22:18 21 Цәыббра 2019
Ишиашоу ицо аефир
  • USD63.85
  • EUR70.60
 ашьапылампыл азы атурнир

Гиви Смыр игәалашәара иазку ашьапылампыл азы атурнир аатит Афон Ҿыц

© Sputnik / Алексей Филиппов
Аԥсны
Икьаҿу ахьарԥш аиура
17 0 0

Гиви Смыр игәалашәара иазку ашьапылампыл азы Жәларбжьаратәи атурнир аатит Афон Ҿыц. Жәларбжьаратәи атурнир иалахәуп 16 команда: Аԥсны, Урыстәыла, ЛЖәР, ДЖәР рҟынтәи.

АҞӘА, ԥхынгәы 29 – Sputnik, Бадраҟ Аҩӡба. Гиви Смыр игәалашәара иазку ашьапылампыл азы Жәларбжьаратәи атурнир аатит Афон Ҿыц ҳәа Sputnik иазеиҭеиҳәеит ашьапылампылтә команда "Афон" азыҟаҵаҩ хада Армен Капикиан.

"Аиндаҭлара иалагаанӡа акомандақәа Аԥсныҟа иааиит. Ара аҽазыҟаҵарақәа мҩаԥыргеит", - иҳәоит Капикиан.

Атурниртә хәмаррақәа рыдагьы аиҿкааҩцәа еиҿыркааит аекскурсиатә программақәа атурнир алахәылацәа рзы.

"Ҳәарада аекскурсиақәа хәыда-ԥсада имҩаԥаагоит. Ара ирбаша рацәоуп", - иҳәоит азыҟаҵаҩ хада.

Атурнир иалахәуп 2008-2009 шықәсқәа рзы ииз аспортсменцәа. Жәларбжьаратәи атурнир иалахәуп 16 команда: Аԥсны, Урыстәыла, ЛЖәР, ДЖәР рҟынтәи.

"Зынӡа ԥшь-гәыԥк ҟалоит. Афиналқәа ҩба ҟалоит. Акомандақәа ԥшьба афиналбжаҿы инеины "ахьы" азы еиндаҭлоит, егьырҭ аԥшьба. Афиналбжаҿынӡа изымнеиз – "аразны" азы еиндаҭлоит. Асеиԥш иҳаӡбеит ахәыҷқәа рзы еиҳа аинтерес аҵаларц", - иҳәеит Капикиан.

Гиви Смыр игәалашәара иазку ашьапылампыл азы III атурнир Аԥсны, Урыстәыла, ДЖәР, ЛЖәР ркомандақәа 16 алархәны имҩаԥгахоит Афон ԥхынгәы 28 инаркны нанҳәа 1 аҟынӡа.

Иара убас шәаԥхьар ҟалоит:

 

Ихадоу атемақәа