Ҳазлацәажәаша ҳамоуп: акультура, аспорт, аҟазара - уи ҳара ҳаԥсҭазаара.

Очамчыра арион Жәлар рыкәашареи рышәаҳәареи ретнографиатә ансамбль "Ерцахә" еиҿкаауижьҭеи 45 шықәса ҵуеит. Уи асахьаркыратә напхгаҩы Вианор Логәуа арадио Sputnik Аԥсны аефир аҿы еиҭеиҳәеит ҿыц ииуа акәашарақәа рықәыргылашьа атәы.

Адунеи зегьы иалаҵәахьоу аԥсуа шьхыцқәа ауаҩы иԥсҭазаараҿы ҭыԥс иааныркылои урҭ рынцәахәы Анана-Гәында лыхьӡала аныҳәареи ртәы дырзааҭгылоит Есма Ҭодуаԥҳа.

Ашәҟәыҩҩы Даур Начҟьебиа арадио Sputnik Аԥсны аефир аҿы иҳәеит ҳтәыла адунеи ажәларқәа рҿы еицырдыруаны иҟалартә еиԥш алитературала аӡыргара ахәҭаны ишиԥхьаӡо.

"Ахәыҷра аныҳәа. Иқьиоу акартош" аҟны идырҳауа аԥара афонд "Ашана" иахыԥхьаӡалоу ахәыҷқәа Леон Қриеи Амир Ҳалуашьи рыхәышәтәрахь ирышьҭуеит.

Агазтә баллонқәа рхархәаразы иҟоу аԥҟарақәа ртәы, насгьы "Аҟәагаз" аҳҭнықалақь ахәыҷбаҳчақәа рҿы имҩаԥнаго агәаҭарақәа ртәы арадио Sputnik Аԥсны аефир аҿы еиҭеиҳәеит уи аусбарҭа аиҳабы Ҭемыр Шәқьериа.

ConIFA аегида аҵаҟа иҟоу Европа ачемпионат мҩаԥысуеит Ашьха Ҟарабах аҳҭнықалақь аҟны рашәара 1 инаркны 9-нӡа. Уи иалахәуп Аԥсны иеизгоу акоманда.

Агәыҳалалратә еиҿкаара "Кьараз" анагӡаратә директор Кадыр Аргәын арадио Sputnik аефир аҟны еиҭеиҳәеит Аԥснытәи ахәыҷқәа аныҳәатә ԥсшьарамшқәа шырзеиҿыркааз рашәара аказы.

Жәларбжьаратәи аицлабра "Детская Новая волна-2019" Иалта ихыркәшан ахәаша, лаҵара 31 рзы.

Ахəыҷтəы журнал "Амцабз" ҭыҵит лаҵарамзазы, 1957 шықəса рзы. Уи аҭоурыхи иахьатəи аԥсҭазаареи Ахәыҷқәа рыхьчара амш аҽны дырзааҭгылоит аредактор хада Инна Аҳашԥҳа.