Аԥсуаҭҵааратә институт 100 шықәса ахыҵра иазку ашәҟәы ҭыҵит
17:08 01.07.2026 (ирҿыцуп: 17:50 01.07.2026)
© telegram sputnik_apsny_info
Анапаҵаҩра
АҞӘА, ԥхынгәы 1 — Sputnik. Аԥсны Аҭҵаарадыррақәа ракадемиа иатәу Д.И. Гәлиа ихьӡ зху Аԥсуаҭҵааратә институт 100 шықәса ахыҵра иазку ашәҟәы "Аԥсуаҭҵаара Ацентр: аҭоурыхи иахьатәи аамҭеи" ҭыжьуп.
Аҭҵаарадырратә ҭыжьымҭа автор — 1999 шықәса инаркны 2016 шықәсанӡа аинститут напхгара азҭоз афилологиатә ҭҵаарадыррақәа ркандидат Уасил Аҩӡба.
Ашәҟәы иануп Аԥсны иналукааша аҭҵаарадырратә еиҿкаарақәа руак аҭоурых азы иаазыркьаҿу аочерк, еиҭаҳәоуп аусбарҭа аԥҵареи, ашьақәгылареи, аҿиареи, ҳаамҭазтәи аҭагылазаашьеи ретап хадақәа ртәы, иаарԥшуп Аԥсны агуманитартә ҭҵаарадырра аҿиараҿы злагала дуу аинститут аусзуҩцәа русура, еиқәыԥхьаӡоуп еиҳа аҵакы змоу русумҭақәа.
Иара убасгьы ацҵаҿы иарбоуп 1993-2025 шықәсқәа рызтәи аинститут аҭыжьымҭақәа рбиблиографиатә еиқәыԥхьаӡа, уи 660 пункт рҟынӡа ыҟоуп.
Ашәҟәы "Аԥсуаҭҵаара Ацентр: аҭоурыхи иахьатәи аамҭеи" ҭыҵит "Акьыԥхь Аҩнаҿы", 500 екземплиар атираж аманы.
2025 шықәсазы аԥсуа бызшәеи алитературеи Ракадемиа аадыртижьҭеи 100 шықәса ҵит. Еиуеиԥшым ашықәсқәа рзы аҭҵаарадырратә усбарҭа ахьӡ аҽаԥсахуан. Иахьа ари Аԥсны Аҭҵаарадыррақәа Ракадемиа иатәу Дырмит Гәлиа ихьӡ зху Аԥсуаҭҵааратә институт ауп.
Аҭҵаарадырратә ҭыжьымҭа автор — 1999 шықәса инаркны 2016 шықәсанӡа аинститут напхгара азҭоз афилологиатә ҭҵаарадыррақәа ркандидат Уасил Аҩӡба.
Ашәҟәы иануп Аԥсны иналукааша аҭҵаарадырратә еиҿкаарақәа руак аҭоурых азы иаазыркьаҿу аочерк, еиҭаҳәоуп аусбарҭа аԥҵареи, ашьақәгылареи, аҿиареи, ҳаамҭазтәи аҭагылазаашьеи ретап хадақәа ртәы, иаарԥшуп Аԥсны агуманитартә ҭҵаарадырра аҿиараҿы злагала дуу аинститут аусзуҩцәа русура, еиқәыԥхьаӡоуп еиҳа аҵакы змоу русумҭақәа.
Иара убасгьы ацҵаҿы иарбоуп 1993-2025 шықәсқәа рызтәи аинститут аҭыжьымҭақәа рбиблиографиатә еиқәыԥхьаӡа, уи 660 пункт рҟынӡа ыҟоуп.
Ашәҟәы "Аԥсуаҭҵаара Ацентр: аҭоурыхи иахьатәи аамҭеи" ҭыҵит "Акьыԥхь Аҩнаҿы", 500 екземплиар атираж аманы.
2025 шықәсазы аԥсуа бызшәеи алитературеи Ракадемиа аадыртижьҭеи 100 шықәса ҵит. Еиуеиԥшым ашықәсқәа рзы аҭҵаарадырратә усбарҭа ахьӡ аҽаԥсахуан. Иахьа ари Аԥсны Аҭҵаарадыррақәа Ракадемиа иатәу Дырмит Гәлиа ихьӡ зху Аԥсуаҭҵааратә институт ауп.
