Апроект "Жәлар рсцена – Лабҿаба" адуцәа реицлабра афиналистцәа алкаахеит
22:25 17.05.2026 (ирҿыцуп: 23:00 17.05.2026)
© Sputnik / Томас Тхайцук
Анапаҵаҩра
АҞӘА, лаҵара 17 — Sputnik. Аҳәынҭқарратә филармониаҿы имҩаԥысыз апроект "Жәлар рсцена – Лабҿаба" адуцәа реицлабраҿ афиналистцәа алкаахеит.
Афиналбжаҿы иқәгылеит апроект алахәылацәа ааҩык.
Афиналбжа аԥҟара инақәыршәаны, фҩык алахәылацәа афинал ахь инеир ахәҭоуп.
Афиналбжаҿы иқәгылеит апроект алахәылацәа ааҩык.
Афиналбжа аԥҟара инақәыршәаны, фҩык алахәылацәа афинал ахь инеир ахәҭоуп.
Ҩ-қәгыларак рышьҭахь, зегь реиҳа абаллқәа маҷны изауз Алан Кархалаа апроект аанижьит. Даҽа ҩыџьа алахәылацәа Сиена Лашәриаԥҳаи Валентин Цоцериӡеи рбаллқәа еиҟаран аҟнытә даҽа ашәак-ашәак нарыгӡеит. Аӡбаҩцәа рыӡбамҭала афиналахь днеит Сиена Лашәриаԥҳа.
Иара убас, апроект аҿы аиааира агаразы еицлабуеит Инара Кәыџԥҳа, Теона Тачлиаԥҳа, Милада Ладариаԥҳа, Елена Алхазова, Аслан Чачаа.
Афиналбжаҿы аӡбаҩцәас иҟан апроект "Жәлар рсцена – Лабҿаба" аԥҵаҩы Теимураз Ҭаниа, амузыкант, акомпозитор Ҭемыр Агрба, Акультура аминистрра арҿиаратә економикеи акультуратә усхкқәеи рыҟәша аиҳабы Светлана Габуниаԥҳа, амузыкант Денис Ҳагба.
Афиналбжаҿы аӡбаҩцәас иҟан апроект "Жәлар рсцена – Лабҿаба" аԥҵаҩы Теимураз Ҭаниа, амузыкант, акомпозитор Ҭемыр Агрба, Акультура аминистрра арҿиаратә економикеи акультуратә усхкқәеи рыҟәша аиҳабы Светлана Габуниаԥҳа, амузыкант Денис Ҳагба.
Апроект ахәыҷтәы еицлабра иалахәуп 8 шықәса инаркны 14 шықәсанӡа, адуцәа — 16 шықәса инареиҳаны.
"Жәлар рысцена — Лабҿаба" шьақәгылоуп ҩ-сезонкны. Уи ахықәкы хада — ԥшьхырхарҭак рыла абаҩхатәра злоу ралԥшаара: авокал, ахореографиа, аратортә ҟазара, амилаҭә музыкатә рҳәагақәа рарҳәара.
