"Аԥсны акомандеи" "Жәлар рдипломатиа ацентри" аусеицуразы аиқәшаҳаҭра рнапы аҵарҩит
15:46 04.08.2026 (ирҿыцуп: 16:36 04.08.2026)
© Sputnik / Леон Адлейба
Анапаҵаҩра
Аусшәҟәы иҳәаақәнаҵоит аҵарадырреи акультуреи русхкқәа рҿы еизакхо аусеицура ахырхарҭа хадақәа.
АҞӘА, нанҳәа 4 — Sputnik. "Аԥсны акомандеи" "Жәлар рдипломатиа ацентри" аусеицуразы аиқәшаҳаҭра рнапы аҵарҩит.
Аусшәҟәы иҳәаақәнаҵоит аҵарадырреи акультуреи русхкқәа рҿы еизакхо аусеицура ахырхарҭа хадақәа ҳәа азгәеиҭеит "Аԥсны акоманда" адиректор хада инапынҵақәа назыгӡо Дырмит Габалыиа.
Аусшәҟәы иҳәаақәнаҵоит аҵарадырреи акультуреи русхкқәа рҿы еизакхо аусеицура ахырхарҭа хадақәа ҳәа азгәеиҭеит "Аԥсны акоманда" адиректор хада инапынҵақәа назыгӡо Дырмит Габалыиа.
"Избанзар, аҵаралашареи наҟ- ааҟтәи акультуратә беиареи роуп ауааи ажәларқәеи рыбжьара аилибакааразы зегь реиҳа узықәгәыӷша мҩаны иҟоу", — ҳәа азгәеиҭеит Габалыиа.
Аԥсны иҟоу "Жәлар рдипломатиа ацентр" афилиал акоординатор Валериа Мановицкаиа иазгәалҭеит, аиқәшаҳаҭра анапаҵаҩра ишьақәгылахьоу аиҩызаратә еимадарақәа шышьақәнарӷәӷәо.
"Ҳапроектқәа рынагӡара аиқәышаҳаҭра анапы аҵаҩхаанӡагьы иалагеит. Ҳусеицура хацҳаркит аинформациа-рккаратә плакатқәа Аԥсны араионқәа рҵараҟәшақәа рахь рынашьҭрала", — лҳәеит лара.
"Жәлар рдипломатиа ацентр" — акультуратәи аҵаратәи еинырра абзоурала ажәларқәеи атәылақәеи реимадара арӷәӷәара зусура иазырхоу жәларбжьаратәи платформоуп.
"Жәлар рдипломатиа ацентр" — акультуратәи аҵаратәи еинырра абзоурала ажәларқәеи атәылақәеи реимадара арӷәӷәара зусура иазырхоу жәларбжьаратәи платформоуп.
