01:08 21 Ԥхынгәы 2019
Ишиашоу ицо аефир
  • USD62.87
  • EUR70.79
Харитон Агрба, архивное фото

Харитон Агрба Европатәи ахәмаррақәа рфиналбжахь днеиит

Instagram.com/khariton_agrba/
Аԥсны
Икьаҿу ахьарԥш аиура
5 0 0

Европатәи ахәмаррақәа рфиналбжаҿ Харитон Агрба Евгени Барабанов диндаҭлоит (Украина).

АҞӘА, рашәара 27 – Sputnik, Бадраҟ Аҩӡба. Аԥсуа боксиор Харитон Агрба Европатәи ахәмаррақәа рфиналбжахь днеиит Молдавиатәи аспортсмен Васили Белоус дииааины.

"Европатәи ахәмаррақәа – зҵакы ҳараку турнируп. Ара еизеит зыхәшьара ҳараку аспортсменцәа. Ус шакәугьы исылшо ҟасҵоит ишахәҭоу еиԥш ақәгыларазы", - иҳәеит Харитон Агрба.

Молдавиа ахаҭарнак Харитон диндаҭлон х-раундк рҿы. Урҭ реихшьаалала аӡбаҩцәа еицҿакрыла Аԥснытәи аспортсмен аиааира иаҭәаршьеит. Афиналбжаҿы Харитон дызцықәгыло Евгени Барабанов аԥышәа змоу спортсменуп ҳәа изиҳәоит.

Аиԥылара мҩаԥысуеит рашәара 28 рзы.

Харитон Агрба Урыстәыла еизгоу акоманда ахьӡала дықәгылоит.

Аҩбатәи Европатәи ахәмаррақәа мҩаԥысуеит Минск, рашәара 21 - 30 рзы. Иалахәуп 3800 –ҩык рҟынӡа аспортсменцәа.

 

Ихадоу атемақәа