Аԥсни Башкортосҭани аусеицуразы азҵаарақәа ирылацәажәеит
14:24 08.05.2026 (ирҿыцуп: 15:27 08.05.2026)
© Sputnik
Анапаҵаҩра
АҞӘА, лаҵара 8 — Sputnik. Аԥсны Атуризм аминистр Асҭамыр Логәуа Башкортосҭантәи аделегациа дырԥылеит.
Аделегациа иалахәуп адәныҟаекономикатә еимадарақәеи аконгресстә усуреи рминистр Маргарита Болычевеи башкириатәи атурфирмақәа рхаҭарнакцәеи.
Логәуа иазгәеиҭеит, Башкортосҭан Аԥсны ишацхраауаз зегь реиҳа иуадаҩыз аибашьра ашықәсқәа раан, уажәгьы ареспублика адгылара шанаҭо.
Аделегациа иалахәуп адәныҟаекономикатә еимадарақәеи аконгресстә усуреи рминистр Маргарита Болычевеи башкириатәи атурфирмақәа рхаҭарнакцәеи.
Логәуа иазгәеиҭеит, Башкортосҭан Аԥсны ишацхраауаз зегь реиҳа иуадаҩыз аибашьра ашықәсқәа раан, уажәгьы ареспублика адгылара шанаҭо.
Иара убасгьы инаҵшьны иазгәеиҭеит, Аҟәеи Уфеи рыбжьара аҳаиреимадара ашьақәыргылара аҵак ду шамоу, иҳәеит хыԥхьаӡара рацәала башкириатәи атуристцәа атәыла раҭаара ишақәгәыӷуа.
Болычева лакәзар, Аԥсны Башкортосҭан аҩыза ду, апартниор ҳәа ахылҳәааит. Лара лажәақәа рыла, ари аусеицура аҿиара арегион аиҳабыра рзы акырӡа аҵанакуеит.
Болычева лакәзар, Аԥсны Башкортосҭан аҩыза ду, апартниор ҳәа ахылҳәааит. Лара лажәақәа рыла, ари аусеицура аҿиара арегион аиҳабыра рзы акырӡа аҵанакуеит.
Атуризм аусхк аҟны Аԥсни ҳареи ҳаинырра аҿиара акырӡа аҵанакуеит Башкортосҭан азы ҳәа азгәалҭеит лара.
"Арҭ азҵаарақәа ӡбоуп, аусеицура мҩаԥысуеит Урыстәылеи Башкортосҭани рганахьала. Ҳареи ҳминистрцәеи ҳколлегацәа — атуроператорцәа напык ала, егьи ҳнапала — аредактор хадацәа, АИХ-қәа рхаҭарнакцәа рнапқәа аанкыланы, урҭ ҳрыцны ҳааны ари аус шьақәҳаргылалароуп", — ҳәа лҳәеит Болычева.
Аминистр лажәақәа рыла, еиуеиԥшым атурмаҵзурақәа еиуеиԥшым аԥсшьаратә хкқәа ирызҟазоуп — аӡәы 50 шықәса ирҭысхьоу аныҟәаҩцәа рзы амаҵзурақәа рыдигалоит, даҽаӡәы – аҿар рзы.
"Хықәкылатәи аудиториақәа зегьы ирымоуп рхатәы туристтә операторцәа. Убри азы ҳара иаҳҭахуп доусы дара ааны иахәаԥшырц, ҳаибадырырц", — ҳәа инаҵшьны иазгәалҭеит лара.
