Аԥсны арҵаҩцәеи ааӡаҩцәеи апсихологиа-рҵаҩратә университет аҿы рзанааҭтә дырра еиздырҳаит
12:41 11.11.2026 (ирҿыцуп: 12:54 11.11.2026)
© Sputnik / Виталий Аньков
Анапаҵаҩра
АҞӘА, абҵара 11 — Sputnik. Аԥсны арҵаҩцәеи ааӡаҩцәеи Москватәи аҳәынҭқарратә психологиа-рҵаҩратә университет аҿы азанааҭтә дырра аизырҳаразы акурсқәа ирхысит.
Шықәсык ицоз акурсқәа ирылахәын 180-ҩык. 54-ҩык арҵаҩцәа азанааҭтә дырра аизырҳаразы асертификатқәа роуит. Урҭ рхыԥхьаӡараҿы иҟоуп апсихологцәа, алогопедцәа, алагарҭатә классқәа рырҵаҩцәа, ааӡаҩцәа.
Азыӡырҩцәа, ахәыҷқәа апсихологиатә цхыраара рыҭара атехнологиеи, адефектологиеи алогопедиеи, психологиала ишәарҭам аҵаратә ҭагылазаашьа аԥҵареи, иара убас ҷыдала ахшыҩзышьҭра зҭаху ахәыҷқәа аус рыдулареи ирызку алекциақәа ирызрыԥхьон.
Аҵара аминистрра аспециалист хада Алиса Хорааԥҳа лажәақәа рыла, аԥснытәи аспециалистцәа рзы ас еиԥш адыррақәа роура даара актуалра рыҵоуп.
"Ҳара иҳамоуп аҽаӡәы еиԥшым ахәыҷқәа, ҳашколқәа рҿи ашколқәранӡатәи аҵаратә усҳәарҭақәа рҿи аҵара зҵо аҵаҩцәа. Урҭ аҵараҿы, ихадоу азеиԥшҵаратә программақәа рнапахьы раагараҿы еиуеиԥшым аҭахрақәеи алшарақәеи рыманы иаҳзааиуеит. Убри азы иарбоу акурсқәа даара ихәарҭоуп", — лҳәеит лара.
Акурсқәа еиҿкаауп Урыстәыла Аҵара аминистрреи – Москватәи аҳәынҭқарратә психологиа-рҵаҩратә университети (МГППУ) Аԥсны аҵаратә еиҿкаарақәеи русеицура аҳәаақәа ирҭагӡаны.
Шықәсык ицоз акурсқәа ирылахәын 180-ҩык. 54-ҩык арҵаҩцәа азанааҭтә дырра аизырҳаразы асертификатқәа роуит. Урҭ рхыԥхьаӡараҿы иҟоуп апсихологцәа, алогопедцәа, алагарҭатә классқәа рырҵаҩцәа, ааӡаҩцәа.
Азыӡырҩцәа, ахәыҷқәа апсихологиатә цхыраара рыҭара атехнологиеи, адефектологиеи алогопедиеи, психологиала ишәарҭам аҵаратә ҭагылазаашьа аԥҵареи, иара убас ҷыдала ахшыҩзышьҭра зҭаху ахәыҷқәа аус рыдулареи ирызку алекциақәа ирызрыԥхьон.
Аҵара аминистрра аспециалист хада Алиса Хорааԥҳа лажәақәа рыла, аԥснытәи аспециалистцәа рзы ас еиԥш адыррақәа роура даара актуалра рыҵоуп.
"Ҳара иҳамоуп аҽаӡәы еиԥшым ахәыҷқәа, ҳашколқәа рҿи ашколқәранӡатәи аҵаратә усҳәарҭақәа рҿи аҵара зҵо аҵаҩцәа. Урҭ аҵараҿы, ихадоу азеиԥшҵаратә программақәа рнапахьы раагараҿы еиуеиԥшым аҭахрақәеи алшарақәеи рыманы иаҳзааиуеит. Убри азы иарбоу акурсқәа даара ихәарҭоуп", — лҳәеит лара.
Акурсқәа еиҿкаауп Урыстәыла Аҵара аминистрреи – Москватәи аҳәынҭқарратә психологиа-рҵаҩратә университети (МГППУ) Аԥсны аҵаратә еиҿкаарақәеи русеицура аҳәаақәа ирҭагӡаны.
