https://sputnik-abkhazia.info/20250804/sputnik-amchybzh-atyla-akhada-gdoua-iazaara-aparlament-ailatara-khybla-gerzmaaa-1056663618.html
Sputnik амчыбжь: атәыла ахада Гәдоуҭа иҟазаара, Апарламент аилатәара, Хьыбла Гьерзмааԥҳа
Sputnik амчыбжь: атәыла ахада Гәдоуҭа иҟазаара, Апарламент аилатәара, Хьыбла Гьерзмааԥҳа
Sputnik Аҧсны
Аинформациатә маҵзура Sputnik иазнархиеит ԥхынгәы 28 инаркны нанҳәа 3 рҟынӡа ареспубликаҿы аҭыԥ змаз ахҭысқәа рыхҳәаа. 04.08.2025, Sputnik Аҧсны
2025-08-04T09:00+0300
2025-08-04T09:00+0300
2025-08-04T09:00+0300
аԥсны
ажәабжьқәа
аԥсны
аполитика
ауаажәларра
бадра гәынба
https://cdnn1.img.sputnik-abkhazia.info/img/07e9/07/1f/1056582908_0:85:1620:996_1920x0_80_0_0_093b941b3d67b07d534db78b01c174ce.jpg
Аҳәынҭқарра ахада адкыларақәа раантәи иӡбарақәа, Гәдоуҭа араион аҿы иҟазаараан иҟаиҵаз анапынҵақәа, Бадра Гәынбеи жәлар рартистцәа Хьыбла Герзмааԥҳаи Евгени Книазеви реиԥылара шымҩаԥысыз, Апарламент адепутатцәа ԥсшьара рцамҭаз ирыдыркылаз азакәанԥҵарақәа ртәы шәаԥхьа Sputnik аматериал аҿы.Жәлар рартистцәа рыдкылараАҳәынҭқарра ахада Бадра Гәынба дидикылеит Аԥсни Урыстәылеи жәлар рартистка Хьыбла Гьерзмааԥҳа.Аиԥылара иара убас рхы аладырхәит Урыстәылеи Аԥсни жәлар рартист Евгени Книазеви Урыстәыла жәлар рартист Денис Мацуеви. Аиԥылара мҩаԥысит афестиваль "Хьыбла Гьерзмааԥҳа шәаалыԥхьоит..." аламҭалаз.Аҳәынҭқарра ахада инаҵшьны иазгәеиҭеит, сынтәатәи афестиваль ишҷыдоу уи Владислав Арӡынба диижьҭеи 80 шықәса аҵра ишадҳәалоу.Хьыбла Гьерзмааԥҳа иазгәалҭеит, Аԥсны раԥхьатәи ахада шиакәу раԥхьаӡа афестиваль амҩа азҭаз, лара аҳәынҭқарра ахада ҭабуп ҳәа иалҳәеит акыр шықәсқәа рыҩнуҵҟа ареспублика анапхгара иҟанаҵо адгыларазы.Гьерзмааԥҳаи Книазеви атәыла ахада иҳәеит Аԥсуа драматә театр аҿиара адгылара аиҭарц.Аԥсны Амедиатә шьапылампылтә лигаҿыАԥснытәи акоманда Урыстәыла амедиашьапылампылтә лига аицлабра алахәхаразы алшарақәа ирылацәажәеит аҳәынҭқарра ахада Бадра Гәынбеи алига аоперациатә директор Дмитри Кәартааи.Кәартаа иҳәеит Амедиалига абиԥараҿа Аԥсны аӡбахә дырдырразы имыруганы ишыҟало.Дмитри Кәартаа уаанӡа Sputnik иазеиҭеиҳәахьан ари аспорттә ԥшьгамҭа мацара акәым, ареспублика аӡыргара иазырхоу стратегиатә проектуп ҳәа.Адомино азы Аԥсны еизго акоманда рԥылараБадра Гәынба адомино азы жәларбжьаратәи аицлабра Mexico-2025 аҿы аиааира згаз Аԥснытәи акоманда дырԥылеит."Иҭабуп ҳәа шәасҳәоит жәларбжьаратәи аренаҿы Аԥсны иаԥсоу ахаҭарнакра ахьаашәырԥшуа азы. Ас еиԥш аиндаҭларақәа рылахәхара ҳреспублика ахьӡ ҭнагоит, уи аҳаҭыр арӷәӷәоит. Шәеихьӡарақәа рыбзоурала еиуеиԥшым атәылақәа рҿы Аԥсны аӡбахә еилызкаауа еиҳа-еиҳа ирацәахоит", — ҳәа инаҵшьны иазгәеиҭеит аҳәынҭқарра ахада.Аиԥылараҿы иара убасгьы иалацәажәеит, 2026 мамзаргьы 2027 шықәсазы адомино азы Адунеи ачемпионат Аԥсны имҩаԥгахар шалшо. Уи азҵаара шыӡбахо жьҭаарамзазы Пуерто-Рико имҩаԥысуа Ассамблеиа аҿы.Гәдоуҭа араион аҿы агәаҭарақәаАԥсны ахада Бадра Гәынба Гәдоуҭа араион аҿы агәаҭарақәа мҩаԥигеит, хаҭала Дәрыԥшь ақыҭан иҟоу аӡеизакырҭа даҭааит.Гәынба Акапиталтә ргылара аусбарҭа анапынҵа аиҭеит, Хыԥсҭа аӡиас амаҷхара иахҟьаны аԥхын араион аҿы иҟало аӡы аиԥҟьарақәа азҵаара ӡбазарц.Аԥсны ахада араионтә поликлиникагьы даҭаит. Ара иара Акапиталтә ргылара аусбарҭа анапынҵа аиҭеит Гәдоуҭатәи араионтә поликлиника аиҭашьақәыргыларазы апроект-харџьынҵатә ашәҟәбӷьыцқәа аиқәыршәареи хәҭа-хәҭала ашьақәыргылара алагареи рзы. Раԥхьа иргыланы ахыб арҽеира азгәаҭоуп.Гәдоуҭа ақалақь аҩнуҵҟа зҭагылазаашьа бааԥсу амҩахәҭақәа еиҭашьақәыргылахоит атәыла ахада иҟаиҵаз анапынҵа инақәыршәаны.Гәдоуҭа ақалақь аҿы х-мҩак аинвестициатә программа иарбоуп: Кьаразаа рымҩа, Пушкин имҩа, ԥхынгәы 23 амҩа ҳәа иҳәеит иара.Аԥсны ахада Бадра Гәынба Лыхны ақыҭан зых иақәиҭу аиқәԥарази абокси рзы азал арҽеиратә усурақәа рымҩаԥысшьа гәеиҭеит.Азал аиҿкааразы аӡбра рыдыркылеит лаҵара 18 рзы, аҳәынҭқарра ахада Гәдоуҭа араион аҿы аусуратә ныҟәарыла даныҟаз.Ахыбра арыцқьара иалагеит лаҵара 22 рзы. Азал аартра азгәаҭоуп 2025 шықәса цәыббрамзазы.Ашәарақәеи ауааԥсыра ашәҟәы рҭагалареиАԥсны Асоциалтә ԥгаԥсеи аџьахьчареи рзы афонд иашәо, изныктәиу ашәарақәа ашьақәырӷәӷәаразы ақәҵара аԥсахрақәа аланагалеит Аминистрцәа реилазаара.Ақәҵара амчра аиуеит 2025 шықәса нанҳәа 1 инаркны. Аӡбара рыдыркылеит атәылауаа ацхыраара аиуразы рсоциалтә зинқәа рыхьчара, аҭаацәара арӷәӷәара, ан лгәабзиара ахьчара, атәылауаа аԥсыжратә усқәа рынагӡараҿы ацхыраара рыҭара азы ҳәа аҳәоит акьыԥхьымҭаҿы.Аԥыза-министр Владимир Делба Астатистиказы аҳәынҭқарратә еилакы ахантәаҩы Кама Гогьиаԥҳа анапынҵа лиҭеит уи аҿҳәареи аусмҩаԥгатәқәа рыплани рзы ажәалагалақәа азыҟалҵарц.Аԥсны ауааԥсыра аҵыхәтәан рышәҟәҭагалара мҩаԥысит 2011 шықәсазы.Аконституциатә реформақәаАԥсны Жәлар Реизара-Апарламент адепутатцәа аконституциатә реформазы аусуратә гәыԥ алахәылацәа алархәны Аԥсны Аконституциа аиҭакрақәа рпроектқәа ирылацәажәеит.Аиҭакра ҿыцқәа инарықәыршәаны, Аԥсны ахада изинмчхарақәа рыхәҭак аԥыза-министр инапы ианҵахоит, Жәлар Реизара-Апарламент Аминистрцәа реилазаара ашьақәгылара ахы аланархәуеит. Аҳәынҭқарра ахада иреиҳаӡоу акомандаҟаҵаҩ хада иоуп, иара Ашәарҭадаратә хеилак еиҿикаауеит, уи напхгара азиуеит, арратә доктринеи адәныҟатәи аполитика аконцепциеи адепутатцәа ирыдыркыларц азы ажәалагалақәа ҟаиҵоит.Апроект иара убасгьы иаҵанакуеит Апарламент алахәылацәа рхыԥхьаӡара 35-ҩык рҟынтәи 45-ҩык рҟынӡа аизырҳара, аха уи аамҭазы Жәлар Реизара азакәанқәа официалла реилкаареи, аҳәынҭқарратә биуџьет ашьақәырӷәӷәареи, уи анагӡара ахылаԥшреи рзы амчра аиуеит. Аиҿцәажәара аихшьаалақәа рыла, аганқәа атәыла ихадоу азакәан аиҭакрақәа реиқәыршәара иадҳәалоу аусура ацҵаразы еиқәшаҳаҭхеит.Аԥхынтәи асессиа аркуаАԥсны Жәлар Реизара адепутатцәа нанҳәа 4 инаркны ԥсшьара ицоит, аха уаанӡа ҩ-еилатәарак мҩаԥыргеит, аӡбрақәа рыдыркылеит.Апарламент аиҳабы Лаша Ашәба Гәылрыԥшь араион аҟны депутатс иалырхыз Асҭамыр Џьопуа иколлегацәа дыдирдырит.Адепутатцәа еицҿакны рыбжьы рҭиит иара атәылахьчареи амилаҭтә шәарҭадареи рзы ахеилаки аҵареи, аҭҵаарадырреи, адинхаҵареи, аинформациатә хархәагақәа рызҵаарақәеи рзы ахеилаки иалагаларазы.Аԥсны Жәлар Реизара – Апарламент Азакәанеидкыла "Административ-еилагаратә усқәа рзы аусӡбареиҿкаара азы" аиҭакрақәа аланагалеит.Урҭ аҳәаанырцә тәылауаа атәылаҿ рыҟазаареи, рынхареи, рџьатә усуреи ррежимқәа реилагаразы амиграциатә маҵзура аусзуҩцәа ишьақәдыргыло административтә ԥкаанҵақәа ирццакны рыхәаԥшра ауп иззырхоу.Иара убас, дара аҭыԥантәи ахаланапхгаратә усбарҭақәа рдепутатцәа рзинмчхарақәа 4 шықәса инаркны 5 шықәса рҟынӡа рыҿҳәара дырҭбааит, анаплак маҷи абжьаратәи анаплакреи рыҿиаразы азакәанԥҵара рыдыркылеит, Дранда ақыҭан ашьапылампыл аҿиаратә центр аартра иақәшаҳаҭхеит, Чернобыльтәи арыцҳара ахҟьаԥҟьақәа раԥыхыҩцәа рзы атәанчахәы еиздырҳаит, ақыҭанхамҩатә дгьылқәа даҽа категориақәак рахь риагаразы шықәсыбжак аморатори аларгалеит.Афымцамч аиураУрыстәылантәи афымцамч аашьҭра иалагоит нанҳәамза инаркны ҳәа аҳәамҭа ҟаиҵеит "Амшынеиқәафымцамч" аиҳабы Ҭемыр Џьынџьал арадио Sputnik аҿы.Аԥсны урыстәылатәи аган иацәажәоит афымцамч аашьҭразы аамҭеихша аиқәыршәаразы. Уи коммерциатәхоит, кВтк азы 3 мааҭк рҟынӡа ахә ҟалоит. Ахәшәара аилахәыра ахатә ԥаратә хархәагақәа рыла имҩаԥысуеит.Адокументқәа рыдкылараУрыстәыла атәылауаҩра аиуразы аусшәҟәқәа рыдыркылоит Аԥсны иҟоу Урыстәыла Ацҳаражәҳәарҭа аконсултә маҵзураҿы ҳәа аанацҳауеит аҩныҵҟатәи аусқәа рминистрра.Урыстәыла ахада иҟаиҵаз аусԥҟа инақәыршәаны, атәылауаҩра аиуразы арзаҳал алаҵара рылшоит 18 шықәса зхыҵхьоу, аусуратә лшарақәа змоу, 2008 шықәса нанҳәамза 26 рзы Аԥсны Аҳәынҭқарра атәылауаҩра змаз, насгьы арзаҳал аналарҵо аамҭазы уи зцәымӡыц ауааԥсыра.Риҵатәи апарк аҿиараАԥсны атуризм аминистр Асҭамыр Логәуеи Риҵатәи амилаҭ ҳәырԥсарра анаԥхгареи алацәажеит Риҵа аинфраструктура арҿыцреи аҳаутә мԥышҭақәа рышьақәыргылареи.Апарк аиҳабы Адамыр Багаҭелиа иажәақәа рыла, амилаҭ ҳәырԥсарра уахгьы-ҽынгьы аус ауеит 2022 шықәса раахыс, аха аинфраструктура аӡынтәи аамҭа иазыҟаҵам. Ихадоу ауадаҩрақәа иреиуоуп ӡыла аиқәыршәареи аҵыргәатә ргыларақәа рҭагылазаашьеи ҳәа иҳәеит иара.Иара убас, иҳәеит рхатә мчқәа рыла аӡфымцастанциа шеиҭашьақәдыргылаз, авидеорбагақәа шықәдыргылаз.Аминистр аҳәырԥсарра гәеиҭеит, еиликааит аӡиа Риҵа аԥшаҳәеи анаԥшырҭеи реиҭашьақәыргыларазы иаԥҵоу апроект, уи инақәыршәаны аԥшаҳәа аркхоит амашьынақәа рзы.Логәуа иазгәеиҭеит апарк аҿиареи амашьынақәа рыргыларҭа арҭбаареи рзы иацҵаны аҳәынҭқарратә инвестициақәа ралагалара шхымԥадатәиу.Ахырхарҭа ҿыцАҟәеи Санкт-Петербурги ишиашоу аҳаиреимадара шьақәдаргылоит ҳәа Sputnik адырра анаҭеит Аԥсны Аенергетика аминистрра.Аҩадатәи аҳҭнықалақь аҟнытә раԥхьатәи ареис инықәырԥшны иҟалараны иҟоуп нанҳәамза азбжазы.Атуроператор "Библио-Глобус" ишазгәанаҭо ала, аилахәыра iFly иатәу Airbus A330 актәи аԥырра азгәаҭоуп нанҳәа 14 рзы, аҩбатәи – нанҳәа 20 рзы.Анаҩс аҳаирплан ақалақьқәа ирыбжьыслоит мчыбжьык ахьтә ҩынтә, аԥшьашалеи мҽышалеи.Акурорт аҿы агәаҭарақәаГагра араион аҿы абнатә гыгшәыгқәа закәанда рхархәара аԥырҟәҟәааразы агәаҭарақәа мҩаԥысит.Амилициеи аекологиазы Аҳәынҭқарратә еилакы аусзуҩцәеи акурорт иаҵанакуа апаркқәеи, амшын аԥшаҳәеи, аџьармыкьақәеи гәарҭеит.Аԥстәқәа закәаншьаҭада рымазааразы административтә ԥкаанҵақәа фба еиқәыршәан.Иара убас, Аԥсны аҟазаара аԥҟарақәа реилагаразы, аԥстәқәа акоммерциатә хықәкқәа рзы зхы иазырхәоз хҩык урыстәылауаа рганахь алагьы административтә ԥкаанҵақәа еиқәдыршәеит."Хьыбла Герзмааԥҳа шәаалыԥхьоит..."Афестиваль "Хыбла Гьерзмааԥҳа шәаалыԥхьоит..." аҳәаақәа ирҭагӡаны Аԥсны имҩаԥысит ҩ-концертк. Раԥхьатәи аконцерт мҩаԥысит Аҟәа, Урыстәылеи Аԥсни жәлар рартист Евгени Книазев аконцерт аартуа иҳәеит, ареспублика раԥхьатәи ахада Владислав Арӡынба игәалашәара ишазку.Аоператә шәаҳәаҩы асценахь илыццәырҵит Хьыбла Гьерзмааԥҳа лыхьӡ зху Жәларбжьаратәи авокалистцәеи аконцертмеистерцәеи реицлабра алауреатцәеи афиналистцәеи – Полина Шароварова, Самира Галимова, Евгени Бовыкин, Елена Егиазариан, Екатерина Воронцова, Станислав Ли, Анхбаиар Енхболд, Дамир Садуахасов.Анаҩстәи аконцерт мҩаԥган Пицунда. Ари акультуратә усмҩаԥгатә иаҭааит аҳәынҭқарра ахада Бадра Гәынбеи акультура аминистр Даур Ақаҩбеи.Ахԥатәи аконцерт мҩаԥгахоит нанҳәа 4 рзы Бедиатәи ауахәамаҿы.
https://sputnik-abkhazia.info/20250731/badra-gynba-didikyleit-asni-urystylei-zhlar-rartistka-khybla-gerzmaaa-1056571530.html
https://sputnik-abkhazia.info/20250801/urystylati-amedia-futbolt-liga-asnyti-akomanda-alakhkhoit-1056606993.html
https://sputnik-abkhazia.info/20250729/badra-gynba-adomino-azy-asnyti-akomanda-dyryleit-1056523364.html
https://sputnik-abkhazia.info/20250730/urystylanti-afymtsamch-aashra-ialagoit-nanamza-inarkny-1056557475.html
https://sputnik-abkhazia.info/20250803/aei-sankt-peterburgi-rybzhara-aairma-shadargyloit-1056656017.html
Sputnik Аҧсны
media@sputniknews.com
+74956456601
MIA „Rossiya Segodnya“
2025
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны, аполитика, ауаажәларра, бадра гәынба
ажәабжьқәа, аԥсны, аполитика, ауаажәларра, бадра гәынба
Sputnik амчыбжь: атәыла ахада Гәдоуҭа иҟазаара, Апарламент аилатәара, Хьыбла Гьерзмааԥҳа
Аинформациатә маҵзура Sputnik иазнархиеит ԥхынгәы 28 инаркны нанҳәа 3 рҟынӡа ареспубликаҿы аҭыԥ змаз ахҭысқәа рыхҳәаа.
Аҳәынҭқарра ахада адкыларақәа раантәи иӡбарақәа, Гәдоуҭа араион аҿы иҟазаараан иҟаиҵаз анапынҵақәа, Бадра Гәынбеи жәлар рартистцәа Хьыбла Герзмааԥҳаи Евгени Книазеви реиԥылара шымҩаԥысыз, Апарламент адепутатцәа ԥсшьара рцамҭаз ирыдыркылаз азакәанԥҵарақәа ртәы шәаԥхьа Sputnik аматериал аҿы.
Жәлар рартистцәа рыдкылара
Аҳәынҭқарра ахада Бадра Гәынба дидикылеит Аԥсни Урыстәылеи жәлар рартистка Хьыбла Гьерзмааԥҳа.
Аиԥылара иара убас рхы аладырхәит Урыстәылеи Аԥсни жәлар рартист Евгени Книазеви Урыстәыла жәлар рартист Денис Мацуеви. Аиԥылара мҩаԥысит афестиваль "Хьыбла Гьерзмааԥҳа шәаалыԥхьоит..." аламҭалаз.
Аҳәынҭқарра ахада инаҵшьны иазгәеиҭеит, сынтәатәи афестиваль ишҷыдоу уи Владислав Арӡынба диижьҭеи 80 шықәса аҵра ишадҳәалоу.
Хьыбла Гьерзмааԥҳа иазгәалҭеит, Аԥсны раԥхьатәи ахада шиакәу раԥхьаӡа афестиваль амҩа азҭаз, лара аҳәынҭқарра ахада ҭабуп ҳәа иалҳәеит акыр шықәсқәа рыҩнуҵҟа ареспублика анапхгара иҟанаҵо адгыларазы.
Гьерзмааԥҳаи Книазеви атәыла ахада иҳәеит Аԥсуа драматә театр аҿиара адгылара аиҭарц.
Аԥсны Амедиатә шьапылампылтә лигаҿы
Аԥснытәи акоманда Урыстәыла амедиашьапылампылтә лига аицлабра алахәхаразы алшарақәа ирылацәажәеит аҳәынҭқарра ахада Бадра Гәынбеи алига аоперациатә директор Дмитри Кәартааи.
"Ҳара иаҳдыруеит аҿар рыбжьара ари аицлабра иамоу азҿлымҳара, ҳкоманда уи алахәхара даара аинтерес азаҵоуп. Жәаҳәарада, апрофессионалтә еицлабрақәа рылахәра иадҳәалоу аԥкрақәа ыҟоуп. Аха сара сгәанала, ари ахықәкы хада анагӡаразы ашьаҿақәа маҷзаргьы иҟаҳҵароуп", - ҳәа азгәеиҭеит Гәынба.
Кәартаа иҳәеит Амедиалига абиԥараҿа Аԥсны аӡбахә дырдырразы имыруганы ишыҟало.
Дмитри Кәартаа уаанӡа Sputnik иазеиҭеиҳәахьан ари аспорттә ԥшьгамҭа мацара акәым, ареспублика аӡыргара иазырхоу стратегиатә проектуп ҳәа.
Адомино азы Аԥсны еизго акоманда рԥылара
Бадра Гәынба адомино азы жәларбжьаратәи аицлабра Mexico-2025 аҿы аиааира згаз Аԥснытәи акоманда дырԥылеит.
"Иҭабуп ҳәа шәасҳәоит жәларбжьаратәи аренаҿы Аԥсны иаԥсоу ахаҭарнакра ахьаашәырԥшуа азы. Ас еиԥш аиндаҭларақәа рылахәхара ҳреспублика ахьӡ ҭнагоит, уи аҳаҭыр арӷәӷәоит. Шәеихьӡарақәа рыбзоурала еиуеиԥшым атәылақәа рҿы Аԥсны аӡбахә еилызкаауа еиҳа-еиҳа ирацәахоит", — ҳәа инаҵшьны иазгәеиҭеит аҳәынҭқарра ахада.
Аиԥылараҿы иара убасгьы иалацәажәеит, 2026 мамзаргьы 2027 шықәсазы адомино азы Адунеи ачемпионат Аԥсны имҩаԥгахар шалшо. Уи азҵаара шыӡбахо жьҭаарамзазы Пуерто-Рико имҩаԥысуа Ассамблеиа аҿы.
Гәдоуҭа араион аҿы агәаҭарақәа
Аԥсны ахада Бадра Гәынба Гәдоуҭа араион аҿы агәаҭарақәа мҩаԥигеит, хаҭала Дәрыԥшь ақыҭан иҟоу аӡеизакырҭа даҭааит.
Гәынба Акапиталтә ргылара аусбарҭа анапынҵа аиҭеит, Хыԥсҭа аӡиас амаҷхара иахҟьаны аԥхын араион аҿы иҟало аӡы аиԥҟьарақәа азҵаара ӡбазарц.
Аԥсны ахада араионтә поликлиникагьы даҭаит. Ара иара Акапиталтә ргылара аусбарҭа анапынҵа аиҭеит Гәдоуҭатәи араионтә поликлиника аиҭашьақәыргыларазы апроект-харџьынҵатә ашәҟәбӷьыцқәа аиқәыршәареи хәҭа-хәҭала ашьақәыргылара алагареи рзы. Раԥхьа иргыланы ахыб арҽеира азгәаҭоуп.
Гәдоуҭа ақалақь аҩнуҵҟа зҭагылазаашьа бааԥсу амҩахәҭақәа еиҭашьақәыргылахоит атәыла ахада иҟаиҵаз анапынҵа инақәыршәаны.
"Амҩатә инфраструктура аиҭашьақәыргыларазы ахарџьнҵа еиқәыршәоуп Акапиталтә ргылара аусбарҭа аекспертиза ашьҭахь", - ҳәа иҳәеит Акапиталтә ргылара аусбарҭа анапхгаҩы Демир Гамсаниа.
Гәдоуҭа ақалақь аҿы х-мҩак аинвестициатә программа иарбоуп: Кьаразаа рымҩа, Пушкин имҩа, ԥхынгәы 23 амҩа ҳәа иҳәеит иара.
Аԥсны ахада Бадра Гәынба Лыхны ақыҭан зых иақәиҭу аиқәԥарази абокси рзы азал арҽеиратә усурақәа рымҩаԥысшьа гәеиҭеит.
Азал аиҿкааразы аӡбра рыдыркылеит лаҵара 18 рзы, аҳәынҭқарра ахада Гәдоуҭа араион аҿы аусуратә ныҟәарыла даныҟаз.
Ахыбра арыцқьара иалагеит лаҵара 22 рзы. Азал аартра азгәаҭоуп 2025 шықәса цәыббрамзазы.
Ашәарақәеи ауааԥсыра ашәҟәы рҭагалареи
Аԥсны Асоциалтә ԥгаԥсеи аџьахьчареи рзы афонд иашәо, изныктәиу ашәарақәа ашьақәырӷәӷәаразы ақәҵара аԥсахрақәа аланагалеит Аминистрцәа реилазаара.
Ақәҵара амчра аиуеит 2025 шықәса нанҳәа 1 инаркны. Аӡбара рыдыркылеит атәылауаа ацхыраара аиуразы рсоциалтә зинқәа рыхьчара, аҭаацәара арӷәӷәара, ан лгәабзиара ахьчара, атәылауаа аԥсыжратә усқәа рынагӡараҿы ацхыраара рыҭара азы ҳәа аҳәоит акьыԥхьымҭаҿы.
Аԥыза-министр Владимир Делба инапынҵала Аԥсны ауааԥсыра ашәҟәы рҭагалара мҩаԥгахараны иҟоуп.
Аԥыза-министр Владимир Делба Астатистиказы аҳәынҭқарратә еилакы ахантәаҩы Кама Гогьиаԥҳа анапынҵа лиҭеит уи аҿҳәареи аусмҩаԥгатәқәа рыплани рзы ажәалагалақәа азыҟалҵарц.
Аԥсны ауааԥсыра аҵыхәтәан рышәҟәҭагалара мҩаԥысит 2011 шықәсазы.
Аконституциатә реформақәа
Аԥсны Жәлар Реизара-Апарламент адепутатцәа аконституциатә реформазы аусуратә гәыԥ алахәылацәа алархәны Аԥсны Аконституциа аиҭакрақәа рпроектқәа ирылацәажәеит.
Аиҭакра ҿыцқәа инарықәыршәаны, Аԥсны ахада изинмчхарақәа рыхәҭак аԥыза-министр инапы ианҵахоит, Жәлар Реизара-Апарламент Аминистрцәа реилазаара ашьақәгылара ахы аланархәуеит. Аҳәынҭқарра ахада иреиҳаӡоу акомандаҟаҵаҩ хада иоуп, иара Ашәарҭадаратә хеилак еиҿикаауеит, уи напхгара азиуеит, арратә доктринеи адәныҟатәи аполитика аконцепциеи адепутатцәа ирыдыркыларц азы ажәалагалақәа ҟаиҵоит.
Апроект иара убасгьы иаҵанакуеит Апарламент алахәылацәа рхыԥхьаӡара 35-ҩык рҟынтәи 45-ҩык рҟынӡа аизырҳара, аха уи аамҭазы Жәлар Реизара азакәанқәа официалла реилкаареи, аҳәынҭқарратә биуџьет ашьақәырӷәӷәареи, уи анагӡара ахылаԥшреи рзы амчра аиуеит. Аиҿцәажәара аихшьаалақәа рыла, аганқәа атәыла ихадоу азакәан аиҭакрақәа реиқәыршәара иадҳәалоу аусура ацҵаразы еиқәшаҳаҭхеит.
Аԥсны Жәлар Реизара адепутатцәа нанҳәа 4 инаркны ԥсшьара ицоит, аха уаанӡа ҩ-еилатәарак мҩаԥыргеит, аӡбрақәа рыдыркылеит.
Апарламент аиҳабы Лаша Ашәба Гәылрыԥшь араион аҟны депутатс иалырхыз Асҭамыр Џьопуа иколлегацәа дыдирдырит.
Адепутатцәа еицҿакны рыбжьы рҭиит иара атәылахьчареи амилаҭтә шәарҭадареи рзы ахеилаки аҵареи, аҭҵаарадырреи, адинхаҵареи, аинформациатә хархәагақәа рызҵаарақәеи рзы ахеилаки иалагаларазы.
Аԥсны Жәлар Реизара – Апарламент Азакәанеидкыла "Административ-еилагаратә усқәа рзы аусӡбареиҿкаара азы" аиҭакрақәа аланагалеит.
Урҭ аҳәаанырцә тәылауаа атәылаҿ рыҟазаареи, рынхареи, рџьатә усуреи ррежимқәа реилагаразы амиграциатә маҵзура аусзуҩцәа ишьақәдыргыло административтә ԥкаанҵақәа ирццакны рыхәаԥшра ауп иззырхоу.
Иара убас, дара аҭыԥантәи ахаланапхгаратә усбарҭақәа рдепутатцәа рзинмчхарақәа 4 шықәса инаркны 5 шықәса рҟынӡа рыҿҳәара дырҭбааит, анаплак маҷи абжьаратәи анаплакреи рыҿиаразы азакәанԥҵара рыдыркылеит, Дранда ақыҭан ашьапылампыл аҿиаратә центр аартра иақәшаҳаҭхеит, Чернобыльтәи арыцҳара ахҟьаԥҟьақәа раԥыхыҩцәа рзы атәанчахәы еиздырҳаит, ақыҭанхамҩатә дгьылқәа даҽа категориақәак рахь риагаразы шықәсыбжак аморатори аларгалеит.
Урыстәылантәи афымцамч аашьҭра иалагоит нанҳәамза инаркны ҳәа аҳәамҭа ҟаиҵеит "Амшынеиқәафымцамч" аиҳабы Ҭемыр Џьынџьал арадио Sputnik аҿы.
Аԥсны урыстәылатәи аган иацәажәоит афымцамч аашьҭразы аамҭеихша аиқәыршәаразы. Уи коммерциатәхоит, кВтк азы 3 мааҭк рҟынӡа ахә ҟалоит. Ахәшәара аилахәыра ахатә ԥаратә хархәагақәа рыла имҩаԥысуеит.
Урыстәыла атәылауаҩра аиуразы аусшәҟәқәа рыдыркылоит Аԥсны иҟоу Урыстәыла Ацҳаражәҳәарҭа аконсултә маҵзураҿы ҳәа аанацҳауеит аҩныҵҟатәи аусқәа рминистрра.
Урыстәыла ахада иҟаиҵаз аусԥҟа инақәыршәаны, атәылауаҩра аиуразы арзаҳал алаҵара рылшоит 18 шықәса зхыҵхьоу, аусуратә лшарақәа змоу, 2008 шықәса нанҳәамза 26 рзы Аԥсны Аҳәынҭқарра атәылауаҩра змаз, насгьы арзаҳал аналарҵо аамҭазы уи зцәымӡыц ауааԥсыра.
Аԥсны атуризм аминистр Асҭамыр Логәуеи Риҵатәи амилаҭ ҳәырԥсарра анаԥхгареи алацәажеит Риҵа аинфраструктура арҿыцреи аҳаутә мԥышҭақәа рышьақәыргылареи.
Апарк аиҳабы Адамыр Багаҭелиа иажәақәа рыла, амилаҭ ҳәырԥсарра уахгьы-ҽынгьы аус ауеит 2022 шықәса раахыс, аха аинфраструктура аӡынтәи аамҭа иазыҟаҵам. Ихадоу ауадаҩрақәа иреиуоуп ӡыла аиқәыршәареи аҵыргәатә ргыларақәа рҭагылазаашьеи ҳәа иҳәеит иара.
Иара убас, иҳәеит рхатә мчқәа рыла аӡфымцастанциа шеиҭашьақәдыргылаз, авидеорбагақәа шықәдыргылаз.
Аминистр аҳәырԥсарра гәеиҭеит, еиликааит аӡиа Риҵа аԥшаҳәеи анаԥшырҭеи реиҭашьақәыргыларазы иаԥҵоу апроект, уи инақәыршәаны аԥшаҳәа аркхоит амашьынақәа рзы.
Логәуа иазгәеиҭеит апарк аҿиареи амашьынақәа рыргыларҭа арҭбаареи рзы иацҵаны аҳәынҭқарратә инвестициақәа ралагалара шхымԥадатәиу.
Аҟәеи Санкт-Петербурги ишиашоу аҳаиреимадара шьақәдаргылоит ҳәа Sputnik адырра анаҭеит Аԥсны Аенергетика аминистрра.
Аҩадатәи аҳҭнықалақь аҟнытә раԥхьатәи ареис инықәырԥшны иҟалараны иҟоуп нанҳәамза азбжазы.
Атуроператор "Библио-Глобус" ишазгәанаҭо ала, аилахәыра iFly иатәу Airbus A330 актәи аԥырра азгәаҭоуп нанҳәа 14 рзы, аҩбатәи – нанҳәа 20 рзы.
Анаҩс аҳаирплан ақалақьқәа ирыбжьыслоит мчыбжьык ахьтә ҩынтә, аԥшьашалеи мҽышалеи.
Гагра араион аҿы абнатә гыгшәыгқәа закәанда рхархәара аԥырҟәҟәааразы агәаҭарақәа мҩаԥысит.
Амилициеи аекологиазы Аҳәынҭқарратә еилакы аусзуҩцәеи акурорт иаҵанакуа апаркқәеи, амшын аԥшаҳәеи, аџьармыкьақәеи гәарҭеит.
Аԥстәқәа закәаншьаҭада рымазааразы административтә ԥкаанҵақәа фба еиқәыршәан.
Иара убас, Аԥсны аҟазаара аԥҟарақәа реилагаразы, аԥстәқәа акоммерциатә хықәкқәа рзы зхы иазырхәоз хҩык урыстәылауаа рганахь алагьы административтә ԥкаанҵақәа еиқәдыршәеит.
"Хьыбла Герзмааԥҳа шәаалыԥхьоит..."
Афестиваль "Хыбла Гьерзмааԥҳа шәаалыԥхьоит..." аҳәаақәа ирҭагӡаны Аԥсны имҩаԥысит ҩ-концертк. Раԥхьатәи аконцерт мҩаԥысит Аҟәа, Урыстәылеи Аԥсни жәлар рартист Евгени Книазев аконцерт аартуа иҳәеит, ареспублика раԥхьатәи ахада Владислав Арӡынба игәалашәара ишазку.
Аоператә шәаҳәаҩы асценахь илыццәырҵит Хьыбла Гьерзмааԥҳа лыхьӡ зху Жәларбжьаратәи авокалистцәеи аконцертмеистерцәеи реицлабра алауреатцәеи афиналистцәеи – Полина Шароварова, Самира Галимова, Евгени Бовыкин, Елена Егиазариан, Екатерина Воронцова, Станислав Ли, Анхбаиар Енхболд, Дамир Садуахасов.
Анаҩстәи аконцерт мҩаԥган Пицунда. Ари акультуратә усмҩаԥгатә иаҭааит аҳәынҭқарра ахада Бадра Гәынбеи акультура аминистр Даур Ақаҩбеи.
Ахԥатәи аконцерт мҩаԥгахоит нанҳәа 4 рзы Бедиатәи ауахәамаҿы.
