АҞӘА, ԥхынгәы 5 – Sputnik. Аимадара Tele2 урыстәылатәи аоператор абонентцәа адырра рнаҭоит Аԥсны, ԥхынгәы 15 инаркны аимадара ахархәара шзалмыршахо азы.
"Tele2 адырра ҟанаҵоит ахатәхаҿқәеи акорпоративтә клиентцәеи рзы жәларбжьаратәи ароуминг аҭагылазаашьақәа ԥсаххоит ҳәа. 2019 шықәса ԥхынгәы 15 инаркны Аԥсны иахьаҵанакуа аҳа амаҵзурақәа рыдкылара алшом", - ҳәа адырра ҟанаҵоит Tele2.
Амаҵзурақәа рхацыркра арыцхә азы адырра ҷыда ҟаҵахоит.
Tele2 Россия – урыстәылатәи телекоммуникациатә еилахәыроуп. Ишьаҭанаркит швециатәи аилахәыра Tele2 AB.
42,3 млн абонент рымаҵ ауеит.
