20:19 12 Абҵара 2019
Ишиашоу ицо аефир
  • USD63.85
  • EUR70.42
Арт-пленер иалахәу асахьаҭыхҩы Аԥснытәи ашьхақәа рсахьа ҭихуеит

Жәларбжьаратәи арт-пленер аусура аатуеит Аҟәеи Риҵатәи амилаҭтә парк аҟны

© Фото : Ныгәзар Логәуа иархив аҟнытә
Аԥсны
Икьаҿу ахьарԥш аиура
10 0 0

Жәларбжьаратәи арт-пленер иалахәхоит 20-ҩык рҟынӡа апрофессионалтә сахьаҭыхыҩцәа Урыстәылеи Израильи рҟынтәи, иара убасгьы, иалахәхоит ААУ аҟазара аҟәшеи Аҟәатәи асахьаҭыхратә школи рҵаҩцәеи рырҵаҩцәеи.

АҞӘА, жьҭаара 11 – Sputnik. VI Жәларбжьаратәи арт-пленер "Ҭагалан аԥшшәхәқәа. Аԥсны-2019" аатуеит жьҭаара 17 рзы Аԥснытәи аҳәынҭқарратә университет аҟны ҳәа радио Sputnik иазеиҭеиҳәеит асахьаҭыхыҩцәа Жәларбжьаратәи реиҿкаара "Апсны-Арт" ахантәаҩы Нугзар Логәуа.

"Апроект асахьаҭыхыҩцәа ҿарацәа рҟазара аизырҳара иазырхоуп. Афестиваль ахь иааҳаԥхьоит аԥышәа змоу асахьаҭыхыҩцәа, арҵаҩцәа, арҿиаратә еиҿкаарақәа рлахәылацәа", - иҳәеит иара.

Шықәсыцыԥхьаӡа есааира арт-пленер алахәылацәа рхыԥхьаӡара иацлоит. Сынтәа азыҳәақәа ыҟан Зеландиа Ҿыц, Нидерланды, Таиланд рҟынтәи ҳәа иҳәоит Нугзар Логәуа.

"Сынтәа урҭ ралахәхара ҳзеиҿымкааит аамҭа амамзаара иахҟьаны, аха ҽааназы ҳарзыԥшуп. Ҳуснагӡатә далахәуп Израильтәи асахьаҭыхыҩ", - еиҭеиҳәоит иара.

Уи идагьы Новосибирскнтәи хҩык аҟазауаа ҟалоит. Иаауеит Кострома, Шаача, Москва, Краснодар, Санкт-Петербург уҳәа ақалақьқәа рҟынтәи асахьаҭыхыҩцәа.

"Арт-пленер апрограмма инақәыршәаны жьҭаара 17 асааҭ 12:00 рзы ААУ аҟны имҩаԥгахоит аконференциа –"Ҳаамҭазтәи аҟазара. Аметодологиа апроблемақәа " атемала. Аҩбатәи амш азы Риҵатәи амилаҭтә парк аҿы иацҵахоит ауснагӡатә", - иҳәоит Логәуа.

Ихадоу атемақәа