Атәылауаа иҟарҵо аҳәарақәа рыхәаԥшра аԥҟаразы азакәан ахь ариашарақәа рыдыркылеит
12:14 18.03.2026 (ирҿыцуп: 13:11 18.03.2026)
© Sputnik / Томас Тхайцук
Анапаҵаҩра
АҞӘА, хәажәкыра 18 — Sputnik. Аԥсны Апарламент аҩбатәи аԥхьарала иаднакылеит атәылауаа иҟарҵо аҳәарақәа рыхәаԥшра аԥҟаразы азакәан ахь ариашарақәа.
Ирыдыркылаз аиҭакрақәа инарықәыршәаны:
Аҳәынҭқарратә усбарҭақәеи аҭыԥантәи ахаланапхгаратә усбарҭақәеи рахь официалла аҳәара аҟаҵара азин рымоуп уажәшьҭа Аԥсны ахатәхаҿқәа рыдагьы, аиуристтә хаҿқәагьы.
Азакәан атәылауааи аиуристтә хаҿқәеи рзыҳәақәа ахархәара иадҳәалоу азинтә еизыҟазаашьақәа рҭышәынтәалара алнаршоит.
Ишьақәыргылоу ахәаԥшраз аԥҟара, аиҿкаарақәа иҟарҵо аҳәарқәа аус рыдулараан аҳәынҭқарратә усбарҭақәеи, аҭыԥантәи ахаланапхгаратә усбарҭақәеи, амаҵурауааи зегьы рзы ихымԥадатәины иҟалоит.
Азакәан аусура иаҵанакуеит аҳәарақәа рыхкқәа зегьы, азакәанԥҵара ҷыда ишьақәнаргылаз даҽа ԥҟарак ала изхәаԥштәқәоу рыда.
