19:41 05 Ԥхынгәы 2020
Ишиашоу ицо аефир
  • USD70.50
  • EUR79.22
Аԥсны
Икьаҿу ахьарԥш аиура
9 0 0

1989-2008 шықәсқәа рзы Аахыҵ Уаԥстәыла имҩаԥысуаз аибашьра иахҟьаны иинвалидхаз, ахәрақәа зауыз рыцхырааразы иаԥҵоу Афонд шықәсыбжак ахь знык Аԥсныҟа аортопедиатә цхыраара рыҭаразы иаарышьҭлоит, иҳәеит 1992-93ш. рзтәи Аԥсны жәлар рџьынџьтәылатә еибашьра аинвалидцәа ибиуџьеттәым рфонд ахантәаҩы Бадри Агрба.

АҞӘА, хәажәкыра 18 — Sputnik, Наала Аҩӡыԥҳа. 1989-2008 шықәсқәа рзы Аахыҵ Уаԥстәыла имҩаԥысуаз аибашьра иахҟьаны иинвалидхаз, ахәрақәа зауыз рыцхырааразы иаԥҵоу Афонд шықәсыбжак ахь знык Аԥсныҟа аортопедиатә цхыраара рыҭаразы иаарышьҭлоит, иҳәеит Бадри Агрба. Иахьазы ацхыраара иҭоуп урҭ руаӡәк.

Гагратәи ареспубликатә реабилитациатә центр атехникатә ортапедиа аҟәша аҟазацәа Денис Хугаев изы ипротез ахәҭақәа ԥсахны иара иқәшәартә еиԥш еиҭашьақәыргыланы иҟарҵеит, иҳәеит Бадри Агрба. Аветеран уаанӡатәи апротез аланыҟәара ицәыцәгьаны иҟан.

"Ҳара ҳаигәырӷьоит ҳашьцәа цхыраарак раҳҭартә ҳахьыҟоу. Ҳҭоурых акуп, ҳаԥсҭазаарақәа еиԥшуп. Аибашьра аццышә еицалҵыз ҳауп. Аибашьра аан адагьы аҭынч аамҭазгьы ҳаицхыраартә ҳахьыҟоу ҳгәы ҭнагоит", — иҳәеит Бадри Агрба.

Иааидкыланы аортопедиатә цхыраара роураны иҟоуп аибашьраан зшьапы зцәыӡыз ампутантцәа жәаҩык, ҳәа азгәеиҭеит 1992-93ш. рзтәи Аԥсны жәлар рџьынџьтәылатә еибашьра аинвалидцәа ибиуџьеттәым рфонд ахантәаҩы Бадри Агрба.

Ихадоу атемақәа