08:04 18 Жәабран 2019
Ишиашоу ицо аефир
  • USD66.70
  • EUR75.25
Заур Гулия

Гәылиа: акадыртә резерв азырхиара ҳәынҭқарратә усуп

© Sputnik / Томас Тхайцук
Аԥсны
Икьаҿу ахьарԥш аиура
2101

Аԥсны Аекономика аминистр Адгәыр Арӡынбеи акадыртә резерв зҽалазырхәырц зыӡбаз аҟазауаа ҿарацәеи реиԥылара мҩаԥысит Аҟәа, жәабран 14 рзы.

АҞӘА, жәабран 15 – Sputnik. Аԥсны аекономика аминистрраҿы имҩаԥысит раԥхьатәи аилатәара акадыртә резерв азҵаарала, ҳәа адырра ҟаиҵеит Аекономика аминистр ихаҭыԥуаҩ Заур Гәылиа.

"Ҳара адырра ҟаҳҵеит Аекономика аминистрраҿы акадыртә резерв аиҿкаара ҳшаҿу азы. Раԥхьатәи аилацәажәарахь иааит жәохәҩык инареиҳаны. Дара рдыррақәа аадырԥшит, аусура иалагарц ахьырҭаху рҳәеит. Ҳара имазеины иҳамазароуп ауаа рсиа, доусы инапы злаку ҳдыруазароуп, анаҩс аусурҭатә ҭыԥ идаагаларц", — иҳәеит Заур Гәылиа.

Аминистр ихаҭыԥуаҩ иазгәеиҭеит арезерв алахәылацәа рылшарақәа ахәшьара анрыҭахалак ашьҭахь аҟазауаа ҿарацәа рсиа шеиҿкаахо.

"Ҳара иаҳҭахуп аҭахрақәа ахьыҟоу ахырхарҭақәа зегьы рҟны арезерв азырхианы иҳамазарц, здырреи зԥышәеи ыҟоу, аусураҟны ихәарҭахаша рсиа ҳамазар, ҳаиҿнакаауеит", — иҳәеит аминистр ихаҭыԥуаҩ.

Иара игәаанагарала акадыртә резерв азырхиара ҳәынҭқарратә усуп.

Аиҿцәажәара шәазыӡырҩыр шәылшоит абра>>

Акадыртә резерв аҟазауаа Аекономика аминистрра аусацурахь радыԥхьалара ҟалоит, еиуеиԥшым асессиақәа ирылархәхоит, аделегациақәа ирылакхоит.

Аԥсны Аекономика аминистрра 2018 шықәсазы иазыԥхьагәанаҭоит "Ауаҩытәыҩсатә капитал ахь аинвестициақәа" апрограмма ацҵара.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    459
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110