Урыстәылеи Аԥсни еихдоу рҿартә форум аҩбатәи аетап аатит ААУ
17:00 16.10.2026 (ирҿыцуп: 17:41 16.10.2026)
© Sputnik / Томас Тхайцук
Анапаҵаҩра
АҞӘА, жьҭаара 16 — Sputnik. Урыстәылеи Аԥсни еихдоу рҿартә форум аҩбатәи аетап аатит Аԥснытәи Аҳәынҭқарратә университет аҿы.
"Гәык- ԥсыкала бзиала шәаабеит ҳәа шәасҳәоит аԥсуа дгьыл аҿы. Ҳара ҳзы ҳаҭыр дууп Аԥсни Урыстәылеи раԥхьагылаҩцәа ҿарацәа еидызкыло ас еиԥш ахаҭарнакратә ҿартә форум адкылара", — иҳәеит афорум аартраан аҳәынҭқарра ахада Бадра Гәынба.
Ас еиԥш иҟоу аиԥыларақәа аҿар еиҳа иааигәаны реибадырреи, рԥышәа аимдареи, ридеиақәа реиҭаҳәареи, рзеиԥш интересқәа рыԥшаареи рзы алшара ҟарҵоит ҳәа азгәеиҭеит иара.
"Зегьы ирыцку — урҭ агәреибагара дырӷәӷәоит, ҳтәылақәа рыжәларқәа реизыҟазаашьақәа ԥхьаҟатәи рыҿиаразы ашьаҭа шьҭарҵоит", — ҳәа аҳәамҭа ҟаиҵеит атәыла ахада.
Хымш рыҩныҵҟа алахәылацәа рзы имҩаԥыргараны иҟоуп атематикатә сессиақәа, астол гьежьқәа, аҟазара-классқәа, аӡыргарақәа, ааглыхратәи асоциалтәи наплакқәа рахь аекскурсиақәа.
Урыстәылеи Аԥсни рҿартә форум актәи аетап мҩаԥысит Ҟабарда-Балкариа аҳҭнықалақь аҟны, ҳазҭоу ашықәс лаҵарамзазы. Аусмҩаԥгатә рхы аладырхәит 300-ҩык инареиҳаны, урҭ рахьтә 150-ҩык аԥснытәиқәа ракәын.
Афорум хықәкыс иамоуп Урыстәылеи Аԥсни реиҩызара арӷәӷәара, атрадициатә беиарақәеи апатриотизми рышьаҭала иаку агуманитар-информациатә ҵакыра аԥҵара, агәабзиарахьчареи, аҵареи, аҭҵаарадырреи, аспорти, атуризми рзы аԥышәа аимдара, жәларбжьаратәи аҿартә усеицура арҿиара, иара убас аиҩызара ацҳақәа рышьақәыргылара, еицырзеиԥшу апроектқәа раԥҵара.
Афорум аиҿкааҩцәа — Аԥсны Аспорт азы аҳәынҭеилакы, Ҟабарда-Балкариа аиҳабыра, аҿар русқәа рзы Афедералтә маҵзура (Росмолодежь), адунеизегьтәи аҿар рфестиваль Адирекциа, Урыстәыла Адәныҟатәи аусқәа рминистрреи Аԥсны Адәныҟатәи аусқәа рминистрреи рыцхыраарала.
Афорум хықәкыс иамоуп Урыстәылеи Аԥсни реиҩызара арӷәӷәара, атрадициатә беиарақәеи апатриотизми рышьаҭала иаку агуманитар-информациатә ҵакыра аԥҵара, агәабзиарахьчареи, аҵареи, аҭҵаарадырреи, аспорти, атуризми рзы аԥышәа аимдара, жәларбжьаратәи аҿартә усеицура арҿиара, иара убас аиҩызара ацҳақәа рышьақәыргылара, еицырзеиԥшу апроектқәа раԥҵара.
Афорум аиҿкааҩцәа — Аԥсны Аспорт азы аҳәынҭеилакы, Ҟабарда-Балкариа аиҳабыра, аҿар русқәа рзы Афедералтә маҵзура (Росмолодежь), адунеизегьтәи аҿар рфестиваль Адирекциа, Урыстәыла Адәныҟатәи аусқәа рминистрреи Аԥсны Адәныҟатәи аусқәа рминистрреи рыцхыраарала.
