https://sputnik-abkhazia.info/20261006/ia-dyshiz-idyraana-dakheit-alik-lia-izkny-1066167977.html
"Иԥҳа дышиз идыраанӡа дҭахеит": Алик Ԥлиа изкны
"Иԥҳа дышиз идыраанӡа дҭахеит": Алик Ԥлиа изкны
Sputnik Аҧсны
Аԥсны Аџьынџьтәылатә еибашьра ианалага адырҩаҽны, нанҳәа 15 рзы Цандрыԥшь аҳаблан ақырҭуа десант ӡхыҵит. Зныҭрыс зҽеидызкылаз аԥсуа ҷкәынцәа рымч азымхеит... 06.10.2026, Sputnik Аҧсны
2026-10-06T00:33+0300
2026-10-06T00:33+0300
2026-10-06T00:33+0300
аԥсны
аналитикеи аиҿцәажәарақәеи
https://cdnn1.img.sputnik-abkhazia.info/img/07ea/0a/06/1066168209_0:284:630:638_1920x0_80_0_0_f7bb9bcee2b88fbb9205e96c701c530c.jpg
Аԥсны Аџьынџьтәылатә еибашьра ианалага адырҩаҽны, нанҳәа 15 рзы Цандрыԥшь аҳаблан ақырҭуа десант ӡхыҵит. Зныҭрыс зҽеидызкылаз аԥсуа ҷкәынцәа рымч азымхеит аӷацәа риааира, убри аҟнытә Гагра аанрыжьыр акәхеит. Ахырӷәӷәарҭа шьақәгылеит Ԥсахара ақыҭан. Ажәыларатә план шьақәыргыланы, жьҭаара 2 рзы аԥсуа ар Гагра араион ахақәиҭтәразы ԥхьаҟа идәықәлеит. Убри амш аҽны дҭахоит 35 шықәса зхыҵуаз, аҩнаҭаҿы аҵеи иира иазыԥшыз Алик Далбеи-иԥа Ԥлиа. Аибашьҩы иҭоурых анҵоуп иԥшәамыԥҳәыс Алина Арӡынԥҳаи аус зциуаз ажурналист Валери Орчыҟәбеи ргәалашәарақәа шьаҭас иганы.Саида Жьиԥҳа, SputnikАлик Ԥлиа Цандрыԥшь аҳаблан диит. Иара занааҭла дфилологын. Аԥсны Аџьынџьтәылатә еибашьра алагаанӡа Гагра араионтә газеҭ "Авангард" аурыс ҟәшаҿы корректорс аус иуан.Алик аҭаацәара далалеижьҭеи уамак ҵуамызт. Иԥшәмаԥҳәыс Алина Арӡынԥҳаи иареи ахәыҷы иира иазыԥшын. Нанҳәа 14, 1992 шықәсазы аҭаацәа аҩны ишыҟаз ажәабжь хьанҭа раҳаит. Аха аԥсуааи ақырҭцәеи рыбжьара изныкымкәа аидысларақәа ҟалахьан аҟнытә, уажәазгьы ҽнак-ҩымш рыла еилгоит ҳәа игәыӷуан, аибашьра хаҭа алагеит ҳәа рхахьы ирзаагомызт.Ԥсоу аҳәаа инаркны Ԥсахаранӡа аӷа иҽырӷәӷәааны дтәан. Урыстәылаҟа амҩа аркын. Алик абџьар аахәаразы, насгьы зцәазтәымкәа иҟаз иԥшәмаԥҳәыс лынхашьа аилкааразы Шәачаҟа длеит."Аԥарақәа исымаз аасымихын, сымҩашьозар автоматқәа 3-4 ааихәеит. Саргьы саалафит, ԥарада сынужьуеит ҳәа. Акы бацәымшәан, зегь бзиахоит иҳәеит ҭакс. Иахьеиԥш исгәалашәоит уи амш, цәыббра 13 акәын. Сиирамш адырҩаҽны. Убасҟан ауп иареи сареи аҵыхәтәан ҳанеибаба", — ихьанҭоу лыԥсҭазааратә хҭыс далацәажәоит Алина.Жьҭаара 2 рзы, Григори Еныкь командаҟаҵаҩс дызмаз агәыԥ жәылоит Гагра ахырхарҭахь. Ԥсахара ақыҭан, ақырҭуа школ азааигәара Алик Ԥлиа аӷа ихымца иԥсҭазаара ҿахнаҵәоит. Иара дҭахеит иабхәында Дмитри Арӡынба иганаҿы.Алик ирыцҳахара ҽнак шагыз диит иԥҳа. Аӡӷаб хәыҷы илыхьӡырҵеит Зафида. Аха иара ари ажәабжь ссир илымҳа аҟынӡа имнеиӡеит…"Алик Ԥлиа еиԥш иҟаз, агәаӷь зызҭаз ахацәа ирыбзоуроуп иахьатәи ҳҭынч ԥсҭазаара. Иареи сареи имаҷымкәа коллективк аҟны аус еицаҳуит. Зхы-зҿы еихаччоз, аҟазшьа бзиа змаз, иҟәышыз уаҩны сгәалашәараҿы даанхоит. Алик иабду Хәсин игәараҭа Оҭаҳара (Гарԥ аиланхарҭа) хьӡи-ԥшеи агмызт. Хәсин еицырдыруаз абаҩҭарҭәаҩын, абырг ажәлар рызҵаарақәа реилыргараангьы идҵаалоз рацәаҩын, хара дхәыцуан. Иара ихылҵыз зегьы аҵара дуқәа дирҵеит. Иԥҳа Ольга Ԥлиаԥҳа акыр шықәса агазеҭ аредакторс дҳаман", — еиҭеиҳәоит ажурналист Валери Орчыҟәба.Алик иашьа Сергеи иакәзаргьы, Аԥсны Аџьынџьтәылатә еибашьра далахәын.Алик Ԥлиа иԥшәмаԥҳәыс илцәыуадаҩуп иара иӡбахә аҳәара. Лара уажәшьҭа дандууп, аха лгәалашәарақәа данырзыхынҳәуа, лыбла ихгылоит лыԥҳа хәыҷы лхала лнапы дшанхалаз. Уи нахыс, Алина асаби лзы ҩ-рольк налыгӡон, анреи абреи ныҟәылгон. Зафида илызҳаит лаб афырхаҵа ихьӡ даԥсаны. Лара иахьа аҳақьым-гинекологс аус луеит Москва. Дҭаацәароуп, длымоуп аԥа.Алик Далбеи-иԥа Ԥлиа данҭаха ашьҭахь ианашьоуп "Агәымшәаразы" амедал. Иахьа аибашьҩы ихьӡ ахҵоуп Цандрыԥшьтәи абжьаратә школ №2 аклассқәа руакы.
https://sputnik-abkhazia.info/20260916/sybara-amlaka-aibashra-naom-aibashy-zaur-saania-igalarsharazy-1065262611.html
https://sputnik-abkhazia.info/20261005/aakha-dadyrgeit-aibashy-ashot-atian-iourykh-1066139283.html
Sputnik Аҧсны
media@sputniknews.com
+74956456601
MIA „Rossiya Segodnya“
2026
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
Саида Жьиԥҳа
https://cdnn1.img.sputnik-abkhazia.info/img/07e5/07/0f/1032843706_750:0:2797:2047_100x100_80_0_0_5296ee4582322343fafed0d2d84e5823.png
аналитикеи аиҿцәажәарақәеи
аналитикеи аиҿцәажәарақәеи
Аԥсны Аџьынџьтәылатә еибашьра ианалага адырҩаҽны, нанҳәа 15 рзы Цандрыԥшь аҳаблан ақырҭуа десант ӡхыҵит. Зныҭрыс зҽеидызкылаз аԥсуа ҷкәынцәа рымч азымхеит аӷацәа риааира, убри аҟнытә Гагра аанрыжьыр акәхеит. Ахырӷәӷәарҭа шьақәгылеит Ԥсахара ақыҭан. Ажәыларатә план шьақәыргыланы, жьҭаара 2 рзы аԥсуа ар Гагра араион ахақәиҭтәразы ԥхьаҟа идәықәлеит. Убри амш аҽны дҭахоит 35 шықәса зхыҵуаз, аҩнаҭаҿы аҵеи иира иазыԥшыз Алик Далбеи-иԥа Ԥлиа. Аибашьҩы иҭоурых анҵоуп иԥшәамыԥҳәыс Алина Арӡынԥҳаи аус зциуаз ажурналист Валери Орчыҟәбеи ргәалашәарақәа шьаҭас иганы.
Алик Ԥлиа Цандрыԥшь аҳаблан диит. Иара занааҭла дфилологын. Аԥсны Аџьынџьтәылатә еибашьра алагаанӡа Гагра араионтә газеҭ "Авангард" аурыс ҟәшаҿы корректорс аус иуан.
Алик аҭаацәара далалеижьҭеи уамак ҵуамызт. Иԥшәмаԥҳәыс Алина Арӡынԥҳаи иареи ахәыҷы иира иазыԥшын. Нанҳәа 14, 1992 шықәсазы аҭаацәа аҩны ишыҟаз ажәабжь хьанҭа раҳаит. Аха аԥсуааи ақырҭцәеи рыбжьара изныкымкәа аидысларақәа ҟалахьан аҟнытә, уажәазгьы ҽнак-ҩымш рыла еилгоит ҳәа игәыӷуан, аибашьра хаҭа алагеит ҳәа рхахьы ирзаагомызт.
"Алики иҩызцәа гәыԥҩыки хара имгакәа еиқәҿыҭны Гагра араион ахадара ахыбраҟны еизеит. Аамҭак ашьҭахь илахь еиқәны аҩныҟа дааит, ҽеи ыҟам, еибашьрацәҟьоуп ҳәа. Иаразнакгьы ақалақь салигарц иҭаххеит, аха сара исмуӡеит, уара уда џьаргьы сцом ҳәа салагеит. Аха адырҩаҽны, Рома Бениа иҭаацәеи сареи, ибзианы иаадыруаз қырҭуа ҷкәынак ицхыраарала Шәачаҟа ҳцеит. Убра ҳаҩнан Гәырам Адиқәи иԥшәмаԥҳәыс Наала Гьерзмааԥҳаи руаҭах. Ҳара ҳадагьы ԥыҭҩык Аԥснынтәи инеиз ахҵәацәа хыҵакырҭас ироуит", — еиҭалҳәоит Алик иԥшәмаԥҳәыс Алина Арӡынԥҳа.
Ԥсоу аҳәаа инаркны Ԥсахаранӡа аӷа иҽырӷәӷәааны дтәан. Урыстәылаҟа амҩа аркын. Алик абџьар аахәаразы, насгьы зцәазтәымкәа иҟаз иԥшәмаԥҳәыс лынхашьа аилкааразы Шәачаҟа длеит.
"Аԥарақәа исымаз аасымихын, сымҩашьозар автоматқәа 3-4 ааихәеит. Саргьы саалафит, ԥарада сынужьуеит ҳәа. Акы бацәымшәан, зегь бзиахоит иҳәеит ҭакс. Иахьеиԥш исгәалашәоит уи амш, цәыббра 13 акәын. Сиирамш адырҩаҽны. Убасҟан ауп иареи сареи аҵыхәтәан ҳанеибаба", — ихьанҭоу лыԥсҭазааратә хҭыс далацәажәоит Алина.
Жьҭаара 2 рзы, Григори Еныкь командаҟаҵаҩс дызмаз агәыԥ жәылоит Гагра ахырхарҭахь. Ԥсахара ақыҭан, ақырҭуа школ азааигәара Алик Ԥлиа аӷа ихымца иԥсҭазаара ҿахнаҵәоит. Иара дҭахеит иабхәында Дмитри Арӡынба иганаҿы.
Алик ирыцҳахара ҽнак шагыз диит иԥҳа. Аӡӷаб хәыҷы илыхьӡырҵеит Зафида. Аха иара ари ажәабжь ссир илымҳа аҟынӡа имнеиӡеит…
"Алик Ԥлиа еиԥш иҟаз, агәаӷь зызҭаз ахацәа ирыбзоуроуп иахьатәи ҳҭынч ԥсҭазаара. Иареи сареи имаҷымкәа коллективк аҟны аус еицаҳуит. Зхы-зҿы еихаччоз, аҟазшьа бзиа змаз, иҟәышыз уаҩны сгәалашәараҿы даанхоит. Алик иабду Хәсин игәараҭа Оҭаҳара (Гарԥ аиланхарҭа) хьӡи-ԥшеи агмызт. Хәсин еицырдыруаз абаҩҭарҭәаҩын, абырг ажәлар рызҵаарақәа реилыргараангьы идҵаалоз рацәаҩын, хара дхәыцуан. Иара ихылҵыз зегьы аҵара дуқәа дирҵеит. Иԥҳа Ольга Ԥлиаԥҳа акыр шықәса агазеҭ аредакторс дҳаман", — еиҭеиҳәоит ажурналист Валери Орчыҟәба.
Алик иашьа Сергеи иакәзаргьы, Аԥсны Аџьынџьтәылатә еибашьра далахәын.
Алик Ԥлиа иԥшәмаԥҳәыс илцәыуадаҩуп иара иӡбахә аҳәара. Лара уажәшьҭа дандууп, аха лгәалашәарақәа данырзыхынҳәуа, лыбла ихгылоит лыԥҳа хәыҷы лхала лнапы дшанхалаз. Уи нахыс, Алина асаби лзы ҩ-рольк налыгӡон, анреи абреи ныҟәылгон. Зафида илызҳаит лаб афырхаҵа ихьӡ даԥсаны. Лара иахьа аҳақьым-гинекологс аус луеит Москва. Дҭаацәароуп, длымоуп аԥа.
Алик Далбеи-иԥа Ԥлиа данҭаха ашьҭахь ианашьоуп "Агәымшәаразы" амедал. Иахьа аибашьҩы ихьӡ ахҵоуп Цандрыԥшьтәи абжьаратә школ №2 аклассқәа руакы.
