06:39 18 Жәабран 2019
Ишиашоу ицо аефир
  • USD66.70
  • EUR75.25
Празднование масленицы в Очамчире

Хәажәкын аныҳәа азгәарҭоит Очамчыра

© Sputnik Томас Тхайцук
Аԥсны
Икьаҿу ахьарԥш аиура
27 0 0

Хәажәкын аныҳәа амҩаԥгара аҳәаақәа ирҭагӡаны Очамчыра иаартхоит аџьармыкьа, уи иалахәхоит жәеиза қыҭа.

АҞӘА, жәабран 15  — Sputnik. Бадраҟ Аҩӡба. Итрадициатәу Хәажәкын аныҳәа мҩаԥгахоит Очамчыра ақалақь аҟны, ахәаша жәабран 16 аҽны, абри атәы лҳәеит акультура-усутә центр "Москва Аҩны" адиректор Зоиа Баутина.

"Хәажәкын аныҳәа Урыстәыла мҽхакы ҭбаала иазгәарҭоит, ҳаргьы ԥшьышықәса ҵуеит Аԥсны иазгәаҳҭоижьҭеи. Очамчыра ауааԥысра гәахәарыла ирыдаркылоит ари аныҳәа", — лҳәеит лара.

Аныхәа рҽаладырхәуеит ахәыҷқәа реиԥш, аиҳабыратә абиԥарақәагьы.

"Сынтәа ҳапрограмма акырӡа аинтерес аҵоуп, иҭбаауп. Аконцертә иалахәуп Санкт-Петербургтәи артистцәа, иара убас иқәгылоит Очамчыреи Галыи араионқәа рхаԥшьгаратә коллективқәа", — лҳәеит Баутина.

Аныҳәа амҩаԥгара аҳәаақәа ирҭагӡаны Очамчыра иаартхоит аџьармыкьа, уи иалахәхоит жәеиза қыҭа, ацылҵеит лара.

"Ақыҭауаа иӡырыргоит рнапкымҭақәа, иааргоит аԥсуа милаҭ чысхққәа. Ахәыҷқәа рзы еиқәҳаршәеит аҳамҭақәа. Ари аныҳәа еснагь еиԥш илахҿыхны имҩаԥысып ҳәа сгәы иаанагоит. Ажәакала, инаскьаҳгоит аӡын, ҳаԥылоит ааԥын. Аныҳәа ахырқәшамҭаз ацәаҳа ҳбылуеит", —  лҳәеит "Москва Аҩны" адиректор Зоиа Баутина.

Иара убас аныҳәаҟны еиҿкаахоит амаҵурҭа, уаҟа ирӡлоит ачамчамытақәа.

Ихадоу атемақәа

  • Дырмит Габалыиа

    Аԥсуа сахьаркыратә литература иазааԥсахьоу ашәҟәыҩҩцәа акымкәа-ҩбамкәа ԥсра зқәым аҩымҭақәа нрыжьхьеит. Аха изеиԥшроузеи ашәҟәҩыра иаҵагыло абиԥара ҿыц? Иарбан литературоу урҭ иахьа иаԥырҵо, насгьы ахьысҳара абарныԥшуеи? Абарҭ азҵаарақәа дырзааҭгылеит апоет, ауаажәларратә усзуҩы Дырмит Габалыиа. Аиҿцәажәара мҩаԥигеит Аинар Ҷыҭанаа.

    25
  • Қьамиль Аҭрышба Кавказ Акультуратә дернеқь аҟны

    Ҭырқәтәыла, Ҳендеқь ақалақь аҟны еиҿкаау Кавказ акультуратә Дернеқь есыҽнытәи аусура дазааҭгыло, бжьышықәса раахыс уи еиҳабыс иахагылоу Қьамиль Аҭрышба иаҳзеиҭеиҳәеит хықәкы хадас ишрымоу ахатәы бызшәеи, аҵасқәеи, ақьабзқәеи реиқәырхара.

    456
  • Ал

    Аԥсуа баҳчаҿы зхатә ҭыԥ ылызххьоу алҵла аҭоурых дагәылаԥшны иаҳзеиҭалҳәеит Sputnik аколумнист Сусанна Ҭаниаԥҳа.

    110