Аԥсны аҭыԥантәи Аизарақәа рахь адепутатцәа рзы изхымсуа иреиҵоу ақәра иацырҵар алшоит
14:27 18.03.2026 (ирҿыцуп: 15:21 18.03.2026)
© Sputnik / Томас Тхайцук
Анапаҵаҩра
АҞӘА, хәажәкыра 18 — Sputnik. Аԥсны аҭыԥантәи Аизарақәа рахь адепутатцәа рзы изхымсуа иреиҵоу ақәра 25 шықәса инаркны 28 шықәса рҟынӡа иацырҵар алшоит.
Абри азы аҭыԥантәи ахаланапхгараҭаратә усбарҭақәа рахь алхрақәа рзы азакәан аиҭакрақәа аларгалеит Апарламент адепутатцәа актәи аԥхьарала.
Егьырҭ ариашарақәа инарықәыршәаны:
Алхратә процесс иалахәхар ҟалоит Аԥсны атәылауаа мацара.
Еиуеиԥшым аҩаӡара змоу Аизарақәа рахь алхра азин аҿы азакәанԥҵаратә ԥкрақәа ирыҵаркуа ауаа дырҭбаауеит.
Алхратә комиссиақәа рлахәылацәа рзы ақәратә ценз шьақәдыргылоит 25 шықәса инаркны, иара убасгьы урҭ ахьышьақәгыло араионқәа рҿы иааиԥмырҟьаӡакәа рынхара хымԥадазарц азыӡбоуп.
Алхратә биуллетенқәа ртекстқәа уажәшьҭа аҳәынҭқарратә бызшәақәа – аԥсышәалеи урысшәалеи еиқәыршәалатәуп.
Аҭыԥантәи ахаланапхаграҭаратә усбарҭақәа рдепутатцәа акандидатцәа рықәыргыларазы аԥшьгаратә гәыԥқәа рылалара азин рымам.
Анапаҵаҩратә бӷьыцқәа рҿы алхҩы ихаҭара шьақәзырӷәӷәо адокументқәа рсиа иалххоит аҳәоу "уи зыԥсахуа адокумент". Уажәшьҭа изакәантәу документны иԥхьаӡоуп Аԥсны атәылауаҩшәҟәы мацара.
Аԥсны азакәанԥҵаратә, ма анагӡаратә мчра аусбарҭақәа рааԥхьарала жәларбжьаратәи анаԥшцәа аҭыԥантәи алхрақәа рылахәхаразы алшара азԥхьагәаҭоуп.
18 Хәажәкыра, 12:51
