Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Лыԥсҭазаара далҵит Аԥснытәи аҳәынҭқарратә музеи аԥсабара аҟәша аиҳабы Таисиа Аланиаԥҳа

© Sputnik / Томас ТхайцукТаисия Алания
Таисия Алания - Sputnik Аҧсны, 1920, 10.01.2025
Анапаҵаҩра
Таисиа Аланиаԥҳа диит хәажәкыра 5 1950 шықәсазы, лара сынтәа 75 шықәса лхыҵуазаарын.
АҞӘА, ажьырныҳәа 10 - Sputnik. Лыԥсҭазаара далҵит аҵарауаҩ-амузеиҭҵааҩы, Аԥснытәи аҳәынҭқарратә музеи аԥсабара аҟәша аиҳабы, Аԥсны зҽаԥсазтәыз акультура аусзуҩ Таисиа Аланиаԥҳа. Абри атәы аанацҳауеит Аԥсны акультура аминистрра.
"Таисиа Гьаргь-иԥҳа лыԥсҭазаара лалҵра ҳреспубликазы харҭәаашьа змам цәыӡуп. Лҭаацәеи лҭынхацәеи гәык-ԥсык ала ҳрыдашшылоит", — ҳәа аҳәоит аусбарҭа акьыԥхьымҭаҿы.
Таисиа Аланиаԥҳа далгеит Аҟәатәи аҳәынҭқарратә рҵаҩратә институт абиологиеи агеографиеи рфакультет, 1972 шықәса инаркны Аԥснытәи аҳәынҭқарратә музеи аҿы аус луан, адәынтәи аҭҵаарақәа лхы рылалырхәуан, ахәшә-ҵиаақәеи урҭ жәлар рыхәшәтәраҿы рхархәареи ҭылҵаауан. Уи адагьы, Аҟәатәи аҿар рыҩнаҿы аус луан, ахәыҷтәы екологиатә лагер напхгара алҭон.
Таисиа Аланиаԥҳа — 200 инареиҳаны аҭҵаарадырратә статиақәа равтор. Иара убас, 2023 шықәсазы лыԥшәма Анзор Агәмаа ишәҟәы "Аҟәа. XIX ашәышықәса анҵәамҭеи ХХ ашәышықәса алагамҭеи раамҭазтәи ақалақь аҭоурыхи архитектуреи рзы аочеркқәа" акьыԥхьразы иазыҟалҵеит.
Ажәабжьқәа зегьы
0