https://sputnik-abkhazia.info/20241116/1052879858.html
Апарламент ажәлареи ахада иԥхьатәаразы адҵеи: Аҟәа аоппозициа амитинг шымҩаԥысыз
Апарламент ажәлареи ахада иԥхьатәаразы адҵеи: Аҟәа аоппозициа амитинг шымҩаԥысыз
Sputnik Аҧсны
Абҵарамза 15 рзы Аҟәа имҩаԥысраны иҟан Аԥсни Урыстәылеи аинвестициақәа рзы реиқәшаҳаҭра аратификациа азырураны иахьыҟаз Апарламент асессиа. 16.11.2024, Sputnik Аҧсны
2024-11-16T10:56+0300
2024-11-16T10:56+0300
2024-11-16T12:16+0300
аԥсны
афотосахьақәа
https://cdnn1.img.sputnik-abkhazia.info/img/07e8/0b/10/1052880037_0:85:1620:996_1920x0_80_0_0_2000a6b1f7decdd4773905ab618833c2.jpg
Азал аҿы 35-ҩык адепутатцәа рҟынтәи 21-ҩык ракәын иҟаз. Апарламент аиҳабы Лаша Ашәба иажәақәа рыла, уи зыхҟьаз адепутатцәа иахьрықәыӷәӷәоз ауп. Асессиа амҩаԥгара мап ацәыркит.Ари аҩыза аӡбамҭа Апарламент аҿаԥхьа еизаз иргәамԥхеит. Асессиа мҩаԥганы аратификациа мап ацәкызарц адҵа ықәдыргылеит.Амитинг иалахәыз амашьына ду "Урал" ала Апарламент аанда иасны ашҭа иҭаларц аҽазышәара иалагеит. Ԥыҭрак ашьҭахь уи аҟаҵара рылшеит.Абри аамҭазы атәыла ахада Иусбарҭаҟынтәи дцахьан.Аҿагылара аазырԥшуаз Аслан Бжьаниа ԥхьатәара дцарц адҵа ықәдыргылеит. Аха аиҳабыреи аоппозициеи акыр ианеилацәажәа ашьҭахьгьы иара аҳәамҭа ҟаиҵеит иусура ишациҵо.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
фото, афотосахьақәа
Апарламент ажәлареи ахада иԥхьатәаразы адҵеи: Аҟәа аоппозициа амитинг шымҩаԥысыз
10:56 16.11.2024 (ирҿыцуп: 12:16 16.11.2024) Абҵарамза 15 рзы Аҟәа имҩаԥысраны иҟан Аԥсни Урыстәылеи аинвестициақәа рзы реиқәшаҳаҭра аратификациа азырураны иахьыҟаз Апарламент асессиа.
Азал аҿы 35-ҩык адепутатцәа рҟынтәи 21-ҩык ракәын иҟаз. Апарламент аиҳабы Лаша Ашәба иажәақәа рыла, уи зыхҟьаз адепутатцәа иахьрықәыӷәӷәоз ауп. Асессиа амҩаԥгара мап ацәыркит.
Ари аҩыза аӡбамҭа Апарламент аҿаԥхьа еизаз иргәамԥхеит. Асессиа мҩаԥганы аратификациа мап ацәкызарц адҵа ықәдыргылеит.
Амитинг иалахәыз амашьына ду "Урал" ала Апарламент аанда иасны ашҭа иҭаларц аҽазышәара иалагеит. Ԥыҭрак ашьҭахь уи аҟаҵара рылшеит.
Абри аамҭазы атәыла ахада Иусбарҭаҟынтәи дцахьан.
Аҿагылара аазырԥшуаз Аслан Бжьаниа ԥхьатәара дцарц адҵа ықәдыргылеит. Аха аиҳабыреи аоппозициеи акыр ианеилацәажәа ашьҭахьгьы иара аҳәамҭа ҟаиҵеит иусура ишациҵо.
Абҵарамза 15 рзы Аҟәа имҩаԥысраны иҟан Аԥсни Урыстәылеи аинвестициақәа рзы реиқәшаҳаҭра аратификациа азырураны иахьыҟаз Апарламент асессиа.
Адепутатцәа аӡәырҩы уи иалахәымызт. Апарламент аиҳабы Лаша Ашәба иажәақәа рыла, уи зыхҟьаз адепутатцәа иахьрықәыӷәӷәоз ауп. Асессиа амҩаԥгара мап ацәыркит.
Уи иахҟьаны аоппозициа рхаҭарнакцәа аҿагылара аадырԥшуа иалагеит. Дара адҵа ықәдыргылон асессиа мҩаԥганы адокумент аратификациа мап ацәыркуеит ҳәа аӡбамҭа рыдыркыларц. Абри ҟамлакәа ишеиԥырымҵуа атәы рҳәеит.
![Амитинг иалахәыз амашьына ду "Урал" ала Апарламент аанда иасны ашҭа иҭаларц аҽазышәара иалагеит. Аха амчратә усбарҭақәа русзуҩцәагьы урҭ ирҿагылеит. - Sputnik Аҧсны](https://cdnn1.img.sputnik-abkhazia.info/img/07e8/0b/10/1052880626_0:0:1583:1055_600x0_80_0_1_f3603f9daf87e54fd104b09605fa0d9b.jpg "Амитинг иалахәыз амашьына ду "Урал" ала Апарламент аанда иасны ашҭа иҭаларц аҽазышәара иалагеит. Аха амчратә усбарҭақәа русзуҩцәагьы урҭ ирҿагылеит.")
Амитинг иалахәыз амашьына ду "Урал" ала Апарламент аанда иасны ашҭа иҭаларц аҽазышәара иалагеит. Аха амчратә усбарҭақәа русзуҩцәагьы урҭ ирҿагылеит.
Аҭагылазаашьа акыр еибарххахеит.
Асааҭ 13:30 рзеиԥш амитинг иалахәыз рахь ицәырҵит Аԥсны аҩнуҵҟатәи аусқәа рминистр Роберт Кьиути Аҳәынҭқарратә шәарҭадаратә маҵзура ахантәаҩы Дмитри Қәычбериеи. я.
Убри аамҭазы аҿагылара аазырԥшуаз аиҳабы рхыбра иакәыршаз аанда аԥҽра ишаҿыц иаҿын.
Аиҿагыларақәа раан 14-ҩык аахақәа роуит, урҭ рахьтә хҩык ахәышәтәырҭаҿы иаанрыжьит.
Еизаз ауаа ԥыҭҩык Апарламент ашҭа иҭалеит.
Даҽа џьоукы аанда иҵегьы аимыхра иалагеит.
Абри аамҭазы атәыла ахада Иусбарҭаҟынтәи дцахьан.
Асааҭ 14:50 рзеиԥш ахада Иусбарҭа аҳәамҭа ҟанаҵеит аинвестициақәа рзы аиқәшаҳаҭра архынҳәразы адокумент аиқәыршәара ишаҿу.
Аха амитингуаа Бжьаниа ԥхьатәара дцарц адҵа ықәдыргыло иалагеит.
Дара аихацқәа еимыхны Апарламент ашә аартны иҩналеит.
Апарламент ахыбраҟынтәи ахада Иусбарҭахь иҩналеит.
Шьоукы аԥенџьырқәа рыла иҩналон.
Аҿагылара аазырԥшуаз ауаа аҳәамҭа ҟарҵеит Аслан Бжьаниа имаҵура шаанижьуа атәы имҳәакәа ишеиԥырымҵуа.
Асааҭ 16:15 рзеиԥш Апарламент аиҳабы Лаша Ашәба ахада иахь дцеит аоппозициаа ражәа изнеигарц азы.
Аоппозициеи аиҳабыреи реилацәажәарақәа хәылбыҽханӡа имҩаԥысуан.
Аслан Бжьаниа идгылаҩцәа рҿаԥхьа дықәгылеит Аԥсны Аҩнуҵҟатәи аусқәа аминистрра ашҭаҿы. Иара ԥхьатәара ацара мап ацәикит.
