Афонҿыцтәи "Аԥсар" аԥсуа милаҭтә хәмарра "Аимҵакьачара" азы ачемпионат иаиааит
17:20 21.12.2025 (ирҿыцуп: 17:38 21.12.2025)
© Sputnik / Томас Тхайцук
Анапаҵаҩра
АҞӘА, ԥхынҷкәын 21 - Sputnik. Афонҿыцтәи "Аԥсар" аԥсуа милаҭтә хәмарра "Аимҵакьачара" азы ачемпионат иаиааит адуцәа рыбжьара, абри атәы Sputnik иазеиҭеиҳәеит Амилаҭтә спорт хәмаррақәа рфедерациа ахада Адгәыр Гәынба.
Аҩбатәи аҭыԥ иаԥсахеит "Ҷлоуаа", ахԥатәи — Кәтол ақыҭа акоманда.
Ақәыԥшцәа рыбжьара актәи аҭыԥ ргеит Аҟәатәи ахәбатәи абжьаратә школ аҵаҩцәа, аҩбатәи — актәи абжьаратә школ, ахԥатәи — акоманда "Дәрыԥшь".
Гәынба иажәақәа рыла, ачемпионат есышықәсатәихоит. Иааиуа ашықәс азы амилаҭтә хәмаррақәа даҽа ҩба ралагалара азгәаҭоуп.
Аԥсуа милаҭтә хәмарра "Аимҵакьачара" азы раԥхьатәи ачемпионат Аԥсны еиуеиԥшым ақалақьқәеи араионқәа рҟны имҩаԥысуан жьҭаара 27 инаркны ԥхынҷкәын 21 рҟынӡа. Уи аа-командак алахәын, аԥхьахәтә фонд — 400 нызқь мааҭ.
"Аимҵакьачара" — аԥсуа жәлар рмилаҭтә хәмарроуп, регби ахәмарра еиԥшуп. Ҩыџьа алабақәа кны, ампыл ҩхалаҵаны, лабала иасны, досу икоманда ириҭо ампыл асратә хәмарроуп.
Аҩбатәи аҭыԥ иаԥсахеит "Ҷлоуаа", ахԥатәи — Кәтол ақыҭа акоманда.
Ақәыԥшцәа рыбжьара актәи аҭыԥ ргеит Аҟәатәи ахәбатәи абжьаратә школ аҵаҩцәа, аҩбатәи — актәи абжьаратә школ, ахԥатәи — акоманда "Дәрыԥшь".
Гәынба иажәақәа рыла, ачемпионат есышықәсатәихоит. Иааиуа ашықәс азы амилаҭтә хәмаррақәа даҽа ҩба ралагалара азгәаҭоуп.
Аԥсуа милаҭтә хәмарра "Аимҵакьачара" азы раԥхьатәи ачемпионат Аԥсны еиуеиԥшым ақалақьқәеи араионқәа рҟны имҩаԥысуан жьҭаара 27 инаркны ԥхынҷкәын 21 рҟынӡа. Уи аа-командак алахәын, аԥхьахәтә фонд — 400 нызқь мааҭ.
"Аимҵакьачара" — аԥсуа жәлар рмилаҭтә хәмарроуп, регби ахәмарра еиԥшуп. Ҩыџьа алабақәа кны, ампыл ҩхалаҵаны, лабала иасны, досу икоманда ириҭо ампыл асратә хәмарроуп.
