https://sputnik-abkhazia.info/20250226/afonda-krug-dobra-ashana-asny-inkho-akhya-rzy-aterapia-amagarazy-aishaara-1053923557.html
Афондқәа "Круг добра", "Ашана" Аԥсны инхо ахәыҷқәа рыхәшәтәразы аиқәшаҳаҭра рыбжьарҵеит
Афондқәа "Круг добра", "Ашана" Аԥсны инхо ахәыҷқәа рыхәшәтәразы аиқәшаҳаҭра рыбжьарҵеит
Sputnik Аҧсны
АҞӘА, жәабран 26 - Sputnik. "Круг добра" афонди акультура-гәыҳалалратә фонд "Ашанеи" Аԥсны аҵакыраҿы инхо, Урыстәыла атәылауаҩра змоу ахәыҷқәа лассы-лассы... 26.02.2025, Sputnik Аҧсны
2025-02-26T13:20+0300
2025-02-26T13:20+0300
2025-02-26T13:30+0300
аԥсны
ажәабжьқәа
https://cdnn1.img.sputnik-abkhazia.info/img/07e9/02/1a/1053922600_0:154:3092:1893_1920x0_80_0_0_4e64965095586edc6b45fde0273284f7.jpg
АҞӘА, жәабран 26 - Sputnik. "Круг добра" афонди акультура-гәыҳалалратә фонд "Ашанеи" Аԥсны аҵакыраҿы инхо, Урыстәыла атәылауаҩра змоу ахәыҷқәа лассы-лассы иуԥымло ачымазара ӷәӷәақәа рзы ахәшәқәа рыла реиқәыршәаразы аиқәшаҳаҭра рыбжьарҵеит. Ахашаҽны Аиқәшаҳаҭра рнапы аҵарҩит Афонд "Круг добра" анапхгара ахантәаҩы Александр Ткаченкои Аԥсны Аҳәынҭқарраҿы ахәыҷқәа рзинқәа рыхьчаразы азинмч змоу, акультура-гәыҳалалратә Фонд "Ашана" анапхгаҩы Мактина Џьынџьалԥҳаи. Иара иҳәеит анапы зҵаҩу аиқәшаҳаҭра абзоурала Урыстәыла атәылауаҩра змоу ахәыҷқәа хымԥада Аԥсны иахәҭоу амедицинатә цхыраареи аҟазауаа рҟынтәи ахылаԥшреи шроуа. Аиқәшаҳаҭра иазԥхьагәанаҭоит зеиԥш маҷу ачымазарақәа рыхәшәтәраҿы аҟазауаа рыцхыраара аусхк аҟны инарҭбааны аимадара, адыррақәа реимдара, абжьгарақәа рыҟаҵара. "Ари ахәыҷқәа зегь мҽхкы ҭбаала адгылара шроуазы агәрагара узҭо аиҩызара ду иалагамҭоуп", — ҳәа иҳәеит Ткаченко. Акультура-гәыҳалалратә фонд "Ашана" ашьаҭаркҩы Беслан Шьакаиа инаҵшьны иазгәеиҭеит Урыстәылеи Аԥсни реизыҟазаашьақәа аусеицура аганахьала акыр зҵазкуа аетап аҿы ишыҟоу, анапы зҵарҩыз Аиқәшаҳаҭра ачымазара ӷәӷәа змоу ахәыҷқәа рыцхраара ахырхарҭала аган ҿыцқәа рацәаны ишаанартуа. Шьакаиа иҭабуп ҳәа реиҳәеит анапы зҵаҩыз Аиқәшаҳаҭра аиқәыршәара иалахәыз зегьы.
https://sputnik-abkhazia.info/20250225/urystyla-aaymtsa-asny-akhya-rdispanserizatsia-abati-aetap-khatsdyrkit-1053908387.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Афондқәа "Круг добра", "Ашана" Аԥсны инхо ахәыҷқәа рыхәшәтәразы аиқәшаҳаҭра рыбжьарҵеит
13:20 26.02.2025 (ирҿыцуп: 13:30 26.02.2025) АҞӘА, жәабран 26 - Sputnik. "Круг добра" афонди акультура-гәыҳалалратә фонд "Ашанеи" Аԥсны аҵакыраҿы инхо, Урыстәыла атәылауаҩра змоу ахәыҷқәа лассы-лассы иуԥымло ачымазара ӷәӷәақәа рзы ахәшәқәа рыла реиқәыршәаразы аиқәшаҳаҭра рыбжьарҵеит.
Ахашаҽны Аиқәшаҳаҭра рнапы аҵарҩит Афонд "Круг добра" анапхгара ахантәаҩы Александр Ткаченкои Аԥсны Аҳәынҭқарраҿы ахәыҷқәа рзинқәа рыхьчаразы азинмч змоу, акультура-гәыҳалалратә Фонд "Ашана" анапхгаҩы Мактина Џьынџьалԥҳаи.
"Сара даара сеигәырӷьоит Урыстәылатәи Афедерациа иатәылауаау ахәыҷқәа, уажәазы Аԥсны иҟоу, уахь аԥсшьара ицо, зыуацәа ирҭаауа, аҳақьымцәеи аҟазауааи рҟынтәи азанааҭтә цхыраара аиуразы алшара ахьроуа. Афонд "Ашана" абри аганахьала аҽазышәарақәа акыррыҵаркуеит арҭ ахәыҷқәа ацхыраара рыҭааҿы", — ҳәа иҳәеит Ткаченко Аиқәшаҳаҭра анапаҵаҩраан.
Иара иҳәеит анапы зҵаҩу аиқәшаҳаҭра абзоурала Урыстәыла атәылауаҩра змоу ахәыҷқәа хымԥада Аԥсны иахәҭоу амедицинатә цхыраареи аҟазауаа рҟынтәи ахылаԥшреи шроуа. Аиқәшаҳаҭра иазԥхьагәанаҭоит зеиԥш маҷу ачымазарақәа рыхәшәтәраҿы аҟазауаа рыцхыраара аусхк аҟны инарҭбааны аимадара, адыррақәа реимдара, абжьгарақәа рыҟаҵара.
"Ари ахәыҷқәа зегь мҽхкы ҭбаала адгылара шроуазы агәрагара узҭо аиҩызара ду иалагамҭоуп", — ҳәа иҳәеит Ткаченко.
Акультура-гәыҳалалратә фонд "Ашана" ашьаҭаркҩы Беслан Шьакаиа инаҵшьны иазгәеиҭеит Урыстәылеи Аԥсни реизыҟазаашьақәа аусеицура аганахьала акыр зҵазкуа аетап аҿы ишыҟоу, анапы зҵарҩыз Аиқәшаҳаҭра ачымазара ӷәӷәа змоу ахәыҷқәа рыцхраара ахырхарҭала аган ҿыцқәа рацәаны ишаанартуа.
"Аԥснытәи афонд "Ашана", Урыстәыла Ахада ифонд "Круг добра" ирыбжьарҵаз аиқәшаҳаҭра иахьазы ҳара ҳзы хәы змам акоуп. Ари Аиқәшаҳаҭра ҳаимадарақәа рырҿиара мацара иазырхам, ахәыҷқәа уаҵәтәи рԥеиԥш азы еицҳаду аҭакԥхықәра аанарԥшуеит", — иҳәеит Шьакаиа.
Шьакаиа иҭабуп ҳәа реиҳәеит анапы зҵаҩыз Аиқәшаҳаҭра аиқәыршәара иалахәыз зегьы.
