Sputnik Аԥсны ConIFA аартра ацеремониа ишиашоу ицо аефир ала иднарбоит

© Foto / Федерация футбола АбхазииConIFA аартра ацеремониа аҽазыҟаҵара
ConIFA аартра ацеремониа аҽазыҟаҵара - Sputnik Аҧсны
Анапаҵаҩра
ConIFA аегида аҵаҟа иҟоу Европа ачемпионат мҩаԥысуеит Ашьха Ҟарабах аҳҭнықалақь аҟны рашәара 1 инаркны 9-нӡа. Уи иалахәуп Аԥсны иеизгоу акоманда.

АҞӘА, рашәара 1 – Sputnik. Sputnik Аԥсны Степанакерт имҩаԥысуа ConIFA аегида аҵаҟа иҟоу Европа ачемпионат аартра ацеремониа ишиашоу ицо аефир ала иднарбоит асабша, рашәара 1, асааҭ 19:00 рзы.

архивтә фото - Sputnik Аҧсны
Sputnik Аԥсны ConIFA-2019 ахәмаррақәа днарбалоит

Уаанӡа адырра ҟаҵан, Аԥсны иеизгоу акоманда Ашьха Ҟарабах ианнеиз ашьҭахь актәи аҽазыҟаҵара мҩаԥнагеит ҳәа. Ачемпионат аҟны раԥхьатәи ахәмарра рымоуп амҽыша, рашәара 2 рзы Чамериа иеизгоу акомандеи дареи. Атурнир ахәмаррақәа зегьы Sputnik Аԥсны асаит аҟны ишиашоу ицо аефир аҟны иддырбалоит.

Аԥсны акомандеи Чамериа акомандеи рыхәмарра иалагоит рашәара 2, асааҭ 15:00 рзы. Рашәара 3 рзы Аԥсны иақәшәоит Сапми акоманда асааҭ 17:00 рзы. Рашәара 4 асааҭ 17:00 рзы ашьапылампыл абзиабаҩцәа ирбар рылшоит Аԥсныи атурнир аԥшәмацәа Ашьха Ҟарабахи рыхәмарра. Афиналтә хәмарра ҟалоит рашәара 9, асааҭ 19:00 рзы.

Аԥснытәи акоманда аилазаараҿ иҟоуп: амбахьчаҩцәа - Инал Қацәба, Илиа Шьчерба, ахьчаҩцәа - Лев Ҭарба, Георги Жанаа, Лев Бабурин, Асҭамыр Ҵышәба, ахьчаҩбжацәа - Ҭемыр Агрба, Шабаҭ Логәуа, Тарас Ҳагба, Гига Бениӡе, Виктор Ԥимԥиа, Даур Ҷанба, Ака Званбаиа, Алан Хугаев, Даниил Чрыгба, Гәдиса Смыр, Роман Зикрач, ажәылаҩцәа - Дмитри Маскаев, Рамин Барцыц, Данило Арӡынба.

Агәыԥ "А" иаҵанакуеит: Аԥсны, Чамериа (Албаниа), Сапми (Лапландиа), Арцах. Агәыԥ "Б": Паданиа (Италиа), Секеитәи атәылаҿацә (Румыниа), Мраҭашәаратәи Ермантәыла (Ҭырқәтәыла), Аахыҵ Уаԥстәыла.

Аԥсны еизгоу акоманда ашьапылампыласцәа раԥхьатәи аҽазыҟаҵара мҩаԥыргеит>>

ConIFA аегида аҵаҟа иҟоу Европа ачемпионат мҩаԥысуеит Ашьха Ҟарабах аҳҭнықалақь Степанакерт рашәара 1 инаркны 9-нӡа. Официалла FIFA иалахәым Ихьыԥшым ашьапылампылтә ассоциациақәа рконфедерациа шьаҭаркын рашәара 7, 2013 шықәсазы. Уи иалоуп 40 инареиҳаны акомандақәа. 2016 шықәсазы Аԥсны имҩаԥысуан, усҟан аиааира агеит Аԥсны иеизгоу акоманда.

Ажәабжьқәа зегьы
0