13:13 20 Жьҭаара 2018
Ишиашоу ицо аефир
  • USD65.81
  • EUR75.32
Президент Республики Абхазия Рауль Хаджимба встретился с делегацией представителей республик Северного Кавказа, оказывавшими всестороннюю помощь Республике Абхазия в годы Отечественной войны 1992-1993 годов

Аԥсны ахада Нхыҵ Кавказтәи аибашьцәа "Аиааираз" амедал ранеишьеит

© Фото : Пресс-служба Президента Республики Абхазия
Аԥсны
Икьаҿу ахьарԥш аиура
24 0 0

32-ҩык Нхыҵ Кавказ ахаҭарнакцәа Аиааиреи Ахьыԥшымреи рныҳәамш иазкны "Аиааираз" амедал ранашьахеит.

АҞӘА, жьҭаара 2 – Sputnik. Цәыббрамза 30 рзы Аԥсны Аҳәынҭқарра ахада Рауль Ҳаџьымба Аҩадатәи Кавказынтә хатәгәаԥхарала иааз аибашьцәа рнапхгаҩцәа идикылеит.

Ахада хатәгәаԥхаралатәи аибашьцәа рнапхгаҩцәа иҭабуп ҳәа реиҳәеит Аџьынџьтәылатә еибашьраҿы Аиааира 25 шықәса ахыҵра азгәаҭара амшқәа раан рааразы.

"Шәбара сеигәырӷьоит, ҳашьцәа гәакьақәа, Аԥсназы еиҳа ианыуадаҩраз, аибашьра ашьҭахьгьы аамҭақәа анымариамыз шәахьҳадгылаз. Урҭ ашықәсқәа рзы, шамахамзар, мышкы ҳхи-ҳареи ҳаизыншәмыжьит. Ҳшәызгәдууп, ҳашьцәа, ҳазгәдууны иаҳҳәоит шәаргьы ҳаргьы ҳаидгыланы ари аиааира ҳчаԥеит ҳәа. Ҳара ҳзы акраҵнакуеит аԥхьаҟагьы ҳаизыҟазаашьақәа рырӷәӷәара.

Иахьа аҭынч ԥсҭзаараҟынгьы аиааирақәа ҳгалароуп, араҟагьы шәара шәылшарақәа, шәареи ҳареи ҳаизыҟазаашьақәа аибашьраан еиԥш, ирыҵаркуа рацәоуп ҳара ҳзы", — иҳәеит Ахада.

Абри атәы аанацҳауеит ахада иофициалтә саит.

Аиԥылара иалахәыз ҳашьцәа ахадеи Аԥсны жәлари ирыдырныҳәалеит Аиааира амш, ирзеиӷьаршьеит аҭынчреи аизҳазыӷьареи.

Ауаажәларратә усзуҩ Муҳамедин Тумов Аԥсны ахада идиныҳәалеит аныҳәамш ду.

"Сара насыԥны исыман аибашьраан Владислав Арӡынба изныкымкәа иԥылара. Иара ииашаҵәҟьаны ижәлар рԥа иаша иакәны дыҟан. Нанҳәа 14 рзы Иури Хамзат-иԥа Калмыков ааԥхьара ҟаиҵеит Аԥсны ацхырааразы", — ҳәа игәалаиршәоит иара.

Руслан Гәаша Аԥсны иқәынхо ажәларқәа зегьы ирзеиӷьеишьеит аизҳазыӷьареи аҭынчреи.

"Иҭабуп ҳәа шәасҳәоит аԥсуа дгьыл аҿы Султан Сосналиев, Иури Калмыков, Заур Налоев, Мусса Шанибов рыхьыӡқәа ахьышәхамшҭуа", — иҳәеит Руслан Гәаша.

Президент Республики Абхазия Рауль Хаджимба встретился с делегацией представителей республик Северного Кавказа, оказывавшими всестороннюю помощь Республике Абхазия в годы Отечественной войны 1992-1993 годов
© Фото : Пресс-служба Президента Республики Абхазия
Президент Республики Абхазия Рауль Хаджимба встретился с делегацией представителей республик Северного Кавказа, оказывавшими всестороннюю помощь Республике Абхазия в годы Отечественной войны 1992-1993 годов

Атәыла ахада "Ахьӡ-аԥша" аорден ахԥатәи аҩаӡара ианеишьеит аибашьраан хатәгәаԥхарала Аԥсны ацхырааҩцәа реиҿкаара ахадараҿы иҟаз иреиуаз Муҳамедин Тумов.

Аиааиреи Ахьыԥшымреи рымш иазкны "Аиааираз" амедал  ранашьахеит 32-ҩык Нхыҵ Кавказ ахаҭарнакцәа: Муҳамедин Тумов, Муҳамед Кушхов, Владимир Канлоев, Нихат Биданоко, Ҳамид Абрегов, Бетал Готыжев, Альберт Беков, Заур Хоконов, Олег Гусеинов, Владимир Мешев, Едуард Абазов, Хазраил Кидакоев, Заурби Чундышко, Музарит Бжахов, Деньга Халидов, Руслан Гәаша, Барасби Бгажноков, Жантемир Губачиков, Жилиаби Калмыков, Валери Хатажуков, Хаути Шериев, Артур Пшуноков, Асланбек Битоков, Иури Шанибов, Надждет Мешвез, Мухамед Тхагалегов, Мурадин Думанов, Халдун Леиба, Беслан Битоков, Леонид Шогенов, Аскер Аджигириев.

Ихадоу атемақәа