18:49 18 Цәыббра 2018
Ишиашоу ицо аефир
  • USD67.75
  • EUR79.17
Ламара Кучуберия передала документы и вещи сына в Государственный музей Боевой Славы

Аԥсны Афырхаҵа Иури Қәычбериа еибашьыга маҭәақәа Ахьӡ-аԥша амузеи иаҭан

© Sputnik
Аԥсны
Икьаҿу ахьарԥш аиура
2920

Аԥсны Афырхаҵа Иури Қәычбериа еибашьыга маҭәақәа Владислав Арӡынба ихьӡ зху Ахьӡ- аԥша амузеи ҳамҭас иарҭеит аибашьҩы иҭаацәа.

АҞӘА, ԥхынгәы 10 — Sputnik. Аинар Ҷыҭанаа. Аԥсны Афырхаҵа Иури Қәычбериа еибашьыга маҭәақәа Владислав Арӡынба ихьӡ зху Ахьӡ-аԥша амузеи ҳамҭас иарҭеит аибашьҩы иҭаацәа. Атанк аԥжәага "ПТУРС", аланарԥшыга, аибашьыга маҭәақәа, Афырхаҵа ихьӡ зҳәо ақьаадқәагьы.

Иури Ҟәырӷа-иԥа Қәычбериа диит Тҟәарчал, ииун 21, 1963 шықәсазы. Иара дхәыҷаахыс илаз аҟыбаҩ ҷыда егьырҭ иҩызцәа дрылнакаауан. Ашкол данҭаз иҽадцаланы аспорт иҽазыҟаиҵон, изныкымкәа аԥхьахәқәа иҽрыԥсеитәхьан, дагьалахәхахьан Зегьеидгылоутәи атурнирқәа.

"Иура изымдыруаз акы ыҟан ҳәа сгәы иаанагом,-  иҳәеит Аԥсны афырхаҵа Виачеслав Қәычбериа, — аибашьраан раԥхьаӡа иҳаднагалаз "ПТУРС" иара инапы изанырҵазгьы уи азы ауп. Иара дҩыҵшәазар атехника дазгаган, еиуеиԥшым амашьынақәа рмоторқәа еибииҭон. Аибашьра ианалага урҭ идыррақәа кырӡа ихәеит", — иҳәеит иара.

Леон иорден занашьоу Беслан Қьышьмариа игәалаиршәеит иҩыза абџьар ҿыц дшалаеибашьуаз:

"Иуреи сареи "ПТУРС" ҳаманы ҳқыҭа гәакьахь ҳаннеи, Рекаа акырӡа ргәы шьҭнахит, агәыӷра рыланаҵеит. Аибашьра иалагӡаны Иура ари абџьар ахархәарала ҩажәа танк инарзынаԥшуа рҭархара илиршеит. Тамшь адессант ӡхыҵраны ианыҟаз, Иура архәҭа аштаб дызлеиҳабыз ала ари ажәабжь раԥхьаӡа изаҳақәаз дыруаӡәкхеит. Иара дымҩашьо еиликаахьан ари ажәылара аҵакы дуӡӡа шаҵаз", — азгәеиҭеит аибашьра аветеран.

Ииуль ҩба аҽны, аибашьцәа адҵа шынарыгӡоз ақырҭқәа итарыԥшыхәын, абџьар мца рыжәырҵеит.

"Сыҷкәын данҭахаз ишәыз имаҭәа иахьанӡагьы исмыӡәӡәаӡеит, ифҩы ахыскаауеит. Ҳәарада, исцәыцәгьоуп сыҷкәын иҷан аныжьра, аха ари ҭоурыхуп, ҳажәлар ирыхәаша акы ауп. Уи алагьы сгәы сҟажоит", —  лҳәеит Иура иан Ламара Ҳашба-Қәычбериа.

  • Ламара Кучуберия передала документы и вещи сына в Государственный музей Боевой Славы
    Ламара Кучуберия передала документы и вещи сына в Государственный музей Боевой Славы
    © Sputnik
  • Ламара Кучуберия передала документы и вещи сына в Государственный музей Боевой Славы
    Ламара Кучуберия передала документы и вещи сына в Государственный музей Боевой Славы
    © Sputnik
  • Ламара Кучуберия передала документы и вещи сына в Государственный музей Боевой Славы
    Ламара Кучуберия передала документы и вещи сына в Государственный музей Боевой Славы
    © Sputnik
  • Ламара Кучуберия передала документы и вещи сына в Государственный музей Боевой Славы
    Ламара Кучуберия передала документы и вещи сына в Государственный музей Боевой Славы
    © Sputnik
  • Ламара Кучуберия передала документы и вещи сына в Государственный музей Боевой Славы
    Ламара Кучуберия передала документы и вещи сына в Государственный музей Боевой Славы
    © Sputnik
1 / 5
© Sputnik
Ламара Кучуберия передала документы и вещи сына в Государственный музей Боевой Славы

Лара, лыҷкәын игәалашәара ахьӡала иҭлыжьхьеит "Аԥсны ахақәиҭраз иҭахаз рекаа рҵеицәа" захьӡу ашәҟәы.

Амузеи анапхгаҩы Мзиа Беиа аҭаацәа ҭабуп ҳәа раҳәо, иазгәалҭеит ари ахҭыс кырӡа шаҵанакуа.

"Аекспонатқәа рҭыԥ алхразы иаарласны аҵарауаа реилатәара мҩаԥгахоит, урҭ ахьықәҵахо аҩнымаҭәагьы ҿаҳҵахьеит. Ҳара иаҳуалуп ҳфырхацәа рыхьӡ камыршәкәа, рҭоурых еиқәырханы абиԥарақәа рымадара", — лҳәеит лара.

Аибашьцәа иртәу амаҭәарқәеи, амаҭәеи иазку аекспозициа аартхоит ԥхынҷкәын 14 аҽны Ахьӡ-аԥша амузеи аҟны.

Ихадоу атемақәа