"Очамчыра-2" аиҭарҿыцра абжьаратәи алҵшәақәа реихшьаала ҟарҵеит Аенергетика аминистрраҿ
12:40 28.07.2026 (ирҿыцуп: 13:51 28.07.2026)
© Foto / "Черноморэнерго"
Анапаҵаҩра
АҞӘА, ԥхынгәы 28 — Sputnik. Астанциа маҷ "Очамчыра-2" аиҭарҿыцра абжьаратәи алҵшәақәа реихшьаала ҟарҵеит Аенергетика аминистрраҿ.
Актәи ахҭәа ахыркәшарахь инеихьеит. Аенергетикцәа ацәаҳәатә хархәагақәа еибырҭахьеит, амчратә трансформатор ҿыцқәа ҩба рҟынтәи руак ықәдыргылахьеит, убас егьырҭ аусурақәагьы рацәаны имҩаԥыргахьеит.
Актәи ахҭәа ахыркәшарахь инеихьеит. Аенергетикцәа ацәаҳәатә хархәагақәа еибырҭахьеит, амчратә трансформатор ҿыцқәа ҩба рҟынтәи руак ықәдыргылахьеит, убас егьырҭ аусурақәагьы рацәаны имҩаԥыргахьеит.
Урҭ инарываргыланы аҳасаббаратә хархәагақәа рышьақәыргылара иаҿуп. Амыруга ҿыцқәа аидара хьанҭақәа ирцәырыхьчалоит.
Аҩбатәи атрансформатор анышьақәдыргылалак ашьҭахь астанциа маҷ амчхара ҩынтә еиҳахоит, 50 МВА артәо иҟалоит. Уи араион аҭахрақәа нҭкааны ианаркуеит. Очамчыра ақалақь, ақыҭақәа: Маркәыла, Кәтол, Ҷлоу, Отаԥ, Ҭхьына, Мықә, Тамшь, Араду, Џьгьарда, Ӷәада, Лабра руааԥсыра рыхәҭак фымцамчла реиқәыршәара еиӷьхоит.
Аусбарҭаҿы иазгәарҭеит амчхара азымхара аԥыхра мрагыларатәи араионқәа рҿы абизнес аҿиаразы аԥынгыла хада шаԥнахуа, асасааирҭа ҿыцқәеи, аресторанқәеи, ақыҭанхамҩатә наплакқәеи ԥынгылада аҳа аҽамадараз атехникатә лшара шроуа.
Аҩбатәи атрансформатор анышьақәдыргылалак ашьҭахь астанциа маҷ амчхара ҩынтә еиҳахоит, 50 МВА артәо иҟалоит. Уи араион аҭахрақәа нҭкааны ианаркуеит. Очамчыра ақалақь, ақыҭақәа: Маркәыла, Кәтол, Ҷлоу, Отаԥ, Ҭхьына, Мықә, Тамшь, Араду, Џьгьарда, Ӷәада, Лабра руааԥсыра рыхәҭак фымцамчла реиқәыршәара еиӷьхоит.
Аусбарҭаҿы иазгәарҭеит амчхара азымхара аԥыхра мрагыларатәи араионқәа рҿы абизнес аҿиаразы аԥынгыла хада шаԥнахуа, асасааирҭа ҿыцқәеи, аресторанқәеи, ақыҭанхамҩатә наплакқәеи ԥынгылада аҳа аҽамадараз атехникатә лшара шроуа.
