Назаров: аекономикатә форум "Аԥсны — ԥхьаҟатәи аинвестициақәа" зымҽхак ҭбаау усмҩаԥгатәуп
12:34 01.04.2026 (ирҿыцуп: 13:03 03.04.2026)
© Sputnik / Томас Тхайцук
Анапаҵаҩра
АҞӘА, мшаԥы 1 — Sputnik. Жәларбжьаратәи аекономикатә форум "Аԥсны — ԥхьаҟатәи аинвестициақәа" — зымҽхак ҭбаау усмҩаԥгатәуп, уи аҵакы ахә ашьара уадаҩуп ҳәа азгәеиҭеит Урыстәыла аекономикатә ҿиара аминистр ихаҭыԥуаҩ Сергеи Назаров.
Иара иҳәеит ареспублика аҳәаанырцәтәи абизнес аус ацура аганахьала акыр иҭахкааны ишыҟоу, урыстәылатәи анаплакҩцәеи иареи русеицура ԥхьаҟа аҿиара ишацхраауа.
Назаров иазгәеиҭеит Аԥсны алшара ду, иҳәеит уи иуникалтәу агеографиатә ҭагылазаашьа шамоу.
"Хазы зхала зхы ныҟәызго ҳәынҭқаррак аҳасаб ала аҿиара аатәы уҳәозар, сгәанала, даара аԥеиԥш бзиақәа ыҟоуп. Ҳаргьы уи ауп хықәкыс иҳамоу", — азгәеиҭеит иара.
Сергеи Назаров иҳәеит Аекономикатә ҿиара аминистрра Аԥсны аекономика аусхк хада — атуризм арҿиара ишацхраауа: альготатә кредитаҭара апрограмма аус ауеит, аглемпингқәа рыргылара адгылара анаҭоит, атранспорттә еимадареи аҩ-тәылак ртуроператорцәа реинырри шьақәгылоит.
"Сколлегацәа, Аԥсны алшарақәа еилызкаауа зегьы афорум ахь ааԥхьара рысҭоит. Иззеилымкаауагьы уахь инеир рылшоит, нас еилыркаауеит ари атәыла аинвестициақәа рзы акыр улаԥш здызхало ҭыԥны ишыҟоу", — иҳәеит иара.
Иара иҳәеит ареспублика аҳәаанырцәтәи абизнес аус ацура аганахьала акыр иҭахкааны ишыҟоу, урыстәылатәи анаплакҩцәеи иареи русеицура ԥхьаҟа аҿиара ишацхраауа.
Назаров иазгәеиҭеит Аԥсны алшара ду, иҳәеит уи иуникалтәу агеографиатә ҭагылазаашьа шамоу.
"Хазы зхала зхы ныҟәызго ҳәынҭқаррак аҳасаб ала аҿиара аатәы уҳәозар, сгәанала, даара аԥеиԥш бзиақәа ыҟоуп. Ҳаргьы уи ауп хықәкыс иҳамоу", — азгәеиҭеит иара.
Сергеи Назаров иҳәеит Аекономикатә ҿиара аминистрра Аԥсны аекономика аусхк хада — атуризм арҿиара ишацхраауа: альготатә кредитаҭара апрограмма аус ауеит, аглемпингқәа рыргылара адгылара анаҭоит, атранспорттә еимадареи аҩ-тәылак ртуроператорцәа реинырри шьақәгылоит.
"Сколлегацәа, Аԥсны алшарақәа еилызкаауа зегьы афорум ахь ааԥхьара рысҭоит. Иззеилымкаауагьы уахь инеир рылшоит, нас еилыркаауеит ари атәыла аинвестициақәа рзы акыр улаԥш здызхало ҭыԥны ишыҟоу", — иҳәеит иара.
