Ашәҟәы "Хьыбла Гьерзмааԥҳа лфеномен" ӡырыргеит РУСДРАМ
19:03 01.08.2026 (ирҿыцуп: 20:48 01.08.2026)
© Sputnik
Анапаҵаҩра
АҞӘА, нанҳәа 1 — Sputnik. Ашәҟәы "Хьыбла Гьерзмааԥҳа лфеномен" ӡырыргеит РУСДРАМ афоие аҟны.
Аҭыжьымҭа аконцепциа аиқәыршәаҩси авторси дамоуп ҳазҭоу ашықәс хәажәкырамзазы зыԥсҭазаара иалҵыз апоет, ашәҟәыҩҩы Владимир Занҭариа.
Аусмҩаԥгатә мҩаԥысит Аԥсны Жәлар рартистка, Урыстәыла Жәлар рартистка Хьыбла Гьерзмааԥҳа далахәны, уаҵәы Аҟәа иаатуа есышықәсатәи амузыкатә фестиваль "Хьыбла Гьерзмааԥҳа шәаалылыԥхьоит..." аламҭалазы.
Аҭыжьымҭа аконцепциа аиқәыршәаҩси авторси дамоуп ҳазҭоу ашықәс хәажәкырамзазы зыԥсҭазаара иалҵыз апоет, ашәҟәыҩҩы Владимир Занҭариа.
Аусмҩаԥгатә мҩаԥысит Аԥсны Жәлар рартистка, Урыстәыла Жәлар рартистка Хьыбла Гьерзмааԥҳа далахәны, уаҵәы Аҟәа иаатуа есышықәсатәи амузыкатә фестиваль "Хьыбла Гьерзмааԥҳа шәаалылыԥхьоит..." аламҭалазы.
"Ҳара ҳнапаҿы иаҳку баша Хьыбла лбиографиа акәӡам. Ари зегь реиҳа иџьашьахәу акультуратә цәырҵра — Хьыбла Гьерзмааԥҳа лфеномен аилкаареи ақьаад аҿы азгәаҭареи аҽазышәара ауп. Насгьы избан афеномен? Уи зыдҳәалоу Хьыбла шамахамзар еилагӡашьа змам — иџьашьахәу абжьи уаҩ иимбац адраматә баҩхатәреи ахьеидылкыло ауп", — иҳәеит РУСДРАМ адиректор хада Иракли Хынҭәба.
Аусмҩаԥгатә аҿы иқәгылеит аоператә шәаҳәаҩы аԥсуа культуреи адунеитә культуреи рзы лҵак ду азгәазҭоз ашәҟәы аицавторцәа. Урҭ иара убасгьы дыргәаладыршәеит Владимир Занҭариа, иалацәажәеит ашәҟәы аҩра апроцесс шцоз атәы.
Аҭыжьымҭа "Хьыбла Гьерзмааԥҳа лфеномен" ҭыжьуп Аԥсны аҳәынҭшәҟәҭыжьырҭаҿы 2025 шықәсазы, уаҟа еидкылоуп ауаажәларратә усзуҩцәа, аҵарауаа, ашәҟәыҩҩцәа, амузыкантцәа, Хьыбла Гьерзмааԥҳа лҩызцәа ирызку аочеркқәа, аессеқәа, агәалашәарақәа, аинтервиуқәа х-бызшәак рыла — аурыс, аԥсуа, англыз бызшәақәа.
Афестиваль "Хьыбла Гьерзмааԥҳа шәаалыԥхьоит..." мҩаԥысуеит Аԥсны анапхгареи Акультура аминистрреи, Урыстәыла акультура аминистрреи, акультуратә аԥшьгарақәа рзы Урыстәылатәи ахада ифонди рыцхыраарала.
Аҭыжьымҭа "Хьыбла Гьерзмааԥҳа лфеномен" ҭыжьуп Аԥсны аҳәынҭшәҟәҭыжьырҭаҿы 2025 шықәсазы, уаҟа еидкылоуп ауаажәларратә усзуҩцәа, аҵарауаа, ашәҟәыҩҩцәа, амузыкантцәа, Хьыбла Гьерзмааԥҳа лҩызцәа ирызку аочеркқәа, аессеқәа, агәалашәарақәа, аинтервиуқәа х-бызшәак рыла — аурыс, аԥсуа, англыз бызшәақәа.
Афестиваль "Хьыбла Гьерзмааԥҳа шәаалыԥхьоит..." мҩаԥысуеит Аԥсны анапхгареи Акультура аминистрреи, Урыстәыла акультура аминистрреи, акультуратә аԥшьгарақәа рзы Урыстәылатәи ахада ифонди рыцхыраарала.
