АҞӘА, рашәара 26 - Sputnik. Украина атәылауаа, ҩыџьа аҳәса аанкылоуп анаркотикатә маҭәашьар "метадон" ахьрыладырҵәоз. Абри атәы аанацҳауеит Аԥсны ААР апресс-маҵзура.
Иааныркылаз аҳәса ирымхын 23 грамм иҟаз анаркотикатә маҭәашьар "метадон".
"Аоперативтә информациа анагӡараан Аԥсны ААР аусзуҩцәа Аҟәа ақалақь аҿы иааныркылеит 1992, 1986 шықәсқәа рзы ииз Украина атәылауаа. Амедикцәа рышьақәырӷәӷәарала дара анааныркылоз анаркотик маҭәашьар рыдкыланы иҟан", - аҳәоит апресс-маҵзура адырраҭараҿы.
Иаанкылоу уаанӡатәи ацәгьоурақәа ирылахәу ирылахәыму уажәы ашьақәыргылара иаҿуп.
