Аԥсны зҽаԥсазтәыз ажурналист Екатерина Бебиаԥҳа лышәҟәы ҿыц ӡырган Аҟәа
13:31 13.07.2026 (ирҿыцуп: 15:48 13.07.2026)
© Sputnik / Томас Тхайцук
Анапаҵаҩра
АҞӘА, ԥхынгәы 13 — Sputnik. Аԥсны зҽаԥсазтәыз ажурналист Екатерина Бебиаԥҳа лышәҟәы ҿыц ӡырган "Адыррақәа рыҩны" аҿы.
"Ииасхьоу аиаша" ("Истина о минувшем"-аред.) — 1930-тәи ашықәсқәа рзы аполитикатә репрессиақәа ирылаӡыз ирызку ашәҟәқәа аԥшьбатәи атом ауп, уи автор 45 шықәса ирҭагӡаны имҩаԥылгаз аус аихшьаала ҟанаҵоит.
Ашәҟәы ҭыжьуп урысшәалеи аԥсышәалеи, уаҟа еиҭаҳәоуп ақыҭақәа Ԥсҳәы, Лӡаа, Алаҳаӡы, Бармышь, Блабырхәа, Мгәыӡырхәа, Џьырхәа, Хәаԥ, Аацы, Анхәа, Аӡҩыбжьа, Кындыӷ, Арасаӡыхь, Гәыԥ, Баслахә, Река, Ҭхьына ирылҵыз рлахьынҵа.
Ашәҟәы иагәылоуп имаӡаз архивтә документқәа, Екатерина Бебиаԥҳаи Хәыхәыт Бӷажәбеи 1980-тәи ашықәсқәа рынҵәамҭазы еизыргаз аматериалқәа, зыԥсы ҭоу аршаҳаҭгақәа, иара убас арепрессиа зызуз аҳәынҭқарратәи ауаажәларратәи усзуҩцәа, урҭ рхыԥхьаӡараҿы иҟоуп Ефрем Ешбеи Николаи Ақырҭааи ирызку адыррақәа, абри атәы аанацҳауеит "Аԥсныпресс".
"Адыррақәа рыҩны" аартын Аԥснытәи аҳәынҭқарратә университет аҿы рашәара 12 рзы. Урыстәылатәи аилазаара "Адырра" ауадаҟны аусмҩаԥгатәқәа рымҩаԥгаразы ҳаамҭазтәи техникала еиқәнаршәеит.
"Ииасхьоу аиаша" ("Истина о минувшем"-аред.) — 1930-тәи ашықәсқәа рзы аполитикатә репрессиақәа ирылаӡыз ирызку ашәҟәқәа аԥшьбатәи атом ауп, уи автор 45 шықәса ирҭагӡаны имҩаԥылгаз аус аихшьаала ҟанаҵоит.
Ашәҟәы ҭыжьуп урысшәалеи аԥсышәалеи, уаҟа еиҭаҳәоуп ақыҭақәа Ԥсҳәы, Лӡаа, Алаҳаӡы, Бармышь, Блабырхәа, Мгәыӡырхәа, Џьырхәа, Хәаԥ, Аацы, Анхәа, Аӡҩыбжьа, Кындыӷ, Арасаӡыхь, Гәыԥ, Баслахә, Река, Ҭхьына ирылҵыз рлахьынҵа.
Ашәҟәы иагәылоуп имаӡаз архивтә документқәа, Екатерина Бебиаԥҳаи Хәыхәыт Бӷажәбеи 1980-тәи ашықәсқәа рынҵәамҭазы еизыргаз аматериалқәа, зыԥсы ҭоу аршаҳаҭгақәа, иара убас арепрессиа зызуз аҳәынҭқарратәи ауаажәларратәи усзуҩцәа, урҭ рхыԥхьаӡараҿы иҟоуп Ефрем Ешбеи Николаи Ақырҭааи ирызку адыррақәа, абри атәы аанацҳауеит "Аԥсныпресс".
"Адыррақәа рыҩны" аартын Аԥснытәи аҳәынҭқарратә университет аҿы рашәара 12 рзы. Урыстәылатәи аилазаара "Адырра" ауадаҟны аусмҩаԥгатәқәа рымҩаԥгаразы ҳаамҭазтәи техникала еиқәнаршәеит.
