"Иаку абилеҭ" ала Шәачантәи Аԥсны ақалақьқәа хәба рахь аара ҟалоит

© Фото : http://transdir.ruЕдиный билет
Единый билет - Sputnik Аҧсны
Анапаҵаҩра
"Иаку атранспорттә дирекциа" Аԥснытәи ахырхарҭала аусура иалагеит мшаԥымза 29 2017 шықәса инаркны.

АҞӘА, лаҵара 24 — Sputnik. Урыстәылантәи Аԥсныҟа "иаку абилеҭ" ала аныҟәара алшо иҟалеит. Адәыӷба ма аҳаирплан абилеҭ аазхәо имоуп алшара автомобилтә билеҭгьы рыцаахәара. "Иаку абилеҭ" ала Шәачантәи Аԥсныҟа аара алшоит 2018 шықәса, рашәара 1 инаркны. 

"Иаку абилеҭ" — уи билеҭк ала адәыӷба, аҳаирплан ма автобус ала аныҟәара анулшо ауп. Асеиԥш иҟоу амаҵзурақәа рхы иадырхәоит адунеи зегьы аҟны. Апассаџьыр имоуп алшара еиҳа ихазы еиӷьны иибо амаҵзура алхра.

Первые пассажиры высоко оценили преимущества ж/д рейса Адлер–Гагра. - Sputnik Аҧсны
Акурорттә сезон аан Аԥсни Урыстәылеи еимардоит адәыӷбақәа хәба

"Адлертәи адәыӷбаангыларҭахь иааиуа апассаџьырцәа Аԥсны ақалақьқәа: Гагра, Пицунда, Аҟәа, Гәдоуҭа, Афон рахь иаауа автобусқәа рахь ииасыр алшоит. Атуристцәа зырманшәало ируакуп аҳәаа ахысраан аԥыжәарақәа рыҟазаара", — ҳәа аанацҳауеит ателеканал.

Автомобилтә транспорт ала иаауа ма ицо апассаџьыр азин имоуп ҩеижәихәба кьыла аидара аиагара.

Абилеҭ ахәԥса иартәоит: Шәача — Гагра – 380 мааҭ, Шәача — Пицунда – 420 мааҭ, Шәача — Гәдоуҭа – 460 мааҭ, Шәача – Афон Ҿыц – 520 мааҭ, Шәача — Аҟәа – 560 мааҭ. 5 рҟынӡа зхыҵуа ахәыҷқәа рымҩангара хәыда-ԥсадоуп. "Иаку абилеҭ" ахәԥса 2018 шықәса рзы илаҟәит 40% —50% рҟынӡа.

Аԥсшьаҩы заанаҵы иааихәар ауеит Аԥсныҟа ааразы "иаку абилеҭ", уи адәыӷбала мамзаргьы аҳаирпланла Шәачанӡа даауеит, анаҩс автобус ашҟа диасны дышиашоу Аԥснынӡа даауеит.

"Иаку абилеҭ" аазымхәаз аԥсшьаҩы иара ихала ареспубликахь аара илшоит амаршруттә такси, мамзаргьы автобус ала ҳәа адырра ҟанаҵоит "Вести-Сочи" "Иаку атранспорттә дирекциа" апресс-маҵзура аинформациа шьаҭас иҟаҵаны.

Ажәабжьқәа зегьы
0