Гагра иҟоу ареспубликатә агәабзиара чаԥарҭатә центр иамоу ауадаҩрақәа хәҭа-хәҭала иӡбахоит
17:39 19.11.2026 (ирҿыцуп: 17:48 19.11.2026)

© Foto / КБРЦ
Анапаҵаҩра
АҞӘА, абҵара 19 — Sputnik. Гагра иҟоу ареспубликатә агәабзиара чаԥарҭатә центр иамоу ауадаҩрақәа зегьы хәҭа-хәҭала иӡбахоит, абри атәы аанацҳауеит Агәабзиарахьчара аминистрра апресс-маҵзура.
Иахьа амедусҳәарҭа даҭааит аминистр Асҭамыр Гәниа. Апроблема хадақәа — ауадақәа рыхәҭак реиҭашьақәыргылара аҭахны иахьыҟоу, иара убас фбаны еихагылоу ахыбра хәҭақәак қьырала ауаа иахьрымоу ауп.
Ацентр аҿы ирыдыркылоит ауролог-андролог, аневролог, атерапевт, акардиолог, астоматологцәа, иҟоуп афизиотерапиа, амассаж, арентгенологиатә кабинет, алабораториа. Амаҵзурақәа зегьы хәыда-ԥсадоуп.
Астационар 40 -иара-ҭыԥ амоуп, уажәы 22 ҭыԥ аанкылоуп. Аԥсны жәлар Рџьынџьтәылатә еибашьра аинвалидцәа фҩык ацентр аҿы иааиԥмырҟьаӡакәа инхоит.
"Амедицинатә усбарҭа амиссиа хада мацара анагӡара иазырхоуп, уи ахь ҳколлегацәа еиҭарҳәаз егьырҭ апроблемақәагьы ӡбаны еишьҭаргыланы ҳцалоит", — азгәеиҭеит Гәниа.
Иахьа амедусҳәарҭа даҭааит аминистр Асҭамыр Гәниа. Апроблема хадақәа — ауадақәа рыхәҭак реиҭашьақәыргылара аҭахны иахьыҟоу, иара убас фбаны еихагылоу ахыбра хәҭақәак қьырала ауаа иахьрымоу ауп.
Ацентр аҿы ирыдыркылоит ауролог-андролог, аневролог, атерапевт, акардиолог, астоматологцәа, иҟоуп афизиотерапиа, амассаж, арентгенологиатә кабинет, алабораториа. Амаҵзурақәа зегьы хәыда-ԥсадоуп.
Астационар 40 -иара-ҭыԥ амоуп, уажәы 22 ҭыԥ аанкылоуп. Аԥсны жәлар Рџьынџьтәылатә еибашьра аинвалидцәа фҩык ацентр аҿы иааиԥмырҟьаӡакәа инхоит.
"Амедицинатә усбарҭа амиссиа хада мацара анагӡара иазырхоуп, уи ахь ҳколлегацәа еиҭарҳәаз егьырҭ апроблемақәагьы ӡбаны еишьҭаргыланы ҳцалоит", — азгәеиҭеит Гәниа.
