12:44 23 Лаҵара 2019
Ишиашоу ицо аефир
  • USD64.49
  • EUR71.84
Ашьапылампыл азы Аԥсны ачемпионат XIII атур

Аҟәатәи "Нарҭ" заанаҵы Аԥсны иачемпионхеит

© Foto / Виталий Фидаренко
Аԥсны
Икьаҿу ахьарԥш аиура
20 0 0

Ашьапылампыл азы Аԥсны ачемпионат XIII атур ахәмарра мҩаԥысит "Нарҭи" "Афони" рыбжьара аҟәатәи астадион "Динамо" аҟны.

АҞӘА, мшаԥы 19 – Sputnik, Бадраҟ Аҩӡба. Аҟәатәи "Нарҭ" заанаҵы Аԥсны иачемпионхеит ашьапылампыл азы Аԥсны ачемпионат XIII атур ахәмарраан "Афони" иареи реиԥылара ашьҭахь. Ахәмарра мҩаԥысит 2:1 ҳәа. Абри атәы Sputnik акорреспондент изеиҭеиҳәеит Аԥсны ашьапылампылтә лига адиректор Витали Федоренко.

Ахәмарра актәи атаим "Нарҭ" ахәмарыҩ Георги Бениӡе 22-тәи аминуҭ азы ампыл ҭаиршәит. Аҩбатәи ахәҭаан (72-тәи аминуҭ – аред.) Давид Логәуа амчқәа еиҟареитәит. Аха аамҭацҵаан аҟәатәи акоманда ирылдыршеит аиааиратә мпыл амба аҭаршәра. Уи ампыл акоманда ԥхьаҟа иҭнагеит.

Ачемпионат нҵәаанӡа даҽа ҩ-турк шыҟоугьы, "Нарҭ" 13 хәмарра рышьҭахь 33 очко шамоу ала ахьӡара залшом. "Нарҭ" иашьҭанеиуа акоманда "Гагра" 27 очко амоуп.

Ашьапылампыл азы ачемпионат иалахәуп аклубқәа: "Нарҭ", "Гагра", "Риҵа" "Афон", "Самырзаҟан", "Динамо" Аҟәа.

 

Ихадоу атемақәа