӡәгьы дмааит, иҳәеит иара.Инеиҵыху аиҿцәажәара шәазыӡырҩыр шәылшоит аудиофаил аҿы.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, атәылауаҩи аиҳабыреи, аудио
аԥсны, аподкаст, атәылауаҩи аиҳабыреи, аудио
Џьопуа ацхыраара лас аусуразы: аграфик аныӷәӷәаха, аусура ааныжьны ицазгьы дҟалеит
16:00 30.04.2024 (ирҿыцуп: 16:33 30.04.2024) Ацхыраара лас иахьатәи аҭагылазаашьа, аԥхын аамҭазы русура еиҳагьы ианеиҳахо, уадаҩрақәас ирызцәырҵуа атәы арадио Sputnik иазеиҭеиҳәеит, аҳҭнықалақь ацхыраара ласы аҳақьым хада Аслан Џьопуа.
Ҳусура иаҳа-иаҳа иацлеит, убри аан ақалақь аҿы амашьынақәа узрылымсуа ирацәахеит ҳәа азгәеиҭеит аиҿцәажәараҿы Џьопуа. Иҳәеит, аусзуҩцәа разымхара шыҟоу, акурортә аамҭазы русура ааныжьны ҽаџьара ишцо.
"Ҳмашьаныақәагьы ажәит. Иаарласны ақалақь ахадара иаархәаз ҩ-машьынак аараны иҟоуп. Аха уи маҷуп. Сынтәа аԥсшьара иаауа рхыԥхьаӡара рацәахоит ҳәа ҳарҳәеи, убри аҟнытә ҳусгьы рацәахоит. Ацхыраара ласы аҿы аусура хьанҭоуп. Аҷаԥшьара уахыки-ҽнаки ауаҩы ианихигалак, хымш аԥсшьара изхаӡом ишьара дықәлартә еиԥш. Аџьабаа ду баны, аҟәрышь маҷны ианиоуа, дцоит иаҳа еиӷьуп ҳәа иахьиԥхьаӡо аусурҭахь. Уаанӡа ари аҩыза апроблема ҳақәзыршәоз аԥсҟы зкыз ракәын. Дара ес-ԥхынра иҳагхон. Уажәы афельдшерцәа маҷхо иалагеит. Аграфик аныӷәӷәаха, аусура ааныжьны ицазгьы дыҟоуп", - ҳәа иҳәеит Џьопуа.
Аҳҭнықалақь ацхыраара ласы аҳақьым хада иажәақәа рыла, азҵаара аӡбаразы астудентцәа адырра рырҭеит, аусурҭатә ҭыԥқәа шыҟоу ала, аха сынтәа иалгаран иҟоу 25-ҩык рахьынтә аӡәгьы дмааит, иҳәеит иара.
Инеиҵыху аиҿцәажәара шәазыӡырҩыр шәылшоит аудиофаил аҿы.
