14:29 24 Хәажәкыра 2019
Ишиашоу ицо аефир
  • USD63.77
  • EUR72.59
Фотовыставка семи журналистов-юбиляров открылась в ЦВЗ Абхазии

Афотожурналистцәа рфотоҭоурыхқәа дырбан Аҟәа

© Sputnik Сария Кварацхелия
Аԥсны
Икьаҿу ахьарԥш аиура
38 0 0

Ҩымш ицо афотоцәыргақәҵа аҳәаақәа ирҭагӡаны быжьҩык аԥсуа журналистцәа имҩаԥыргараны иҟоуп апрактикатә журналистика аурокқәа.

АҞӘА, мшаԥы 17 – Sputnik, Сариа Кәарацхьелиаԥҳа. Зиубилеи азгәарҭоз быжьҩык афотожурналистцәа рфотоцәыргақәҵа аартын Аҟәа, мшаԥы 16 рзы.

Афотоцәыргақәҵа аофициалтә аартраан Аԥсны ажурналистцәа Реидгыла ахантәаҩы Руслан Ҳашыг аиубилиарцәа дрыдныҳәалеит, рнапаҿы идиркит аидгыла алахәыла игәраргага ҿыцқәа.

"2018 шықәсазы 60-шықәса рхыҵра азгәарҭоит Инвер Ажьиба, Сергеи Чхинџьериа, Оҭар Лакрба, Владимир Попов, Вахтанг Абхазоу, Екатерина Бебиаԥҳа, Виачеслав Сақаниа. Ҳара иаҳҭаххеит дара рнапаҿы идҳаркыр аидгыла алахәыла игәраргага ҿыцқәа", — иҳәеит Руслан Ҳашыг.

Иара иажәақәа рыла афотоцәыргақәҵа аидеиа зтәу афотокорреспондент Владимир Попов иоуп.

Ажурналистцәа дрыдныҳәаларц арахь дымҩахыҵит Аԥсны Ахада иабжьгаҩ Владимир Занҭариа.

"Ҳиубилиарцәа иуадаҩӡаз аибашьра аамҭақәа раан зпрофессионалтә уалԥшьа анагӡара иацәхьамҵуаз роуп. Дара иахьатәи Аԥсны аҭоурых шаҳаҭцәаны иазыҟоуп", — иҳәеит иара.

Ҩымш ицо афотоцәыргақәҵа аҳәаақәа ирҭагӡаны быжьҩык аԥсуа журналистцәа имҩаԥыргараны иҟоуп апрактикатә журналистика аурокқәа.

Ихадоу атемақәа

  • Аӡахәа, ажь, аҩы аԥсуаа ркультураҿы

    Ажьи, аӡахәеи, аҩи аԥсуаа ркультураҿы иааныркыло аҭыԥ атәы дазааҭгылоит Sputnik аколумнист Сусанна Ҭаниаԥҳа.

    31
  • Асахьаҭыхҩы Леиуарса Быҭәба иусумҭа Мифы и Легенды Абхазии

    Заџьал ааигәоу ауаҩы иара ишизымдыруагьы, ихымҩаԥгашьа, иҟазшьа аҽаԥсахуеит ҳәа ирԥхьаӡоит аԥсуаа. Абжьааԥны ирбахьаз иакәӡамкәа, зҽызыԥсахыз изы "иаџьал ааима?!", "иаџьал иҟәаҟәа иқәтәоума?!", "Акы шиԥеиԥшу идыруашәа!" рҳәон. Аԥсуаҭҵааратә институт аетнологиеи антропологиеи рыҟәша аҭҵаарадырратә усзуҩ, ААУ адоцент Марина Барцыцԥҳа дазааҭгылоит аԥсуаа ртрадициатә дунеидкылашьаҿы аџьал ишазыҟоу.

    67
  • Тото Аџьапуа

    Аԥсны Жәлар рартист, "Ахьӡ-Аԥша" аорден III аҩаӡареи Леон иордени занашьоу, Д.И. Гәлиа ихьӡ зху Аҳәынҭқарратә премиа алауреат, СССР Акомпозиторцәа реидгыла алахәыла Тото Аџьапуа 80 шықәса ихыҵит. Аҟазараҿы раԥхьатәи ишьаҿақәа игәаларшәо, иара дрыхцәажәеит аԥсуа ашәа агәыбылра изыркыз аҭагылазаашьеи ауааи, насгьы иҳәеит ҳаамҭазтәи аԥсуа ашәақәа рҵыхәала игәы иаанаго.

    55