Микрофон  - Sputnik Аҧсны, 1920
Арадио

Кәарҷиа афестиваль "Аԥхьарца" иазкны: сынтәа ҿыц ицәырҵны зхы алазырхәыз агәыԥқәа ҳамоуп

Кәарҷиа афестиваль "Аԥхьарца" иазкны: сынтәа ҿыц ицәырҵны зхы алазырхәыз агәыԥқәа ҳамоуп
Анапаҵаҩра
И. Кортуа ихьӡ зху Жәлар рырҿиаратә центр жәабранмза 27 рзы имҩаԥнагоит аԥсуа жәлар рмузыкатә рҳәагақәа роркестртә фестиваль "Аԥхьарца". Иара жәиԥшьтәиуп. Афестиваль анхацыркхоз акы-ҩба гәыԥ ыҟазҭгьы, есааира зҽалазырхәуа ансамбльқәа рхыԥхьаӡара иаҵлоит. Аиԥш зеиԥшу аусмҩаԥгатәқәа азҿлымҳара ахьынӡарымоу, дара рольс инарыгӡо атәы арадио Sputnik иазеиҭеиҳәеит, И. Кортуа ихьӡ зху Жәлар рырҿиаратә центр аиҳабы Нури Кәарҷиа.
Ҳара иаҳҭахын, аӡра иаҿыз аԥсуа амилаҭтә музыка арҳәагақәа реиҭашьақәыргылара, рӡыргара, ҳагәҭакы наӡеит ҳәа уҳәар ауеит ҳәа азгәеиҭеит аиҿцәажәараҿы Кәарҷиа.
"Арҳәагақәа ҟазҵоз, иазырҳәоз аӡәызаҵәык ида дыҟамкәа ҳнеихьан. Абри аҩыза арыцҳара ҳашҭагылаз гәаҭаны ихацыркын афстиваль "Аԥхьарца". Аиҵашьыцра бзиа ыҟоуп, ари аус ауеит, иахьа ицәыругаша 12-13 гәыԥ рҟынӡа ҟалахьеит, қәралагьы еиуеиԥшым", - ҳәа иҳәеит Кәарҷиа.
Иазгәеиҭеит, сынтәа афестиваль аҿы ҿыц ицәырҵны зхы алазырхәыз агәыԥқәа шыҟоуп. Кәарҷиа дазааҭгылеит урҭ ахьииз, насгьы афестиваль аҿы еиҭа иалахәхо.
Инарҭбааны аиҿцәажәара шәаҳар шәылшоит аудиофаил аҟны.
Ажәабжьқәа зегьы
0