Аԥсны ихыркәшахеит Урыстәыла арегион ҿыцқәа рҟынтәи ахәыҷтәы лагер "Уаҵәашьҭахь"
16:06 14.06.2026 (ирҿыцуп: 17:16 14.06.2026)
© Sputnik / Акоп Кущян
Анапаҵаҩра
АҞӘА, рашәара 14— Sputnik. Аԥсны ахәыҷтәы лагер "Уаҵәашьҭахь" хыркәшахеит ҳәа Sputnik иазеиҭалҳәеит ахәыҷы изинқәа рыхьчаразы азинмчы змоу Мактина Џьынџьалԥҳа.
Ҩымчыбжь рыҩнуҵҟала Аҟәа иҟоу апансионат "Аиҭари" "Акурорт Пицундеи" рыԥсы ршьеит ДЖәР, ЛЖәР, Урыстәыла хәбаҟа региони рҟынтәи 213-ҩык ахәыҷқәа. Урҭ рыбжьара иҟан ахәыҷкәа мҩаԥызгоз 28-ҩык аҟазацәа — арҵаҩцәа, апсихологцәа, амҩаԥгаҩцәа.
Ҩымчыбжь рыҩнуҵҟала Аҟәа иҟоу апансионат "Аиҭари" "Акурорт Пицундеи" рыԥсы ршьеит ДЖәР, ЛЖәР, Урыстәыла хәбаҟа региони рҟынтәи 213-ҩык ахәыҷқәа. Урҭ рыбжьара иҟан ахәыҷкәа мҩаԥызгоз 28-ҩык аҟазацәа — арҵаҩцәа, апсихологцәа, амҩаԥгаҩцәа.
"Ахәыҷқәа рҭаацәеи дареи рыԥсы ршьон. Апрограмма азкын апсихологиатә реабилитациа, аицәажәара, аиҩызара арӷәӷәара. Жәаҳәарада, ҳара иаҳҭахын ҩымчыбжьк рыҩнуҵҟа дара ирхыргаз рхадыршҭырц", — ҳәа азгәалҭеит Џьынџьалԥҳа.
Ахәыҷқәа рзы еиҿкаан аклиникатә психолог Михаил Григориев иҟазартә-классқәа, аекскурсиақәа аӡиас Риҵа, Пицунда, Аҟәа, Кындыӷ аҭаара.
Афонд "Ахәыҷқәа ртәыла" еиҿнакаауа алагер "Уаҵәашьҭахь" апроект хылаԥшра азылуеит Урыстәыла ахәыҷы изинқәа рыхьчаразы азинмчы змоу Мария Львова-Белова. Урыстәылатәи рколлегацәа ажәалагалақәа ҟарҵахьеит Аԥснынтәи зҭагылазаашьа уадаҩ ахәыҷқәа рзы ас еиԥш алагер аиҿкааразы ҳәа лҳәеит Џьынџьалԥҳа.
Афонд "Ахәыҷқәа ртәыла" еиҿнакаауа алагер "Уаҵәашьҭахь" апроект хылаԥшра азылуеит Урыстәыла ахәыҷы изинқәа рыхьчаразы азинмчы змоу Мария Львова-Белова. Урыстәылатәи рколлегацәа ажәалагалақәа ҟарҵахьеит Аԥснынтәи зҭагылазаашьа уадаҩ ахәыҷқәа рзы ас еиԥш алагер аиҿкааразы ҳәа лҳәеит Џьынџьалԥҳа.
